1 Semi mana ankero amonauna inarufake kumemi. Bemi aferum buwam masikake ki nampa anona nanti ayapim fakaruka. 2 Bemi mini savi memam fakaruka, mini wago mwmam, ben avi wananom, afo 1000 ikai kuruka. 3 Mini ankero ano bemi dauma intefura aferum buwam masipim kuntavim abukai uyaduka. Bemi memam mano minuakami 1000 ika wata anasi anam buganoya. Inaem, manta fasa dami sito kanafim binani. 4 Inaem semi amonaunam Goti watoyu nampa yimiduka wata anasi dayimago yanti, kika kaka kumantuga. Wata anasi yinon akefagam yimamba amonauna, wata anasi Jisasi avi sima farewa nampa Gotini fuga waya. Yemi mini afo waka monoi busemi muna amambaka bai afo yemi yivesara ugane mini maki yinoka bai yiyaka marara. Yemi yerade masipike itave, afo Jisasi nampa bemi, mana maga 1000 ika dafisitem. 5 Ena wata anasi wafa fukayi, yemi aumibu marateye 1000 ika, Mini yeyi ana intaviti. 6 Iyewafi Jisasini ana itayiko wage'em inaniyi yemi abogunure kayuke wateye, nayeyare inaem fugintano yen yimuga eranti buruka, yemi goti nampa Jisasini prisiyi ugemi 1000 ika wateye. 7 1000 i kipabinami, Gotini wananom kugage enimi uyufitem. 8 Bemi fasa oravemi amuna wata anasi foa awafa mana magaga anakaifem, maside magu Goki nampa magaki manta duwantu uremi, Gotika yimakuku ewam wata anasi nampa yiru biteye. Yenyi nampa manomi bunon anapake efayu amaka itene. 9 Yemi maside magafa amapa bemi afo Jerusaremi yimaku wata anasi ikuyiteye, Gotini anon tauni, bemi ayigara ewam, ugamifo igamano inarufake kumemi mini waitayu yukatem. 10 Beni wata anasi muna yimin savi waita Gotimi dauma itafitem, furaga okake gewan igafim bitem, mini awafai afa anene nampa muna kasanampa waita intafuruka, yemi ayufupim ba sagaka maside maside nuram savi marari iteye. 11 Inaem semi semi amonaunam mana anona efan kin kaga, mana waita iyewafi kumantugam, maga wa inaru beyi magugage afiwuga, agamifo yemi ayofanayom magu buwa. 12 Wafa fukam waita anasi yimonagu, yibi duka waita nampa yibi burukam waita yemi min9 waita ki kagaka kumatugayi orasika itabuga afo manawayi bukuyu diruka. Afo ena bukuwa diruka. Minimi aum maram bukumi Gotimi fukam waitayu yemi wafa uwantam bukufim wage'enin antaga dayintuka. 13 Item waitayu yemi fuge bunopim wana yom, aum mante itavim afo iyewafi fugem magafim wananiyi itavitem. Afo mini fakam waitayu Gotini koka itaviteye. Yemi wafa uwantuka antagai dayimatem. 14 Yimakuku buyewam waitayu nampa mati maguyu anona i ga aupem itafitem. Mini aneka figinti. 15 Ugamifo manwayin manwayin avi mini aum maram bukufim bu watemi, ankero ano miyimi anona igafim intafitem.