¹ Amone bunami Gotinisipi sipi aga Saiyoni anuga 144 000 nia watanasi nampa itarem bem , benavi nampa benafoeni avi yifentapim rukam. ² Mana aranti inarufake intaunami yimi, anom nom manoni noisi kage ugemi inaru mano era asiga. Mini noisi intaunami mana waita mano kita arini uga. ³ 144 000 nia watanasi auwem i-i raruka sia kini orasipem nampa 4 a anene aun dukanu yigaupem nampa yirom waitayu. Mana waita wa mini i-i bu intaga ,144 000 nia watanasi mana intaga. Mini watanasi mi Goti yemi aya uruka nu mana magagakem. ⁴ Mini agumi yen yimi anasiyu nampa sawi buyuruka , nayeyara monko antaga neka wage uga.Mini agum mana Kotini sipi sipimi awakurewe mono ite aga bimi. Mini watanasi mi Kotin aga ano yemi aya uruka, Koyini aga ano mini wata nasi aya uga anon iyao kana Kotini yogaka sipi sipi aga ano uga. ⁵ Mana muna waya wa yen yiwunti iwem,mana yenyi sawi wa buwam. ⁶ Amonaunami mana ankero mano maruba maga awanapim agem. Awogu baya maside bananim mare nowem , mana magaga wam watanasi yiyimiranti ,made magumi, made wata nasi, made afikem nampa masidem waita. ⁷ Ara boka urem ararem sem, " Koti nanti fede bemana anon awi ameno, naye yara Koyini anon ko anoni kana a-i uwantuka.Mono baya sasakano magaba inaruba bunom nampa sito nomnu maga fikem urimi bemi uwantuka. ⁸ Ena ankero mano Anonami mani sirem sasamem, " Babiloni ni anon tauni ai sawi em. Watanasi muna yimidami wa ini nomi nare beni anta awakure monko anta ewa. ⁹ Ena ankeromi kam ankero yiwakuntmi anona yanti sem, "mana wayi afa anene ga mono waya sem muna Kotini pigisa semi beni maki mantem ayapinafa anopinafi ayapim ratem. ¹⁰ Bewa mana a waini natem Kotini aran anene bapim , Kotini ara anene mini wa ini ka ana ugem rasukarem miksin iyuruka mi kapufim bem. Item waita mano mini waini natem, iga nampa Saifa omano yuka nami anon au awisi maratem Kotini ankero ni yigauka nampa Kotini sipi sipi yigauka. ¹¹ Imu mano mini iga fikem urem bu kipananim. Watanasi iye mini afa anene mono baya sasakewanu nampa muna pikisa nampa maki mantuka nu au awisi yanti itemono mini iga fi masidem nura nampa ayufum. ¹² Mana wayami sadage be atekam watanasika bem , Kotini 10 nia lo awakunte Jisasipim amakukun ogo. ¹³ Intaunami mana amerago inarufakem yemi mani siga, "Mini wayami afunti agarano, item watanasi anona manoni awika fukano yimi yimo ogo ." Kotini ayo aga ano sem, "Eyo, fugawe, awogu aumi marate yogaru urukaga. ¹⁴ Mana efam konam amone, mini konam aupem mana wayi kumanturem bem benanim ka ana koli ata anopim urem asimi awa ewam ayapim fakaruka. ¹⁵ Ena ankero Kotini mono mapikem i mapa asawemi arawoka urem ainaga wapim ruka , konapim kumanture wem sem eni anasi mante sesa ono yunam akefa nonam. Yunam akefewa kana yigami yunanu ano ai afuge ekane. ¹⁶ Mini waita konapim kumanturebayimi mana maga ga maside pakem afuge ekam yunanu akefarem uyumagatem. ¹⁷ Ena ankero mano inaru fike Kotini mono mapikem asawem , awa ewam asi fakarem. ¹⁸ Ena ankero wa mapa asawem ofa yukewa i awogu muku ewam altafim, mini ankeromi igani rafise wayimi ka urem arama mini ankero ose awa ewa asi fakayi nanti sem, " Mana magaga kena grepi akefare uyu magano,nayeyara afuge ekane. ¹⁹ Mini ankeromi asi mante yani urem mini nara akefem mini magaga , mante akara fewam magufim rem , Goti beyi ara anene yoyiwigatem. ²⁰ Koti miyi grepi yuka aimi mini amuga remi akarafem , anom magu mapa, nare mini fega kuka mini fkemi , mini nare mano utugemi urem hosi mano bunti bam nari ugemi .Bemi amaka 300km magaga bem.