¹ Naemi nini Ankelo ano siyatemi nomi watanomi, bemi kalasiyanta sagavem. Ugaemi kumemi kui sia Goti wa beni Sipisipi mano. ² Afo bemi uyaemi kumemi ami awanapimi mini anona magufimi. Ka awafai mini nomanomi mini non anapa mana yami wa wama kipantano yami, mini yamanomi 12 a ena ena agami irewa uremi agami masiden igo nagai irewa. Mini yamano anamano bemi manta sokeuyi kani masidem magufai uma kanafim. ³ Afo enawai umanti buwani. Afo bemi yogam watayu monoi bemi sasatemo. ⁴ Yemi amonatemo ben orasi'i afo ben avi'i yen yorasikai. ⁵ Ayufumi enawai bu wanani. Afo lamui omi afo afau mani omi enawa bu wanani, nayeyare Goti omanomi yen yimugai gatemi. Afo yemi dafisinayo mini magumi madem nuram madem unram. ⁶ Mini Anke'ano sisimemi mani semi, "Mini yantaguo Gotimo emo agatimi masidempa fugami afo fewaritemi. Anona, bemi awamuguyi Gotimi yogam watayui. Bemi siyikemi ankeloyui yoganti yigatino yanti yogam wata anasi beyinta naye yanta'o adeka o fawarinanim, kanami. ⁷ Intama Sokeo! Semi adeka yenu kanami! Iyemo wata anasiyu'o awakumo wayamo mana profet yemi yimoyitemo. ⁸ Semi Jonimi, semi mini wata iyemo inteo amonue'u mini yantagui. Mini yantagu'o inteo nauna kanafimi se sorasi, daunami kumemi mini Ankelo aifimi mono'i siake'u. Mini Ankelo iyemo mini yantaguo sigatemi. ⁹ Afo bemi sisimemi, "Emi mini buyono! semi mana yiom yogam wata enampa mana'o profetiyu afo mana uga profetimo iyemo Gotimo. Bemi Goti bemagai monoi sasaka temofau. ¹⁰ Afo bemi sisimemi, " Buwa waya bu uyaga wayamo mana yaufim wami profeti nayenare kanami ai adekagi uga. ¹¹ Watamano iyemo savi antafim watemi, e'anana savi antafim wa. Afo kimio ewayika e'ana enawa be vem kumigu i avogu anta ewayika, e'ana enawa be vem kumigu i avogu anta ewayika, ena enawa ateka anta ino. Wato iyemo ateka antaga wayimi, eanam bemi atede wa. ¹² Intamo! Semi adekai yenu semi yigenti meyanampa yenu, yime'i mana mana wata anasi naye antamo uwaraka. ¹³ Sena na'omi Anantai wa arawai i semi Agoyarantawa kipantawa, semi ananta be'i arafai be'u. ¹⁴ Wata anasimo iyemo yimoinayoyi, mini yemi wata anasi yenti antamano avoguya. Yemi a'i eyo wayami mantuka mini yamo wantanoni wanto afo yemi opeganayo Gotini Anona magu ontafimi. ¹⁵ Mini akumo iyemose mapa wayi, yemi iyamo yemi min yiga anta ewayimo, famuku onta ewayi, wata yirume fugewayi, muno gotini mono, sasake wayi, afo mademi iyemo yiyi demo muna anta nampa awakure wayi. ¹⁶ Semi Jisasi sesi ankeloyui yiyikau nami yemo mono magupai sima mini yantagui fawarogo yanti. Semi anta ugami afo yinawasimi yemi kini Devitini akumi. Semi ofumi wanurapim kewauna. ¹⁷ Awamu auo Anona manoni afo mini inimo wamara iyi semi watayu ganti. Yigemi yego! Iyem watamo intananiyi enom wai sasamemi "Yigemi wa yego." Iyemo ameragomo nonanti asakewayi, bemi seka yinana afo iyemo ayigara uremo nomo naranti, yerave nano mini nomi wantenini wanti duka afo emibu ayaino mone kakemi. ¹⁸ Semi yiyimu yigemi maside akum wata anasi iyemo waya profeti bemi mini yaufimi. Mini namo mauawayimo ena wayomo Gotini waya amuga maganamim. Gotimi umanti yimitemi, yemi ai mini yaufimi agantuka. ¹⁹ Mini nana mana watamano manta fasaose mana profeti yaufikemo bemi yunami bu maranani mini yamo wama bu kipanani afo Gotimi sasakama fasa danani mini Gotini Anona magufikemi, awakuntemi waya mana yau aupemo wani. ²⁰ Mini watamo iyemo sima fawaremo mini yantagu ganto, bemi semi Eyo! "Semi yenu adeka kanafimi." Semi Joni itave'i se'i, "Minimi fugave! Anona Jisasi kumano!" ²¹ Awa awai Anona Jisas Kraisi watemi yigenam pai masidemi beni wata anasimi. Fugave.