¹ Naemi amonaunami fo'a ankero mana maga manoni konapim itare paiya bami, afo yemi erarure susuwa uyagemo magawa bunoma noni fo'a konafim afo yeyuwa. ² Semi ena ankero amone waunami a'i unte wapakem urem, mana ankero Gotini afum rukayi. Bemi era rurem yarem fo'a ankero amaka siga yagi maga wa bunom anaka ite. ³ Magami bunom nampa yayu bu anakaeba senu Gotini yogam waita yinoka afunti rafana. ⁴ Semi intaunami Gotini wata nasi mini afunti yeka wayi manugem 144,000 watanasi. ⁵ Ma mini wata anansi 12,000 Juda watanasi, 12,000 Rubenini watanasi, 12,000 Gadi watanasi, ⁶ 12,000 Asa watanasi , 12,000 Livai watanasi, 12,000 Naptalini watanasi, 12,000 Manaseni watanasi, ⁷ 12,000 simioni watanasi 12,000 Livai watanasi, 12,000 Aisakini watanasi afo ⁸ 12,000 jebuluni watanasi, 12,000 Josepini watanasi, afo 12,000 benjameni watanasi yemi a'i matntuka. ⁹ Mana aneneyu yakagabim naem semi amonaunami amuna watanasi ugam wata amaka bu yantatem. Masidem magufikem yei afo mana magafikem masidem akum, afo maside ena ena sewanu ba. Sipisipi iya ontanoni sia kini arasipem yemi itabuga. Iya ana sokom unam bado urukemi pami ana yiyaka fakaruka. ¹⁰ Afo yemi ano'naga arama semi , " Wata yu owayege yivigago, senuti Goti sia kini ga kumakayimba sipisipi iya ori yogam. ¹¹ Maside ankero sia kiniga itama yaku omi afo yi'nom waita yu ba fo'a afa waiwam maside yu yen yu magafim depaya yorasi magafim da kumem Gotini augaka. Afo yemi beka lotu emo. ¹² Afo yemi semi, Fuga ugane! Masidem eran rukam Koti avi yani ono. Ame no anon avi . Afo susuve sakano Goti awogu inti nampa amonanti rukam, maside kanaga, Fugave. ¹³ Naemi mana anom waita ma'nisirem sintaem, " Yemi sokom unam pado urukayi, yemi item akupikem ba itepakem yige ye? ¹⁴ Sasame'i, Anom waita o emi amonageve, afo bemi sem ma'nisirem sisimem, mana waita yu iye miniga sipisipi aga anoni narefim yenti anene sese uma sokoni'e. ¹⁵ Mi'nugami se yemi gotini sia kiniga adeka bemi saga kawaayufuma ba beka mono anta ewa. Mini waita iye sia kiniga kuma kayi yemi rafikatem. ¹⁶ Mi'nugami, yemi yunam nara yanti buyintem a'a yem yimeragom nonanti bu kasa item. A'i gemi bu yukatem, afo iga wa bu yukatem. ¹⁷ Mana sipisipi iya om sia kini a'wanapim bayi yenti yenti rafisim waita batem, afo yemi fafi'dem aum bam nomi yimitem. Gotimi yen yigaupekem yi'nu arun yikatem.