1 Naepa mi yanta yesakavim semi amone yaunami mana otami inarufa diyem, mana aranti semi iteu anatai semi sisime ufem asem, manisirem semi, emi manafa utavina semi yo'avigano emi nayeyantao naema fabarenanin. 2 Ameurem Gotini spiriti manomi ameuremi setigaumi aumatikai semi amuna unami man watami sia kinimi gai kumakem ba mete inarufa. 3 Wata bemi kumaka mini sia kiniga, beni amonan tanomi yaspa onanu nampa nare onamu kanerian nopa afontami yau kugam mini sia kiniga minugami mini afonta manomi yayana omo anomone bam. Yemi avideve imiral. 4 Miniga mana sia kiniga, bane enava 24 kiniwai yaukuga afo 24 yino wata yewai iya unabado efam unabado nampa atai uruka yeyi kini. 5 Anonaga asire inaru kafaka imi anona omi ugagem mante mini sia kini gake orasipike, yemi mini manasi yamifo afapake kan iamumi minimi manasi yamifo afapake kan spiriti Goti nita. 6 Mate orasika sia kini manomi mana sorinomi manapikem bemi karosi yanta sagagem waiwai ewam, mete mini sia kini abanapim yaukuga mini sia kini, minigai wane eriwam safura uwaeve bemi nesuya yugami yaukuga made ayapa yorasipem ba yinepawa. 7 Anata safura uwaewa yimi afai yani uga miniga kena safura uwaewa gimi bemi kau agagi uga miniga kena safura uwaema gimi wata orasi miniga kena safurami uwaewa gimi akiki yanta ugem ageva. 8 Yemo eriwam yatao uwaewa gimi, mana bayi manabayimi yemi mana siyamifo afapake kan ayami duka, yemi nesu ukami duka mete yinaka nampa amenapa, Ayufum ba wayawa yem yaum bu marwa, sevemi, atekano, atekano, emi atekano anona Goti maside eran dukao, emi feyapa wane, banam mage mi maeba yinonam. 9 Mini nuram yemi safura yi ugayimi uwa ewayi ano avinampa erare seve susu sake ive mini waita kumakam sia kiniga iyemo bemo made nuram batem made nuram, made nuram. 10 Yemi 24 yi'nom waita yen yu dam magafim kumimi wata mo made sia kiniga kumakam yemi mono'i seva made nuram baiyim, made nuram . Yemi yeyi kini atai utuma demi sia kini gao bayinanti semi. 11 Anon avi'i enintamino, senuti ano'na nampa senuti Goti. Emi eranti marano, Ake nampa anon avi, emi maside yanta fa'ba uruka eyi ayika nampa eyi intinako uremi emi maside anene uwantuka.