¹ Naemi semi amone'u mini waita kumanturemi kini yuyi sagoka, bemi mana yaumi fakarem ba. Kar awafa bemi, ayan ugapa fakaruka. Yemi ma mini yaumi uyakemo mana siyamifo kanti omi. ² Semi amone waunami mana erarukam ankero erarure araboka uremi semi," iyewa amaka fuga riyiteve yaumi?" ³ Imi mana bayi inarufakem waita ba magafim ba amenapakem nampa magafim bam amaka mini yaumi rirena yantatenafi. ⁴ Semi anonaka'i ifirage'i, nayeyarafi mana waita amaka rirem yantananim. ⁵ Afo yepikem mana anom waita sisimemi, Buwa ifi da akano. Amonano mana Juda yu'yi afa iyami, afo Devitini aufa bemi.Bemi amaka'i rarem mana siyamifo kanti mini yaumi diyinanino. ⁶ Afo semi amonaunami mana sipisipi aga itavemi kumantewa sagoka a'wanapimi, afo mana'a eliwa anene aumi maka ka teni mifo eliwam anom waita yu, mi'nugami yemi sipisipi agagu yu'i aremo. Bemi mana siyamifo kanti augami maka. Minimi ugamakemi mana siyamifo kanti aiyomi Gotimi sakami madem magafim buga. ⁷ Bemi be mare mini yaumi ayan ugapa mini waita iyewafi? Kumatewa sagoka. ⁸ Afo sipisipi aga ano mini yaumi eriwa anene aumi maka nampa ka teni mifo eliwam anom waita yu magafini uremi yanao augaka. Mana mana yemi duka are wayina Koli fereti itukami awogu muku ewami imumi, augam mukewa yimakukun ewam batanasi. ⁹ Yemi auwen igu ma'ni sire raruka, emi amaka fuga sire oyu i radarewa riyiteve mini yaumi. Nayeyara avi yemi aruma fuduka eni naremano manami ma'dem watanasi aya uruka, ena ena baya nampa minimi madem awafa maga mano Gotipa yigano. ¹⁰ Emi minuranami madem akumi Kotini watanasi emo afo yemi ano wait emo Gotini yoganti yoganayo, afo yemi mana magaga rafisego. ¹¹ Inaemi semi yimonare intaunami nesu ankero yu yimeragom inte kumante wam sagoka yakurem afo anom waita. Made yu i siya kanti mifo amuna ugam. ¹² Yemi ano'na ka aravoka uremi manisika. Mana sipisipi aga'i aruruka, bemi amaka fukami ami sima itafinani. Anon avi amego. Kanaguneni eranti mini waita ga ana bino. ¹³ Intaunami maside anene Koti uwantuka anene yu inarufa wami, maga amuga, maga amenapa , bunom aupem bam anene yu yema ma'nisika, Ameno anon avi amego. Kanakukne ake'i mini waita wapa ana bino, iyewafi kumakemo sagoka wayi bino mini sipisipi agaka bemo rafisinami . ¹⁴ Afo eliwa anene aumo makayim sem, minimi fugave afo ano waita yeyumi magafim demi mono sia kemono.