¹ Mini kanafimi Kotini awamu ano Jisasimi abigemi wata bu wapai bemi satami bemi maka demi amona temi. ² Bemi yunami awenta emi yunam nanti kamwaita 4o wayawam wa kam waita 4o ayufumi, bemi aranti emi ³ . Watamo bemo maka sinanim yema fawaremi afo sasamemi semi,emose Goti agao watemi , afo emi yiyiminam mana onu ano breti fawari . ⁴ Ugami jisasimi ben ami anona emi semi .Gotini yau mano semi , wata manomi breti ga anami bu watemi, afo masidem wayamo yemo Goti awaun tikemi. ⁵ Naemi Satamano Jisasimi abigemiJerusaremi'i bemi mini Gotini magumi afo bemi magemi mentapai mono ma'ano anokai. ⁶ Afo mani siremi sasamem semi , emo Goti agao watemi, emi dantave kumono, minuremi Gotini yaumano semi , Bemi beyi Ankero gui yiyikanami ekai kuma dafisitemo' afo yemi emi dauyitemo agagemi omano aimi dadapo''. ⁷ Jisasi satami sasamemi,Gotini yaumano mani wai siga'' emi maka buseno Gotimi eni anonami. ⁸ Satami avigemi Jisasimi yeradem bemi mana anumi mente mentapa wakai agatemi masidem magu mana magaga wami afo masidem yenti abogu yantai. ⁹ Satami Jisasim sasamem semi ,, '' semi en amenu masidem mana yantagui emo agonti dadaremo sekao augam mukinai. ¹⁰ Afo Jisasi bemi sasamem semi , satamano, emi afou Gotini yaumano semi ,'' emi monoi sasakano Gotimi eni Anonami afo benaga amenapa wano. ¹¹ Afo satamano yera aremi Jisasmi , afo ankerogu ano yeravemi ofaemo ¹² Jisasimi intami manemi yemi Jonimi fakaremi kuyemo. Bemi Galili'i buga. ¹³ Jisasimi Nasareti yera remi bemi Kapeniami owage'emi. Galili non anapa magami Sebuluni yu Naptali yu yintagai. ¹⁴ Minimi fawaremi afo amakagiemi profet Aisaiami sigami. ¹⁵ Magami Sebuluni ya Naptali bunoka oravemi mea afapake Jodani'i. Galili'i enafa waita yuyi magami. ¹⁶ Mini akumo kumayupim wage'eoyi Anona omi amonemo, afo wata anasi fugemo aupemo owapimi afo neka ugami wage'emo Goti kai, yen yimugai omi itavemi. ¹⁷ Mini kanami Jisasimi Gotini waya yiyimevemi afo yiyimemii siga, Ifadago yigeyi , savi anta yui, nayeyare Gotini akegui yewa adekai. ¹⁸ Jisasimi Galili buno anapa bemi, yimonami kar itawami, Saimoni ena avi'i Pitami, afo ben afa awa Endrumi ,yemi wase rare noya fakewam waitayui. ¹⁹ Jisasi yeganti yiyimem semi , yema semi siwakuroka, afo semi yigemi mantati wata yibigam waitayi onu,' ²⁰ Mini ameuremi yeganti wase unam demi Jisasimi awakuremo. ²¹ Jisasimi mini magu yeraremi mean afapa buga bemi ena kar itawami, Jonimi bemi Sebedi agai , afo ben awaemi Jemsimi.Yemi boti aupemi yen yifoe Sebedi nampa wase unam ategebe wami , Jisasimi yarantami, ²² Afo ameurenta mini boti nampa yeyi foe yerare afo Jisasimi awakurentamo. ²³ Jisasimi masiden ayapa Galili wata anasi yiyimeme yenyi mono naupa, Gottini wayami, afo bemi manta masidem masidem yi'i dukayi soke uyiikemi. ²⁴ Jisasimi manta soke wata anasi uyikam wayamano Siria wai buga, afo Siria akumano intemi afo yibigemi masidem masiidem yi'i dukayi yiga, wata anasi yemi savi awamu dukayi, duntun yi'i dukayi, afo yiwa yiyam saviugayimi, Jisasimi manta soke uyikemi. ²⁵ Amuna wata anasi Jisasimi awakuremo, minimi Galili kena akumi, afo Jerusaremi kena akumi, afo Judia kena akumi, afo mean afapa Jodeni wayimo.