¹ Naemi faipi ankero ano beyi ufem arinam. Semi Jonimi amo narukau mana ofumose Inarufa ose wami kukufe mana magaga kumewa. Mini ofum mano fakarukane memapa kukam masipikeki minimi kipantawa iwam. ² Bemi mini masi auwonti riruka beni kipanta buwam mini masipike imumano susuwam mano manta ofauka ofu manta ayufunaka. ³ Mini emupike fintomi maka amuka ukane, Kotimi eranti yemi yimidami iyawaranta ukane magaga. ⁴ Koti siyime atayami anami bu kaukosi ka, ma'e mana'a yayana nampa yami, minuga mise yemi watami fami anagaitemo yemo Kotini uyakanti yorasika iwana. ⁵ Fintomano eyo wayami bu mantukane wata anasimo yuruma fuginti. Minimi yemi eyo waya yimemi semi wata anasi anom umara yimego faipia buyoka ana. Mini anene manoni ai'i mae uwa iyaontanoni mana waitamo anamo kakani. ⁶ Mae mini kanawata anasi fugi a'nanti afakanayo, minugamise mana fugi ami bu afakatemo. Yemi fugi ranti ano yiyiri item, mini nam fugintano bu fakatem yem. ⁷ Mamini fintonu ano osi abu awa ruke arubira reri uka. Mini osinu yinoka, kim manoni koli atakanta wane. Afo yeyorasi ano wata yorasikana ukane. ⁸ Yenti yi'no yaumano anasi uga yinoya yanta uga, ye yiwaya manomi afa pusi awayani uga. ⁹ Yenti kafaka sota aini amaka uwantuka. Afo yemo agami yen yayapike amuna noisi ebem ifikanta amuna karasin nampa osimose arubika bini. ¹⁰ Yen yinepim uwai wane mae iyawa amefinata minugami yime mano eranti makane wata anasimo anaka inani faipia buyokao. ¹¹ Mini ikip masi anoni ankero ano kinata yeka rafi sitem. Mini ankero ano abi'i Hibruyu yafake Abadoni afo Krikiyu yafake mi Apolioni. ¹² Fesi sabi inti fawarube ai kipaka. Intago! manayu anepa, mini kanti ano uma wane miniwa yakagagam. ¹³ Afo sikisi ankero ano begi ufemo arimi,semi intaruka kaunabe mana amerakomose foa komumanoni kasi funta sako'o Goti adeka wam kori yaufikem. ¹⁴ Mini amerakomano sikisi akeroano same eaua eni ufemano asi,''semo foa ankero yufretisi no awanapim kimakanna aifo eaua wo''' ¹⁵ .Mini nura ,mini kana buyom wa ika fawarim,mini foa ankero Gotimi yemi uyamakake em ankeroano dami bemono tri hapi wata anasi girinoya. Mini ankero kuo yemo be rafise eyo kana,buyom wa io yinanim. ¹⁶ Semi arubim waita gi nampa intarukaui iyemo osikao kumantomi tu anret tauseni. ¹⁷ Semi kaimi amonauna, nesu osimi wami masidem watamano kumaka minika, yenti kafa sotagake nare ikayanti kewam, kumayu blu wa eafu saifa ommi. Mini osinu yenomanomi afa iyan anoni ukane, eyo ye giwantike afa iyawa imumi yebewane. ¹⁸ Mana taria api wata anasi imumanano, wa afa igamano yen yofeke yiyime yiruma fuduka. ¹⁹ Mini osinuyi eranti ye yiwauntim wami yen yimemano mema ameyiuka yemi yinom make mi wata anasi sabi uyikewa. ²⁰ Mana a wata anasi bu fukayi ma mini sabi antafike, yemi yeyi sabi anta yauti siku no bufika afo yemi sabi awamuka rotui antami ifaburuka, mini kusai gotimi korimi, silvami, brasimi, omwa ya anta yui aukam buwa wamonebe, akakam buwam beintebem, ai buwamise bubewa. ²¹ Minukami yemi Gotimi sikuno busika wata mose yiruma fugom wa uwa anta wa muna gotikao o rotu sita wa moko anta wa enogi anene umo mara anta.