¹ Ena waitayi antara burayimano , Gotimi eni anta burayimatimifo. ² Ena waitayi antaiteniga ure rayi matewafo Gotimi mini antamnaawakutemi eni antawai rayimatem. En afa awam agaupim sito fipia wanati naugaya amone bebeemi, enao emi amone iute ³ Naugaya eyafa awa augapimi sito asaya amoneveve, enaugapemo ano'na yayara buamoneveve. ⁴ Nau'urewa eyafa awa nanti asaya mantarano siteve, ena augapimi yayara afo wanamote. ⁵ Emi fuga muna waitamono, yayara en agaupim agapagam manta fasa dewa afo emi agaum amonama soke ebewa eyafa awa augapeke sito fipia manta fasa aka. ⁶ Ateka anene iyanu buyimego afo avogu omamu'i for orasipa bu inta fono . Nayeyara miniga airem buge yige ebem akarafama sito ipo. ⁷ Intainami amitemi, afakanami amitemi, ontami arinami riakatemi. ⁸ yemose intaewayim marewa, iyemose afakayi amonewa, iyawafi onta arewayi onta arewayi riyitem. ⁹ Yigepike, iyaontano sikoniyato inta ina onamu mante amiteve? ¹⁰ Afo bemo noyaganto emo intaina, emi memami bemi amitebe bae? ¹¹ Minugamifo, emose savi anta ewano awogu anene eyaga amewanami, minugami yigen yifo'e inarufa wayim awogu ewayi yimitenafi? ¹² Minugafo, iten anta watanasi emi uwakagoyara intate, miyion anta yemba uyikano, nayeyare mini kasanampa waita yu yami. ¹³ Yigemi kefo ontafa bewa ana awakurogo. Ano ontafa bewa ami emi abigemi savi magufa bitemi. Afo mini ano ayimi amuna wata anasi awakurewane. ¹⁴ Afo wama bukipa ayimanoni ontami sito bami beni amano anuyokamise sito'a mano afakevemono. ¹⁵ Ma'ebe muna kasinapa waita yago fegago, sipisipi ayau yemi mapa urukemofo yenyupemi afa iyami bemono . ¹⁶ Emi yenti antami amone inte ino. minugami afo savi atayake wa abiya rarem yagake wa abiya rarem nakakem wa wani yagake yunami yemi wata anasi fawa marate yafo ?. ¹⁷ Minugami mana amana awagunte masidem awogu yamano awogu agami irewane afo sabi yuna manomi sabi agami irewane. ¹⁸ Awogu yamano sabi agami buyiratemi, afo manauga sabi yamanomi a wogu agami buyiratemi . ¹⁹ Maside yamano agamo buyi rananin, masidem akefare igafim agaratemo. ²⁰ Minuga mise naemi yekemi amonana gone bemo se agamose irananika. ²¹ Masidem watanasi setibi rebe Anona o, Anona o, sewayi yemi maside inarufa buyuritemono, bube, minugami watanasi yemo setifo eni ayintose awakurewayi inarufa uritemono . ²² Amuna wata anasi mini nurami sisimebe manisite mo ,amonano seyuya en abika kasanapa yogati mare eyamo fauno, seyuya en abika i savi awamu manta fasa re eyamofau no, afo en avika anami seyuya amuna anene uware eya mofauno. ²³ Mini nurami yemi sima fa'warure yiyime'i yige buyimongau. ²⁴ Minugami, masidem wata iyewafi setamo intare awakurewayi awogu intim waita onamuga ma uwarani item. ²⁵ A'i ren kuminam, nomose saina, mini maka susuwa inam ma'i bu fafasitem, nayeyare ma'i onamuga bemi. ²⁶ Afo wata yemo intare bu awakuroyimi o'em waita yanta efa yauga yeyima uwantuka. ²⁷ Mini kanaga a'i ren kuminam, nomose saina, mini maka susuwa inam ma'i fafasitem, nayeyare ma'i efayauga uwantuka. ²⁸ Miniga yeravimi Jisasimi mini bayayu sima kiparuka. Nesu watanasi bena yanti intama yintuduga. ²⁹ Bemo asimi avi nampa eran dukam waita yanta siga, amaka manamagagakena intim waita yi buyuga.