¹ Mamini aneneyu kipabin onepa, semi mana anona arawoka intaruku, amuna wata anasi inarufa bemi arawoka ewantaure semi, "Gotin avi yaniogo saga yanta, okei afo owayege wata abiganti, senuyani Goti intami." ² Mana maga beyi savi antanako anakaem. Aka inimi meyami amiduka. yogar agaguyi nare wayigakai meyami yerade mini inimi amiduka ugami beni koi dayima atamano, fugasigem afo atekara uga. ³ Kantaya yeradem, yemi arare mani siruka. Goti avi "Yaniogo! Igamanoni imumi mini inimano amuga gewami, bu kipatene." ⁴ Yemi 24 anomwaita nampa eriwan onene aumi makayi, ye yigon yaumi dadare Goti mi beyi kagaka wami monoi sasakewa yemi mani sewa, "Minimi Fugave. Goti avi yaniogo." ⁵ Afo inaem mana amerago mano ki kagakake yerave mini semi. " Senuyani Goti avi yaniofano, yige beni yogam waitayu, Iyewafi ben ago fegewa nampa maside avi dukam waita nampa avi buruka waita. ⁶ Inaemi semi intaunami wata anasi yimerago nanta inteu afo anon nomi saeve anta asemi, afo inaru asewa nantu ewam afo mini semi, Goti avi yaniogo! Anona mano maside nura wane, bemi mini Goti maside anene dafikayi. ⁷ Seyu simoyeya ifo sipisipi anon avi amefa, Nayeyare mini waita marananim kana ai adeka yiga, afo bemi maranani inimi ai bewa yowaruga. ⁸ Mini inimi ai eyo siremi sefo seseuya efa wadonako konariri itene, " seseuga efan wado mano iyewafi ateka anta ewam sigatigem. ⁹ Afo ankero ano sisimem, " Mana wayami agarano, wata anasi beni sipisipi agagi yunaka yarananiyi, yemi yimoyogo." "Yewayegem mani sire sisimem mana wayami ai Gotini fuga wayami. ¹⁰ Sesorasi ben aifim magun dei monoi siakara unami, afo bemi sisimemi " Mini buyono! Goti mana monoi sasakano. Semi enampa mana ugauna yogam waita nampa mana'a yimakuku ewam waita iye Jisasi avi sima fawarewam. Otika monoi seno, nayeyare Jisasi avi sima fawarinti, mini kasanampa ewa Ayomi. ¹¹ Inaem semi amonaunam inaru diyim efar hosimi wage'em, mana waita mini hosika kumantuga, ben avi demi semi, Fuga sigem atekam waita, Atekam atanampa meyam watayu yimebem afo beyi namugoyu nampa aruwem. ¹² Ben agaumano iga yanta kewam afo ben anokai amuna kin atagu wane. Mini amuga avi wami manawayi bu amonagem, beyao mana amonatem. ¹³ Bemi mana iya'ana wado emi, masidem naretim darukam, Afo ben avi dem semi "Goti ami." ¹⁴ Inarufake amiyu yemi efar hosika kumante mini waita awakure seseuga efam wado uruka. ¹⁵ Ben abuntim mana awaewam asimi yiga afo masidem mana magagakem waita yiritemi. Afo masidem beyi aini yaki nako afisitem. Gotini anona aran anenenako kasekasu fatemi waini dafigewa amako iteye. ¹⁶ Bemi mana iya'ano efam wadoga man avi agantuka afo ben aimaka mani sire agantuka Kinuyi kimi Arona yuyi anonave. ¹⁷ Mana ankero amonaunam aigaka itabugem wage'em wumi yanafa agewami agademi yararuka. Yigem maside O otinduwantu duwantu yunaka yego." ¹⁸ Gotini namugayi yumi yema nago. Kinuyi yumi, afo hosinu yu nampa watami hosika kumatuka, masidem kuga waitayu nampa bu kuga, afo yibi duka waita nampa yibi buruka waita. ¹⁹ Semi amonauna afa anene nampa mana magagake kinu nampa yenyi amiyu, yemi manafim duwantu ure mana kin nampa iyewafi mini hosi amuga kumantuga amiyu nampa arubirant uga. ²⁰ Mini afa anene matemi afo muna kasanampaevem berara ane uwarewayi nampa kuruka. Mini berara anene uwara nako amuna mini nampa duke miniga monoi sewayi muna yimiduka. Yeganti fami aumi duke wami daure afa okake ano iga gewapi intafuruka. ²¹ Watami hosika kumantukayi amuna ena waita ben abuntike kukam asi nako yiruruka, masiden numano fuka waita yumi naruka.