¹ Naemi Jisasi Betliemi fa'waruga Judia anom magu Heroti kimi waka,i a'unte wapakem watayu Jerusalrmi yeravemi semi. ² Jewisini kim fa'warimi inteya? A'unte wapakemi beni ofu amonare ya bemi mono siakarante yigeyare. ³ Heroti mini waya intaremi amuna intiriemi, maside Jerusalemi watanasi benanti aguke mono. ⁴ Anon waita yu nampa lo manoni intim waita yu Heroti yararemi uyu magemi yintaemi, ite aga Anona (Jisasi) fawarugenafi sisime? ⁵ Sasamemi, kasanampa waita agatemi semi Betliemi fa'waritemi Judia anom magufim. ⁶ Emi Betliemi, Judia yuyi magafim wanami, mage kefo magu iwananimi Judia wam magumi anon avi rukam waita yu ive mono. Nayeyara, yigepikem mana wayi fa'waremi Israeli watanasi yu rafisim waita. ⁷ Aupakem Heroti mini intim waita yu yararemi yintairantemi, nante wa mini ofu yeka genafi? ⁸ Betliemi yiyikarem sem, bega u'natirega mini iya onti afakare. Amonate yema sisimiga oma mono waya siakanu. ⁹ Kimano hami intaremi bomi, a'unte wapakem ofu amonarukam ofu a'nanta bemi iya'om waka oma futimemi. ¹⁰ Mini ofu amonare anon amo emono. ¹¹ Naupa untave iya onampa ano'e Maria amonare yigo yun magafim de mono siakaruka. Yenti bogise rire awogu muku ewam basabenu nampa koli yu amiduka. ¹² Kaika'i Koti yiyimemi Heroti waka bubega ena ayim mantare yigenti magufa bogo. ¹³ Yerare bomi, Kotini ankero kaika'i Josepimi yo'avi'gem sem, itave iyaon nampa bena no'e avigewa Ijipifa bono. Minifa owagana, Herotimi iya'om arirantem afake wafo. ¹⁴ Mini ayufum Josepi itavem iya onampa ano'e yivigem Ijipi buga. ¹⁵ Minifa bami Heroti fugem, minimi ano'na manoni kasanampa waita yibuka sigam baya fa'warem. Ijipifake setanim ararauna yiga. ¹⁶ Heroti bemi intami a'unte wapakem intim waita yu muna amidami, anon arakami wata yu yiyikemi bega Betliemi wan afo nita agagu yirogo, kar -orante ugam iya oru. Intim waita yu ofu amonare siga kanaga 'i. ¹⁷ Kasanampa waita Jeremaia sigam waya fa'warem. ¹⁸ Mana arantano ifi nampa yiga Rama fakem, Reitseli beyaga fanta yanti ifiragemi, mana wayi wa ben a'deka bubogo yanti semi, nayeyara ma'de beyaga fanta fu'buga. ¹⁹ Heroti fu'bimi Kotini ankero kaika'i Josepika yeravem sem. ²⁰ Itave iya'on nampa ano'e yivi mantare Israeli bogo, iya'on arira se'enim a'i fu'buga. ²¹ Josepi itavem iya'on nampa ano'e yivi mantarem Israeli buga. ²² Josepi intami, Akiliasi bena- fo'e magu mantemi Judia yu yi kimi uga simi -intare minifa birantem fegami. Kaika'i Koti sasamemi Galili. ²³ yerarem Nazareti buga. Mini anene fa'warimi kasanampa waita sigaka fa'waremi avi dare se Nazarini.