¹ Naemi semi amonaunami auvem inaru nampa auvem magami. Amanta inaru nampa magami kipami bun nomwa bu wage'emi enawa. ² Semi amone'u sagaga mayu Jerusalemi i, Goti manta yowaruremi minumanti anasi mano auwem wata mararanti, Gotimi dami inarufake kumemi. ³ Afo semi intanaunami akeuga amera gomi kumemi kini ni kagakakemi afo mani semi, Intami soke'u! Ayofem magumi Gotini intami bemi wata anasimi minugami bemi yenam bai watem. ⁴ Bemi manta fasaranani masidem yuga anomi yentitami afo yemi bufuginayo afo bawanani afo masidem feyapa anene kipatemi. ⁵ Mini watamo iyemo kumakemo kinini kagakao semi, inta! Semi masidem yantai uwan uwantauweni emi " Afo senanti semi, "agara mana wayami, Minimi fuga wayami afo naemi fuga fawaritemi. ⁶ Afo yerademi sisimemi semi, mana masidem yantai ai fawaruga! Semi agoyare'u maside yanta kipaka. Iyem wata wafi anasi wafi nonanto antiranai nonanti semi amenu mini masinomi wama bu kipa wanti. Mini nomi meyam buwa nomi fami nanonami. ⁷ Iyem manu watamasimo akeuremo aruvinto yakama niyimi, yemi mini yantai maranayo. Semi yenti Gotimi wanami yemi seti gafanta watemo. ⁸ Ugami iyemo yemo fedemo avogu anta iranto bu akeuremi wanani semo siwariranti, wata yiruma fugewayi, famuku anta ewayi, uwa anta ewayi muna kotimi monoi asakevemi afo wata muma yimevem, mini wata anasimi ofeganayo anona iga magu fimi salfa sewa omi. Minimi ananta aneka fuginti. ⁹ Mana wayimi afapake kantifo ankero anomi yemi sekai afapake kantifo koraya nampai ituka savi yantai afo semi, managa yina agate wata maraunani inimi, bemi sipisipi agai maratemi. ¹⁰ Afo bemi semi sibigemi Awamu pimi urempi anona anugai afo sigatemi anona sagagam magumi. Minimi Jerusalemi i Gotimi dami inarufake kumemi ¹¹ Gotini akei kumemi inarufake minianona magu Jerusalemi 'i afo omi gama sagemi uremi amona omi Jeweli afo sagama avogu uremi onami jaspa faka fawaru gara emi. ¹² Bemi anona kugumi dukemi afo makemi siya kantifo sifake kantifo onami minigai bemi. Siyakantifo sifake kantifo ankero yui mana mana ontagai togami oafo mini ontagai agaremi 12 a iya orui Israeli. ¹³ Yemi kamore ontami uwantuka eriwam ayapai magamanomi. Kamore ontami afu untewa ayapai, kamoremi ontami afau kopegewa ayapai afo kamore ontami sauti, ayapai mina kugumano awafai. ¹⁴ Mini kugumano mini anona magufimi siya kantifo sifake kantifo bemianonam omi maunremi mii magumanoni arem maganti mini on amugai yemi agaremi 12-a aposolo mini fumara sipisipi aga avi'i. ¹⁵ Watami iyemo waya senampa sevemo, bemi fakaruka yakimi uyamagevemi mini anene yui yenio uwantukami koli nako uyademi mini kugumi nampa onta mini anona magumanom. ¹⁶ Mini anona magumo itegamo 4 a awafai maside ayapai mana kigiwa uvemi. Aya awafai aki awafai mana ugemi. Bemi mini Anona magumi uyademi aya awafai afo bemi manemi 2.200 kilomitami. Aya awafai, aki awafai wa aya awafai uremi menttapai, maside mana uga. ¹⁷ Bemi uyagemi bemi akei mini, kugumanom i bemi fawaremi manemi 66 a mitami. Watamanomo uyagami mini ami, Ankelowai awakuremi mana uremi watamano ini. ¹⁸ Mini kugumi uwantukami mana omi jaspami, beni afauntanomi yayanami afo anona magumi koli nako uwantuka, bemi faka kamu yanta uga. ¹⁹ Mini kugumanomi fosimi, yemi uwaremo madem made omi meyami mentapai wa Ananta omi avidemi jaspami, miniga omi avidem salfami, mini ga omi aviremi akata afo enaomi avi'i Krisolait, mini gai omi avidemi emaradi. ²⁰ Afo ena omi avi'i onikisi, ena omi avidemi kanalian, ena omi evidemi kriso,ait, ena omi avi'i berili, ena omi topasi, ena omi avidemi krisoprasi, ena omi avidemi sasuiti afo araganomi avi demi ametisti. ²¹ Yemi uwaremo 12 'a' anona ontami 12'a' selifim. Mana mana onta, yemi uwaremo mana mama seli, yemi sito mato ayinui aupemi mini anona magufimi, yemi kolinako uwantukami bemi kamu yi uga. ²² Semi bu amonei mono mai mini anona magufimi mini kugu aupemi ugami semi amoneu Anona Goti masiden eranti dukayi nampa fumara sipisipi Aganampa wafa wage'e ugamono Magata uremi. ²³ Mini Anona magumi omwa buwa nayeyare yemi Goti sagantano omi yimi fumara Sipisipi Aganempa lamu nampa onanta uga. ²⁴ Maside wata anasi nowemi anona okai mini anona magufimi, afo yemi kini yui magafikemi maremi maside avogu yanta i yeyinta mantareve mini fai yitemo. ²⁵ Ontami mini Anona magu manomi rigemi maside nurami wanami kumayui buwanani. ²⁶ Masidem wata anasi maremi avogu yantai nampa mone'i nampa upegatemo anona magufim. ²⁷ Afo bumi mana watamano upegatemi anona magu fimi savi anta nampai muna waya nampa, muna waya nampa afo mini akumo yibio yaufimo wama kipatim mini yu anami upegatemo