¹ Naem amonaunami bunopikem afa yanta ano yem. Siyakam komu nampa seveni'a a'nom rukam.Teni'a komu amuga teni'a kinu yi ata bem. Mana mana ano'pim savi avigu mini amuga agantuka . ² Mini afa yanta amonaunami fusi afo kana ugem. Aimano beagi ugami abunti laioni kana ugem. Beni a'nomi meman anoni ugem eranti ameme, beni sia kini nampa anona nampa mini afa yanta ga bewa yemi rafisego. ³ Mini afa yanta manoni mana a'nomi fubuGa a'noni ugem, minugafo mini ano'na namomi a'i uwem. Maside watanasi mana magaga banu bemose awakure wanu mini amonare antuduga. ⁴ Anono meman afoga mono bayabsewa. Nayeyara beni namba yemi yimiduka mini afa yanta ano. Mini afa yantaga mono baya seve manisiga, "Iyewa mini afa anene kana ugeve, iyewa benampa aruviteve?" ⁵ Mini afa yanta ano abuntim rukem ben avi yani inanim bayayu sirem savi bayayu sitem. Koti mana afa yantaganti sem, mana watanasimi 42'a bioka rafiseno. ⁶ Minugami mini afa yanata ogadem Koti wapa savi baya siruka, ben avika nampa bemose bam magu nampa inarufa banu ba yanti siga. ⁷ Mini afa anene Koti sem yimakukun ewam watanasi nampa aruvono siga. Eranti amemi mana mana magu, watanasi, toplesi nampa kantri mana magaga bami. ⁸ A'nantapa Koti inaruba magaba uwantuka, mage managa yem item wata nasi yen yivi bukufim iwanu, mini sipisipi aga anoni akumo yiruruka. Mini afa yantaga mono baya site. ⁹ Mana bayi agagam rukem mini baya intaratem Kotipa yino, afo intama awogu ino. ¹⁰ Kotini aiyinto bagana mana bayi kalabusi item, kalabusi ino wade. Kotini ayinto bagana mana bayi asi nako fugitem, asinako fugino wade. Iyemose sadage bem umam mareyem mana yimi itama erarono amakukupim. ¹² Sekeniga yiga afa yanta ano a'nanta yigam afa yanta mantuka, maside eranta a'nanta yiga afa yanta mantuka. Eran yogari evemi mana maga nampa anasi wata mana magaga banu a'nantapa yigam afa yanta anenega mono baya sego, savi namonu kem aruma fuguri em imifo minni namom mano yakem ¹³ Ena afa yanta ano amuna mirakoli yu uwantuka. Uwantami iga mano inaru rem mana magaga kumimi wata nasi yu amonaga. ¹⁴ Maside mirakoli uwanrukami Koti eyo simi uwantuka. Mana magaga bam wata nasi muna yimiduka. Ena afa yanta ano watanasi yu yiyimem mana piksa uwarago mini afa anene mose amaka uwante anon avi'i iye mantukayi amego asi nako fugiri imifo fa bem. ¹⁵ Naem yiga afa yanta yanti Koti eyo simiaumi muna koti yuka yimego, manisiren sitem, iye ananta yiga afa yanta mano anenega mono baya isite fuginonami. ¹⁶ Ena afa yanta magapikem urem, maside watanasika eram baya sitem anon avi ruke wafo, kugam watanasi amaka'i mini makimi yiyan ugapa wafi yorasipem marate. ¹⁷ Anon anuyogari item aya irantenafi salimi inanimi, mini afa anene manoni maki rukate maranonami. Mini namba mi afa yanta anoni maki. ¹⁸ Awogu intinti marago mini maki yanti. Mana bayi mini makini anta intate mini waita yu intama se minimi mana waita manoni namba mi 666.