¹ Jisasi waya siyimi demi beyi yogam waitayu siyimi dem, yirem anom taunifa bemi mono baya siyimira. ² Joni kala busi ugem bemi Jisasi ayuo semi intemi, beyi yogam waita sakem ³ Mani sirem semi,'' Ewa naemi yite wafo a a enoga sugam rafanu?'' ⁴ Jisasi mani sirem siyi memi, ''Bewa Joni maro sameno intevemo amonana aneneyu. ⁵ Yugam futikayi amone mono, yisavi ugayi itave mono, fukayi itave mono,savi wari ugayi mono waya siyime mono. ⁶ Semo savi bu'uyikauno yimo yogo.'' ⁷ Mini waitayu bewami,Jisasi siyi memi wata anasi Joni nanti, ''Naye amona rara wata buwa kamapa bonave? ⁸ Naye amona rara bonave-amanta unam waro urukam waita amona rare? Fuga ugane amanta unam waro urukayi kimano amapim bemono. ⁹ Ugamifo naye amona rara bonave-kasa nampa waita wafi? Eyo, mani sewau enanti, kasa nampa waitawa yeka gaga yine. ¹⁰ Benanti mini waya agakem,' Amonano, sesi yogam waita ewanafa sasa keuno, emo yinona ayim uvisi naniyi. ¹¹ Fuga sire siyi mewau, Anasi yuo madukayi fike mana wayi Joni babu yakaga. Uga mifo inarufa wayi bemwa yaka gaga. ¹² Jonini kana gake yem mage ganaga, inaru mano auavisi marem, mana maga waita yiyaka. ¹³ Kasa nampa waitayu waya sirukayi Joni nanti mage mare amaka emi; ¹⁴ Emo mara inte watemi, Elajami naem yitemino. ¹⁵ Agagam duka naniyi intano, eanana intano. ¹⁷ Iteni urega mage gena gana amona tege? Iyaoru kasi ewani uga,kumake arawoka evese ,' ¹⁶ Ana aruyike wafauna,danisi buye wane. Ifira gewa fauna,ifi bura gewane.' ¹⁸ Joni soke yunanu bunaga, yemi semi, 'Savi aum dukane siga.' ¹⁹ Wata aga ano yuna nevem none wane semo, 'Amonago, bemi none wam waitave, mone mare wayiwa kumi waitayi anaove.'Bepike awogu intiru fawarem.''' ²⁰ Jisasi mini taunifim wayi yisi duka wata anasi mono waya buyin tewami, naye yara yemi yui buwaye kamise. ²¹ ''Siguno, korasini.' Siguno Betsaida! Ano anene yuo fawarim Taiya wa sidoni wa ekai fawarene, wafa yuwaye gari ugam raka raka uga unam waro ure yunti fede. ²² Uman tanoni umanti mara nagone Taiya wa Sidoni wa konu rami. ²³ Emi, Kapenami, Eintana inaru mano anonavi amiteve?Buve, iga magufa kumi nonane. Sodomi uga anta epimba fawa ritene,fami miyio anta magewa. ²⁴ Uga mifo mani sewau Sodomi fawa rugamba yaka garem eka fawa ritene.'' ²⁵ Mini nuram Jisasi mani semi, ''Enavi yani uno, Inaruwa magawa uwan tukano, naye yara eyi intika manta fawa ruruka nove, Minure eyaga fanta miniga yikaga. ²⁶ Eyo, Setifoeo, eni amonaka soke evene. ²⁷ Setifoe semi inta simi duka, mana wayi benaga Aga anom buamo naga bena Foemana mana amonaga, aka bena Foemba buamo nagam benaga ano mana amonaga mise benaga anomo faka naniyi soke itene. ²⁸ Sepa yego, masidem uma mare wayi, yiga oya uyikano. ²⁹ Semo yigauna ayim awaku rogo, sepike faru anene mara nago, soke aumi mara nonane. ³⁰ Sepimo yitemi umaru buma rano.''