¹ Inaemi enawa mana anenemi enauga amene fawari,i inarufai amoneu manasiyane afakakeka Ankeronui yiyapimi mana siyane afakakeka savi anene ugami fakaruka amonege mana mini mose amonaunami savi anene ugamose arafaose Gotimose beyi arananene kipananimi amonege. ² Bu nonanta uga anene fawari,i amonege iganapa yanta manta manafimi ugai amonege aruvintose afa anene nampa beni amanapaose muna Gotimose yakagaruka waitayu yimonege Anasi Watamose afa anene manoni ena anenemose rukayi nampai amonewaunami aruvure yakagai amonege mana mini ininawaose aruvintose yakaga yimi Gotimi gitayui yimimi fakarukemi siguno nonanapa itaga yimonege. ³ Gotini yogam waita Mosesini i,i reve afo aga Sipisipi manoni i,i rewa amonege ma,mini i anoni antami manugano eni yogantanomi anonayiemi awogu ugami ugane, anona Gtio yanafa ugane masiden eran dukana Gotive en awu awa anomi masidepa fugasiren atekauna masidemi mana magaga inim waita yuyi yenti kimono. ⁴ Anonao maside inim waita emi feake en avi yani inayone naye yare emanami fuga atekaraure wanane ugamise masiden inim waita mano ena omi intama anonayi inayo naye yara eyi maside awogu yogantose mantafaka danayanti. ⁵ Anasi wata mose i,i rama kipai mini anepai mono mai ontami inarufa diyi,i ateka aupem wai amonege. ⁶ Mana siyane afapakeka Ankeromano amonaunami mana siyane afapakeka savi anene ugami fakamantare Gotini ateka fike mapa asawewa,i yimonege fainti buwam efam unampado uremi Goti nanti yimimika yaku uruka yimou ege. ⁷ Erewapike mana wayi aumi dukayimi mana siyane afapake ka yaumi ituka mana siyane afapake Ankero mano yimene mana mini nimi Gotini araranenemi wama akeure wari wari uga Gotimi amose buyintewa inim waitami beyi erami yigatemi awosa uyikanani. ⁸ Gotini mono mapimi imu ituvemi Gotipake mini imumi yene, maside eranampa ake duka Gotive a,ao, mana waita mano aupem bu ofagatene amaka mana siyane afapake ka arananenemi Gotimi amose bu yintewa inim waitayu yimugai kiparana manami.