¹ Semi sipisipi agai amone waunami diyemi manami yepike mana siyamifo kanti yaumi, afo intewaunami mana yepike eliwa afa safura manomi aravoka emi konamano kafaminata mini siremi, yeno. ² Semi amoneu me'apai mana efa osimiwa.Wata kumakem mini naro mini osi ka isanta fakarukami yemi amemo kimi kumunoi. Bemi yemi mapai aruvintim yakagewam waita yowarewa aruvira. ³ Afo sipisipi aga ano riyemi ana yaumi, semi inteu afa safurami mini siremi semi, yeno. ⁴ I'naemi minemi, ena osima naremi i igayanti kewami, mapai kuka. Batami kumakami yanafai mini osimano mare fasa mareke dara makafikena maside wata anasi yeyiranti yiruve buke yige ogoyanti. Mini waita osika yanafao kumake wayimi amemo mana soparoi amemo. ⁵ Afo sipisipi aga anomi diyemi ana kamore yau, semi intewanami ana kamore afa safura mano minisiremi ami sika. Yeno, semi amone waunami komuyi osikai wata kumakem yanafai sikeri ayapim fakaremi bage'em. ⁶ Semi inte waunami mana aravokami awanapakem eliwami afa safura mano ami minisika, mana nura manoni yogantanoni meyami, mini amakai mana nuramano yogakai. Mini amakai kamore kilomanoni balimi. Minigafo iwa manta savi ura wasaremi fo wainiwa. ⁷ Afo sipisipi aga anomi eliwa yaumi diyimi semibe amera intaunami eliwa afa safura manoni mini siga. yeno. ⁸ I'naemi minigai semi mana osima amone waunami beni karami greimi. Watamo mini osika kumakami bena avi'i Fuginti, afo minimi fukam waita yuyi makumi. Yemi awakurewa, yemi amemo mana kota magami ravisi yoya. Mi'ninami yemo yiruma wata anasi fukitemo soparo nako wa anona antaro wa ena ena savi ai nampa mana afa safura magafikena. ⁹ Afo sipisipi aga ano diyemi eliwam mana yaumi, semi amone wauna kanyanta amenapai wanui, yiruramo fukam waita, nayeyarafi yemi Goti ami sewayiyimi yemi makane eranti wayamo siti. ¹⁰ Yemi erarure aravoka emi sem, batamo made anene ka'o rafikami, emi kayukauka madepai fukaukami nade nurana benafi emo yemo bata anasiyu avogu anta rayimanani manafi yiminanim senu sirurukayim. ¹¹ Naemi yemi yiminayom mana mana iya ewam wa'do, afo yemi yiyiminayom yemi kefoga rafisewa amaka madem waita mana yogaka waitayu wa, afo awayu wa aunana yu minuremo wafa o yirurukami. ¹² Afo sipisipi aga ano ana yaumi diyemi mana siyamifo avapake mana semi amonewaunami emi afo anona magunti demi. A'i gami kasi ano minure kasi badomi biyomano nareyi emi. ¹³ Maside ofu yu ano fafase kumemi makafimi mana akai yamanoni era susu wamo yinanimi yamano uwa uwanuyu nampa inani. ¹⁴ Inarumi fafasinani fa nayeyata yuwasikate radavinani. Afo maside anuyu nampa ailani yu yemi makumi yeraremi yemo wage eyomi ai'i uyawemo. ¹⁵ Naemi mini madem mana magaga kimanoni wa bata anasi maka nampa yu, minugami maside ami yuyi kawa wa masire baita makane nesu anene, wa eram baitayu masire ena baita anasiyu. Maside yogam akakgu fa aneneyu wa fa baita yu. Mamini baita yu ayofare mamepa masipim omano awanapa anona mente anofikemi. ¹⁶ Afo ma mini akumi semi madem anuyu wa anu fafasemi senu seke'i. Aiyofase kemi senu bata orasi kake kumakemo sakoka. Afo sipisipi aga anoni aranene. ¹⁷ Nayeyara anona nuram ara anene yikami. Iyewa amaka itama erariteve?