¹ Jisasi ka siyaneka yogam waita yarama ruwantu uremi sawi awamuo anasi watayu yufikem manta fasa danayo eranti akeuyikem sawi sawa yiwintose fawa ewemo awintose marewan akei yimene. ² Ka tiyaneka yogam waitayu yiwi-i , Ena yogam waitami Pitawe [ ena awi-i Saimoniwe ] ,enami Endruya, jemisiwe ye itawa sebedi,aka ena kanti yoni ya itawa. ³ Firapi, Batalomimi, Matayumi wafai takisi marewa waita Alfisiusi enami Yemisi nampa Tadiyasiwe. ⁴ Ofaim waita Saimoni nampa Yudas, Iskarioti Yesu mose intaemo namugoyu yigapim manta yiminanim waita mino. ⁵ Yisasimi tolfua beni yogam waita manta ruwanturemi yogam yimem. Amam baya manisirem siyimem, 'mono waya busewa magufim inim waita wam magufim iwa buwogo Samaria yuyi taunifimi buwago. ⁶ 'Anasi Israiri waita yupimose yuose bu wayekam inim waitanasi yunarepina bogo. ⁷ Orawitei manisire yiyimego, 'Inaru nomaga adenaka ewane. ⁸ Yi waitayu ateyikewem, fukam waitayu itayikewem, sawinamonyu [leprosi] makam watanasi kipayikewem sawisawa awamu manta fafa yikem, buayaewam ofainti fauga mareye. ⁹ Buyigemi mana koriwa, siriwa nampa monika ayaewam onyu yige unapim buyukurogo fawa bogo. ¹⁰ Buyigemi unanu, unambadomi,suyu, yakinampa yunayu buwa mare bogo yogam waitayu yimiteye. ¹¹ Item sitifinafi magufim bite afakare amona iye yigem yivigatenafi, benampa bage'e ifade bogo. ¹² Mana naupafim upegate naupa bayin nanti awogu nurane sire sego. ¹³ Ma anofo eyo sire yivigatem, bu yivigana ifade yigenti arafaru nampa owayege yego. ¹⁴ Iye yige bu yivige yafi yigen ya buyintanu, mini magu yerarate yifimkena kaiyo yema arunte yego. ¹⁵ Fuga sire yiyimege, Kotini koga anon umanti mini anom magufim batem Sodomi nampa Gomorani anom taunifim. ¹⁶ Amonago, yigemi sipsipi ka'na yiyike afa iyanu wapa yiyikege. Minugami memam amaka bago, intama awogu ure anene uwarevemono. Num amaka bega savi anta bu uwarago. ¹⁷ Wata nasi ka rafima soke ogo. ¹⁸ Setivika naemi yivige kavana augaka yeravemi momo mapim yan yiritemono. ¹⁹ Yivige yiyapim rate amuna intiri iyogo amose sinago nafi naye amite yafi mini nuram. ²⁰ Nayeyara ami businagom Kotini aiyo aga ano yigeka asitem. ²¹ Ma'de watanasi yigenanti yifogatem, nayeyara setivi yigen nampa bem. ²² Minugamifo, iye senampa ererure bem arafa bite bantana aum maratem. ²³ Mini anom magufim yige savi uake bagana ena anom magufa ragade bogo, nayeyara fuga sire yiymege Wata aga ano yitem Israilini magufim bubina yitem. ²⁴ Mana kato waita ano beni anom ba bu yakagem, mana yogam waita mano beni anom bu yakagem. ²⁵ Kato waita ano beni sisa yi inami, yogam waita mano beyi anoni ite. ma afo'e avidarem sem belsebulive sitina savi irarim mini naupa bayi avidatina. ²⁶ Minugami yenanti bufegago, nayeyara made anene fa'warimi aupa bu fa'waritem. Anene yu aupa banu aupa bubatem. ²⁷ Item baya ayufun a'wana intate wa'wayamana sego, naye baya ka ure sina ena ma amuntim yaganao. ²⁸ 28 Mana au' bunam anaka inanim waita yu nanti bufegago, mana au' bunam nampa aumi anakarem igafim yukaninim nanti fegago. ²⁹ Kefo nu kanti sito monika burevemono? Mini kefo nupikem mana bayi fa bufugitem benafo'e buyinatanipim. ³⁰ Yigen yifo'emi maside nunu yantaruka, maside a'nonte yau yanta ruka. ³¹ bufegago nayeyara, yigemi anon anene bamino kefo nunu ba yakagare bami. ³² Minugami maside watanasi iye setivi sima fa'warewanu seti fo'e augaka yen yiviba sima fa'warite inarufa. ³³ Afi iye setivi ayofate naemi setifo'e augaka enavi ba ayofate. ³⁴ Mana magaga yunami arafaru mare yevemino intiri buyogo. ³⁵ Seti yinti iya oru itave yenyifo'e namugo yi ogo yanti ye. Afo anasi mano itavem bena masire asuvitem. ³⁶ Mana waita manoni namugomi mini mana naupa banu. ³⁷ Item waita mano bena fo'e ya ano'e ayigara item mini seti kato waita ivem. Iye bena nani nampa benaraum aiyigara item mini seti kato waita ivem. ³⁸ Iye seti keka ya bumaratem mini seti kato waita ivem. ³⁹ Iye beni wanti mante awogu item mini naemi savi item. Minugamifo sepim mana bayi beni awogu wanti yeraratem awogu wanti naem afaktem. ⁴⁰ Item waita mose yivigatem mini semi sivigemi, item waita semose sivigatem mini semo sisikam waita avigem. ⁴¹ Item waita mano kasanampa waita avigatem mini kasanampa ni presenti maratem. Iye atekam waita avigate, nayeyara mini waita atekam waita bam, atekam waita yu'i presenti maratem. ⁴² Item waita iyon nomi kefo iya oru yimitem kato waita bem, fuga yiyimege beni presenti yera burantem.