¹ Mini kanafim Joni mono nom feyikewam waita yeravemi Judia ka' mapim monobaya siga. ² Yu'i wagegago , inarufakena eranti adekai yitene, ³ Mini waitami kasanampa waita Asaia mi benanti semi, mana awauntano ka'mapakemi, ami manta ategago, ⁴ Jonimi unam wadomi uruka kameli arantaga uwantukami, letimi uruka newam yantagu yirantagai . beni yunami finton nampa bokafumi . ⁵ Masidem watanasi Jerusalemi kem, masidem magu jodeni nom anapa bewapa buga. ⁶ Yemi yeyi kumi i sima fawarurami afo bemi mono nomi Jodeni nopim fe'yikem. ⁷ Ugami bemi yimonami nesu farisi yuwa saidusi yui beka'i yema nomi mararanti yemo,bemi yiyimemi yemi, yigemi uwa memamano agafantami, iye yigemi yiyimena uyauvitegge umantano fawarinani pipim. ⁸ Yigemi mi irago agami kumio sima fawarinti afoi yui wayema soke ogo. ⁹ Yigemi inte inte buwa ega waya sei, Arahami mi seyuya sinaumi semi fugami yigemi yiyime i manemi Koti mi bemi amakai mana onamugui mantanti Abrahamu agagi item. ¹⁰ Sasumi yayantafimi wa , ugami yamanomo avogu agamo bu iratemi akefaremi igafimi intafuratemi. ¹¹ Semi nona komi feyikei kumi ifadago yanti. Ugami iyemo setineka yewayi anona eranti ruka afo semi beni su amaka bumaranu nayeyara awogu waita buwau, bemi ayo aganampa iganampa mono nom feyikatem. ¹² Bemi fakemi fokumi antivi kuyufewami beyayapim fipiagui kuyuma soke uremi afo manta duwantu emi antivi magewa mapimi, ugamifo bemi agaratemi fipiagu igami bu futime wam igafim.. ¹³ Jisasimi Galili yeraremi bemi Jodani nokai Jonimi mono nomi fea kano yanti. ¹⁴ Ugami Jonimi bemi sima a'ao sasakemi semi emi mono nomi fetikano ugaya sekai yebebe?. ¹⁵ Jisasi wayami anona emi semi, ''magemi eyo seno, mi'nuranami Koti afim sigami agami iratem. '' Joni eyo semi. ¹⁶ Jisasimi mono nomi manta rami ame emi nopike untavimi afo inarumi divimi afo Kotini Aiyo ano kumemi nunanta ben anoka kuma raufemi. ¹⁷ Mana arantano inarufakem yem semi, mana Semi siyiga aga'i setira ano amoyuakane.