¹ Jisasi mana kanofim untabemi afo beyi ano taunifim buga. ² Amonami, mana'a waita yemi mana ai'waita yuwasika demi abige Jisasi wapa yiga. Bemi ayapafim ia'i rukam waitami. Jisasi yenti ama kukum amonaremi mini ai'waita manisirem sasamiduka, "Iya ontano emi amoyono naye yare, semi eni kumi'i arauno. ³ . Amonano, mana'a amo anta ewam waita yeyaranti ma'ni sire siga, yemi age wayamo anta ewayi yeyeranti sebemi," Mana waita mano bemi Gotimi kasi waya sake wane." . ⁴ Jisasi yenti intiti wafa amonarem afo bemi mani siga," Nayeyara yigemi sabi intiti yigen yirapem makege. ⁵ Naye waya senu nawa awogu itenafi, Semi yigeyi kumi yirauno senu a'a afo itabe wono senuna wa awogugafi? ⁶ Afo yigemi omare intago waita aga ano beya omi mana magaga eranti rukene watayi kumi ose yaranti. Jisasi mini ai waita maniserem sasa miduka, '''Itabe, afo eyi yuwasi marebe eya mapa wono." ⁷ Mini waita itabemi afo beyamapa buga. ⁸ Masidem wata anasi miniga amonaremi, yemi miniga'i antu afa duremi Goti abi yaniugane , naye yara bemi miyiyo eranti bemi watayu yimewayi. ⁹ Miniga ifadem ena maguga orabemi Jisasi mana waita Matiu ne sewam waita yau marewam waita yimapim wami amona ruka. Jisasi manisiga benanti, "Yewa semi siwakurono". Afo bemi itabemi awakuntuka Jisasi. ¹⁰ Jisasi naupa ukumantubem yunam nara ika amuna yau mose marewam waita wa kumi watanasi nampa beyi kato iya'oru nampa yunam naga. ¹¹ Yemi Farasiyu mini amonaremi, yemi itabemi Jisasini kato iyaoru manisire siga. "Naugana afo yikenti wata. Kumi watanasi wa yaumose marewa waita nampa yunam nebene?'' ¹² Mini waiya Jisasi intarem bemi sebem, "Wata mose iye wafi erantose ben aufim wayi ofainti wafakatem iyemano wafi yiose ruka nayo yimi ofainti afakatemo." ¹³ Emi bewa afakano nayebe siganafi , ' semi awa'awa kanti sewau afo bumi ofa waye afo semo yunami atekayi yara yegaye bube kumi watanasi yanti yigau." ¹⁴ I'naem Jonini kato waita Jisasi waka yerabe ma'ni siga, naye yara seyu nampa Farasiyu yunam ifade'ya sugam muke wafunana eni kato waita afo yemi mi'ni beyebeyafo?" ¹⁵ Jisasi manisirem yemi siyimiduka, "Amaka yemi wata iyemanu yiteyafo mareti ruwantinti wanam waita umanti mareti inaniyi yenampa wakanami? Afo mana kana yinami mini waita mareti inaniyi yiremi yemi bitemi, afo mini nurami yemi yunam ifademi afo yuga mukitemono. ¹⁶ Bube mana waita mano auwem wado ara wafakena wadoga buratem, nayeyara mini wado ara rakagemote ena wado anonaga dakagatem. ¹⁷ Afo mini bube mana waita mano auwem waini wafa waini asifim buma gatene. Afo yemose mi'nimotem waini asi kidem anakainam waini wa'yem anakaitem. Afo yemi auwem wainimi auwem wainiasifimi magebemo yeganti fami minifim iyaka watentamono." ¹⁸ Mini anene yuganti Jisasi miniga yemi siyimewami mana anom waita beka yema akonyaum romudemi. Afo bemi manisire Jisasi sasamiduka, "Ma mage ugami setiraumi fugene, Afo emi yewa ayami be amuga oma danana bemi yewayegena itabino." ¹⁹ Afo Jisasi itabemi beyi kato waita yu nampa bemi awakure buga. ²⁰ Mini arafa, torufi'a krisimasika nare kumi wa ai'i mana inimano bemi makage'emi , afo bemi Jisasi aneka yebemi sadagem beni wado arami aneyoduka. ²¹ Mini inimano beyaranti manisiga ," Semo beni wadomose fakareote semi awogu otege." ²² Jisasi yowayebem bemi amonarem afo manisiga, Asikao iyaontano bu fegano nayeyara eni ama kukumano emi amakagi uakene , "Miniga ese mini inimano awogu uga. ²³ Jisasi mini anom waita amapim upebemi, bemi minifim kita arewa waita yemwa yimo naruka afo mana a watanasi minifim amuna rintu rantu sewapim uka. ²⁴ Bemi minisire yemi siyimiduka, "Neka wago bekake mini kefo asika aga'i bufuka afo bemi fami babu gane. "Afo yemi bemi imi siakebe amaru kaka. ²⁵ Masidem wata anasi mini naupake mapa afo kumwam, Jisasi upebe ayaka umfakarem sini kefo asika agabemi itabuga. ²⁶ Mini magufim masidepa mini waya bugeyige uga. ²⁷ Mini magu yerare Jisasi bewami kanti agaum afakam waita awakuntu kanto . Afo yekanti arawoka ebenta senta,'' Deviti aga'ano, sekanti awa'awa usikano. ²⁸ Afo Jisasi yema naupa upegami mini kam agaum afakam waita awakurenta bemi yentami Jisasi manisirem mini kanti siyimi duka" Sigekanti intanta semi yofa otegafu?" Afo yeganti manisirenta siganto,''Eyo Anonao." ²⁹ Afo Jisasi ayam yekam yugaka rem sem,'' Mini yigekantose makanta yima kuku eanam fawa rino.'' ³⁰ Afo yekam yugami riga. Naemi Jisasi siyimebem minikaranti manisiga,'' Sigeganti fugasireka mana waita busamekaro mana yanti.'' ³¹ Afo yeganti bentami masidem waita minifim maro siyimiduka naye wafi yeka yigeose fa'warim. ³² Miniga yeganti bemi yerarenta borami mana awaum uyakam waita sabi aiyo maka mini fim wage emi, wata yemi abige Jisasi wapa yiga. ³³ Mini awaum uyakam waitafike sabi aiyo asabem mapa kume wuga , masidem waita antudure miniyanti sem,'' Israiri wafa mini anenewa bufawariya seyuya wamo naruka faunabe.'' ³⁴ Afo yemi Farasiyu sebemi,'' Sabi aiyomanoni anona mano bemi eranti amimi mini sabi aiyo manta fasa dewane.'' ³⁵ Jisasi masidem magufa wa anotaunifa buga. Yenti mono mapim amam waya siyimi inte buga bemi. Gotini awogu kanagune yanti bemi sima fakaduka afo bemi masidem iteyio yi'o rukami yofa uruka. ³⁶ Afo bemi amuna wata anasi yemi yimonarem, bemi arapeke aguanene yenanti mantuka, yemi amuna umanti marabe afo yemi amuna intiriuga. Yemi afoe iwam sipisipi yanta uga. ³⁷ Afo Jisasi beyi kato waita siyimebe bemi semi,'' Yunami itukara ugane, afo yemo maranayoyi amuna buwane. ³⁸ Minugafo afo erarurega yugam mukogo yunan afoe Anonamino beni amuna yoga waita siyikanami beni yunami maratemo,''