¹ Rafima soke ono wata anasiyugaka soke antayu uware waganana enafoe inarufa wayi aya buami poi. ² Moneba anenemo yimitei anene burukayi muna wata anasi ewani ure ufem buaro mono mapinafi fakagafi. Wata anasi yivi yimego yanti. Fuga siyimege yeyi aya ai mantuka. ³ Ugamifo monewa anenemo burukayi yime watei ,eanana ayanuga mano uwara nani anene ayanepa ayamano buamo nano. ⁴ Minu gafo aupake mi yigeyi yifo'e amego. Naemi enafoe aupawayi emi mini ayai amitemi. ⁵ Auga muke wate, kara abunti dukayi ewani buyono. Juda yuyi mono mapim itave watanasi simonago sire yuga muke wayi, fuga siyimu, yeyi aya ai mantukau. ⁶ Yuga mukitei, naupaga upegago onta urega yuga muke wana yigen yifo'e aupa wayi amona. Naemi yigen yifo'e aupa wayi aya yimino. ⁷ Auga muke nesu baya buse ,feyapa sewani buyono, Juda waitayu ewani buyuno, ena wata nasi ewani ure, nayeyara yemi nesu waya sefanam Gotimi inta tene sevemono. ⁸ Yekana buyogo, Enafoemi ai amona ruka emo intainona. ⁹ Yinugafo manisirega yuga mukogo, senu tifo'e inarufa wano, e'ana enavi atekam ba. ¹⁰ Mana eni soke anene yino, eana eni ayim fawarino mana magaga inarufa ugani urem. ¹¹ Magega kena yunami simeno. ¹² Senuti kumi sirano seyuwa enoyi kumi-i yirafano. ¹³ Makasintim sivige bu ofegano, savi anene yupike siviga. ¹⁴ Enoyi kumi yirami , yigen yifoe wayi yigenyi kumiwa yiranani. ¹⁵ Enoyi kumi buyirami,yigen yifoe yigenyi kumiwa buyira nani. ¹⁶ Enawa mani sire sewau, yunam bunanto augam mukitemi savi orasi bumara muna wata anasi ewani ure.yorasi savi umake eno simo nago sire yugamo muke wane, fuga siyimu yeyi aya ai mantuka. ¹⁷ Afo yigemo yugam mukitei, orasi-i sese urega wasavemi yinoka fega, ¹⁸ Miniya ena wata anasi yunam bunanti yugam muke wano busego. Afo yigenfoe aupa wayi, amone aya amitene. ¹⁹ Mana maga nesu soke aneneyu bumagago, savi wamano nanami koko niratene. umom waita mano yema umo ritene. ²⁰ Minu gafo inarufa yigeyi aneneyu magago, savi wamano wa kokomba vuiranami umo waita mano umo buyitem. ²¹ Itepaga eni avo gu anene watenafi, enara ano minifim mana watemi. ²² Aumanoni omi augami, minu gami augamo soke uganami, aumano oka watene. ²³ Augamo savi ugaga nami, afo enau mano kuma yupim watene. Minu gami aupeke omo futika nami aumano ayufu kagem bene, mini ayufumi anona ayufu mino. ²⁴ Mana waita mano kanta noni yogam bumara tene. Naye yara mana wayim ayiakem mana wayim buayi akatem. Gotini yoga nampa mana maga yoga nampa buma rana gone. ²⁵ Minugai semi yiyi mewau, yige yira ganti buyin tago, naye natege busego. Naye unam waro otege busego. Yigen yaumano nomba yakaga gene. ²⁶ Nunu yimo nago, yunam buyoge yunam buru wantu itemo, yigen yifoe inarufa wayi yunam yimevene. Emi nunuwa yekaga ganave. ²⁷ Iyewafi ano intiri ewatemi eyau aragai afunti magano mana magagai. ²⁸ Naye yare yigemi unam waro yanti buyin tago,farawanu asaya yuka intago, yogam buyoge unam waro buyu warewa. ²⁹ Enawa siyi mewau, solomoni beyisoke anene yui, unam waro buyemi farawa amaka emi. ³⁰ Afo Gotimo farawa manomo unam waromo uakewa tina, itana magebena sagana watene masidemi igafimi inta fitemi. Emi naye yara ayevin nau uakano yare bado uakewami, emi sito amakuku dukanam? ³¹ nesu intiri buyono, naye natege? A a naye nona natege? A a naye unam waro otege? ³² Judayu mini aneneyu afakatemo, yigemo ayewa anene ai amonaga. ³³ Ana anene inarufakena anene yara intarewa beni ateka anta awakuntana inaemi mini anene yu amitemi. ³⁴ Minugafo, sagana yanti buyintano, sagana manomi beyi uma nampai bemi. Mana mana nuramano beyi umanti rukemi.