¹ Jisasi mana kanofi untabe afo begi uno tauuifa buga. ² Amou, maua a waita yemi maua aiwaita yuwasika demi abige Jisasi wapa yiga. Bemi ayapafiai i rukam waitami. Jisasi yenti ama kuku amonaremi mini aiwaita manisire sasamiduka, "Iya ontano emi amoyono naye yare, semi eni kumi arano. ³ . Amonano, mana a waita yemi age wayamo auta ewayi yeyerauti sebemi," Mana waita mano bemi Gotimi kasi waya sake wane." . ⁴ Jisasi yenti intiti wafa amonarem afo bemi mani siga," Nayeyara yigemi sabi intiti yigen yirapem makege. ⁵ Naye waya senu nawa awogu itenafi, Semi yigegi kumi yirauno afo itabe wono. ⁶ Afo yigemi omare intago waita aga ano beya omi manu manu magaga eranti mukane watayi kumi ose yaranti. Jisasi mini ai waita maniserem sasa miduka, '''Itabe, afo eyi yuwasi marebe eya mapa wono." ⁷ Mini waita itabemi afo beyamapa buga. ⁸ Masidem wata anasi miniga mini amonaremi, yemi miniga antu afa duremi Goti abi yaniuga naye, naye yara bemi miyiyo eranti yemi watayu yimebem. ⁹ Miniga ifadem Jisasi buga, mana waita abi Matiune sem waita bemi amonaruka. Jisasi manisire bemi sasami duka," Yewa semi siwakurono ." Afo bemi itabem Jisasi awakuntuka. ¹⁰ Yuna nara Jisasi naupa kumatimi amuna moni ose marewa waita wa kumi wata anasi yewa yema naga beni kato waita yunapa. ¹¹ Yemi Farasiyu mini amonaremi, yemi itabemi Jisasini kato waita manisire siga. "Naugana afo yikenti wata. Kumi wata anasi wa moni ose marewa waita napa yunan nebene'' ¹² Jisasi mini waya intaremi yemi mani sire yewa yegem siga. "Yemo wata yio buyiyi, yemi yotam wamone bemo, afo yemo wata yi iyi yemi yotam amone bemo." ¹³ Sigemi bega sikuru yimego naye wayamo semo uyadukauna. Awa awa ganti siyewane afo ofawaye bube. Nayeyare semo yunami wata yemi inte seyu ya ate keyare sewa yiyaraye bube kumi waita yeyi kumi ganto sikuno sewa yiyanti semi kukau. ¹⁴ Jisasi manisire samiduka Jonini kato waitayu, "Nauga yara afo seyuya wa yemi Farasiyu yunam itadeya ra suga muge beyara, afo eni kato waita yewa bu mine beyefo?" ¹⁵ Jisasi manisirem yemi siyimiduka, "Amaka yemi wata iyemanu yiteyafo mareti fati wanamo waita umanti mareti inanigi yenapa wakanami? Afo mana kana yitemi mini waita mareti inaniyi yirem yemi bitemi, afo mini nurami yemi yunam ifademi afo yuga mukitemo. ¹⁶ Bube mana waita mano auwem wado are wafakena wadoga burutam, nayeyara mini wado raka gemote ena wado anonagadakagatem. ¹⁷ Afo mini bube mana waita mano auwem waini wafa waini asifim buma gatene. Afo yemose minimotem waini asi kidem anakainam waini wayem anakaitem. Afo yemi aubem wainimi aubem waini asifimi magebemo yeganti fami minifim iyaka watetamo." ¹⁸ Mini anene yuganti Jisasi miniga yemi siyimewami mana anom waita beka yema akouyaum romuduka. Afo bemi manisire Jisasi sasamiduka, "Ma mage ugami setiraumi fugene, Afo emi yewa ayami amuga danana bemi yewayegena itabino." ¹⁹ Afo Jisasi itabemi beyi kato waita yuuapa bemi awakure buga. ²⁰ Mee mini arafa, torufia krisimasika nare kumi wa ai i mana ini mano bemi maka ge emi , afo bemi Jisasi aneka yebemi sadagem beni wado arami aneyoduka. ²¹ Mini inimano beyaranti manisiga ," Semo beni wado mose fukate ote semi awogu otege." ²² Jisasi yowayebe bemi amonarem afo manisiga, Asika iyaontano bu fegano nayeyara eni ama kukumano emi amaka gi aukene , "Mini ga mini inimano awogu uga. ²³ Jisasi mini anom waita amapi upebuga, bemi minifi kita arewa waita yemwa yimo naruka afo mana a wata anasiminifim amuna rintu rantu siga. ²⁴ Bemi minisire yemi siyimiduka, "Neka wago bekake mini sita asika agai bufuka fo bemi fami wabu gane. "Afo yemi ama ukebe imisiga benati. ²⁵ Masidem wata anasi mini naupake mapa afo kum wage emo, Jisasi upebe ayaka umfakam sini sito asika agabemi itabuga. ²⁶ Mini magufi masidepa buge yige uga mini waya mano. ²⁷ Mini magu yerare Jisasi bewami kam waita awakuntu kanto . Afo yekanti arawoka ebenta senta,'' Deviti aga ano, sekanti awa usikano. ²⁸ Afo Jisasi yemo naupa upegewam mini kam waita awakurenta bemi yentumi Jisasi manisirem mini kanti siyidumaka" Sigekanti yofa otegafu .''Afo yeganti manisirenta sami dukanto,'' Eyo Anonao." ²⁹ Afo Jisasi ayam yekam yugaka rem sem,'' Mini yigekantose makanta yima kuku eanam fawa rino.'' ³⁰ Afo yekam yugami riga. Naemi Jisasi siyimebe minikaranti manisiga,'' Sigeganti fugasireka mana waita busamekuro maua yanti.'' ³¹ Afo yeganti bentami masidem waita minifi maro siyi miduka naye wafi yeuka yige ose fawa rimi. ³² Miniga yeganti benaram mana awaum uyakam waita sabi aiyo maka mini fim wage emi, wata yemi abige Jisasi pa yiga. ³³ Mini awaum uyakam waitafike sabi aiyo asauyem mapa kumi wuga , masidem waita antudure miuiyanti sebemi,'' Israiri wafa mini anenewa bufawariya seyuya wamo naruka faunabe.'' ³⁴ Afo yemi Farasiyu sebemi,'' Sabi aiyomanono anon amano bemi eranti amimi mini sabi aiyo manta faka duka.'' ³⁵ Jisasi masidem magufa wa onotaunifa buga. Yenti mono mapi amam waya sigimi autem buga bemi. Gotini awogu kana kuue yanti bemi sima fakaduka afo bemi masidem itegio yio rukami yofa uruka. ³⁶ Afo bemi amuna wata anasi yemi yimonarem, bemi arapeke aguanene yenauti mantuka, yemi amuna umanti marabe afo yemi amuna intiriuga. Yemi afoe iwam sipsip yanta uga. ³⁷ Afo Jisasi begi kato waita siyimebe bemi semi,'' Yunami itukara ugane, afo yemo maranayoyi amuna buwane. ³⁸ Minugafo afo erarure ugam mukogo yuna afoe Anonamino beni amuna yoga waita siyikanaami bemi yunam maratemo,''