¹ Mini nurami Jisasimi kumemi anufakem, mesu watanasi awakuremo. ² , Afo, mana waita, aufipa namo kakam. ugami maremati agom yaumi akaremi sasamemi anonao, emi intanami, amakaga semi manta auweni usikateve. ³ Jisasimi manta mini waita ayami yaniuremi fakaremi semi, semi intaunami minotege, mage emi awogu ono, mana sewami itavemi aufipa namom aga-ana ugage-enimi kipavimi awogu emi. ⁴ Jisasimi bemi sasamemi, emi mana waita buwa sasameno. Emi bewa, farisi maro agateno.emi Mosesi ukatene urewa ofa yimeno, mana minimi yekai testimoni ene. ⁵ Mini nuram Jisasi mana maguga oravemi kampania, mana soidia begai yeravemi maremati mana intinti intaemi. ⁶ Afo bemi semi, anonao, mana seti yogam waitami aufugi aviti mantemi naupa avisinewami dukemi wane''. ⁷ Jisas mini siremi bemi sasamemi,''semi yeravei beni avinti kipa akateke.'' ⁸ Mini soldia yuyi rafisintano sasamem semi, anonao, semi imi awogu waita iwauno setimapin bu-urinono, emi amana siranana bemi seti yogam waitami soke-ino. ⁹ Nayeyara ,semi sivi rukauna waitave, afo semi sodia yui setinapai dukeke.Semi mana wayinanti bono sunami sewauno, semi sodia yui seyaomi anom sivi makauno, semi sesi waitayu makei semi yekai rafikauno, semi meam soldia yanti bono senami bemi bevemino, enonati sei yeno senami bemi yitemino sesi yogam waita yanti, semi minono siranami minitemino. bemi sirami Jisasi itaremi, ¹⁰ Bemi Jisasimi anom amo-uremi semi yenanti madem wata-anasi bemo awakure buyi, fuga sire, semi yegemi yiyi-mirare- semi fuga sire buwai israel yiwa-napakeni mayayom yima kukum waita iamo neuno. ¹¹ Semi sigemi siyi-meuno , nesuyam wata anasi-mi yiteye afu urewapake afu kupege=wapake yenanti yaumi marate mono abrahami, aisak,jekopi napai inaru maguga. ¹² Afo yemi inaru magu kakena iyaorui kufitamo inta-fumanti kumayu-akagem ugem mana wam magufim datemo,uremi yemi wai revemi ifi-ragevemi yenao yeyiwa-yami ara-afitem. ¹³ Jisasi sasami mini aruwim waita yuyi anonamano, emi wano emi amakukum ewanami, mini yanta i fawar itemino. mini nuramano aruwim waita ai anene emi-enim kara-kara uakemi. ¹⁴ Jisasimi pita ama ano naupa upegemi , Jisasimi oma amonami pita aitami ai anenemi mantemi bami , aumanomi kokoewami dugem bemi wami. ¹⁵ Jisasimi pita aitemi ayaki fakemi ai=anene kepa-akem, mini fike itavemi Jisasimi yunami yuk-akaka. ¹⁶ Afaumi kupegami, yemi nesu wata anasi savi spiriti maka-yimi yivi mantaremi Jisasi wapai yemi yemono, bemi Jisasimi ami sevemi afikemi mini savi spiriti makam wata anasi yupem wami sasakama itafemi minevemi yianene maka-yiyu wai awogu uyikemi. ¹⁷ Minevemi mini antanako manemi, bemi jisasi mata faka-remi aisaya kasanapa waya siruka ge-enim, bemi beyaomi senuyani sia nene napa masidem senuyani umanti manta fasai intafemi. ¹⁸ Amonami Jisasimi nesuyam wata-anasi yenati bemi yakaga-womi minigai yerevemi bunom mea ayapa Galili bemi. ¹⁹ Ewami mana anom anom waita lofikeno yeravemi semi mani seim ''Tisa, semi emi awakurei ite ayapa binonafa botege. ²⁰ Jisasi bemi sasamemi semi, afo akem wai magumi makemono numano wai mete yamo nowami anami makemi, ayufumi kanami wavitemino ,Ukamifo wata aga'anomi mai -i bumakami sefo buwavitemi''. ²¹ Minifike mana Jisasi ni yogam waita itavemi semi, ''Anona, semi siranaka setifoe fukami maro masifarega semi naemi emi maremati awakuronuno, ²² Ukamifo Jisasi bemi sasamemi semi, Emi semi siwakuron, Afo ifadanam fukam waita mano fukam waita masifano, ²³ Mini nurami Jisasi kanunfim uma dauntewami, beni yogam waita yuwai minifimi awakuremi uma kumanteye. ²⁴ Amonewami, anona susuwa manomi buno nom awanapke yene, mine wami nomanomi maremanti kanu fikem. Ukamifo Jisasi dukemia wake'ene. ²⁵ Beni yogam waita yu maremati jisasi wakai yeravemi maremati awuru-remi, yemi semi, anonao, sofa-ono seyuyami ai fugote-yare'. ²⁶ Jisasi yenati semi, na'ukaka yikemi fekeveke, yekemi sito amakukum dukane? mini siremi afo susuwa napa bunoma-nonanti sadage wano simi, afo masidem yanta beka beka emi, ²⁷ Yemi mini waita yui afo yimo uremi semi,'' mamini waitami iteni ugam waita wafino era susuwa napa bu-nomanomi ben ami itewane ? ²⁸ Mini nuram Jisasi bemi ena maga nopa me'e Magadarani bene, kam waita savi spiriti makayimi yema afatemo. Yekanti mati pipake yentami savi sawa wayayui seventami afo wayayui iyintetare,minukami sefo enafakemi minika bunoveye. ²⁹ Intako, yeganti ba rurentami min'i senetare, ' 'Sekanti emi naye anta emi uakauntave , Kotin Aka'ano? Emi yenami sekanti manta sayeke simirara yeve, sekanti kana buyikapimi?'' ³⁰ Mini arekai nesu foru anomi yunami neve wami. . ³¹ Yemi savi spiriti yu'anomi ami Jisasim sasamem sevemi, ''Ukamifo emi senu yami sisikama rewateve, sisikamara meam foru yupemi senuyami sikano.'' ³² Jisasi yenanti semi, Yewogo sirami.'' mini savi sava spiriti-yu anomi asavemi yekantikemi foru aupemi upekemi,' afo masidem mini foru anomi iyauman taremi anuana'i kumemi bunopimi kupegemi fuma kipeye nopimi. ³³ Mini fokao rafikam waitayu fedemi bemi taunifim mare-manti yiyi memi masidem antami fawarimi, nayeyara mini anene fawarimi me'e kanti savi spiriti itukam waita kantano mino. ³⁴ Afo madem wata-anasi tauni yeravemi Jisasi mi amonara yemono. Mini nurami Jisasi mi amone mono, Yemi bemi aintaemi afo dewa mana makumi bono.