¹ Jisasimi mente anufikemi kuntavimi, nesuyam wata-anasimi bemi anenana awakure bemo, ² Bewami, Afo mana waitami aufipa namo agana ugami maremati agom yaumi akaremi sasamemi anonao, emi intanami, amakaga semi manta auweni usikateve. ³ Jisasimi manta mini waita ayami yaniuremi fakaremi semi, semi intaunami minotege, mage emi awogu ono, mana sewami itavemi aufipa namom aga-ana ugage-enimi kipavimi awogu emi. ⁴ Jisasim bemi sasamim bemi semi, emi mana wayawa mana waita buwa sasameno. Emi bewai mana naupa rafikayi waka oraveva ofami mosesimo sirukani ono, mini mana testamoni- niyi ono yekai- i. ⁵ Jisasi bemi mana maguga oravemi kampania, mana soidia yuyi rafisintano yeravemi maremati mana intinti intaem. ⁶ Afo bemi semi, anonao, mana seti yogam waitami aewane beni aumi fugewami aufipakemi aewam naupa i rugemana wane. ⁷ Jisasi sasamim bemi vemi sem, semi bobuno bei ben ai manta soke-uakanuno. ⁸ Mini soldia yuyi rafisintano sasamem semi, anonao, semi imi awogu waita iwauno setimapin bu-urinono, emi amana siranana bemi seti yogam waitani soke-ino. ⁹ Manugai sewauno, semi seyaomi anom sivi makauno, semi sesi yogam waitayu makei semi yekai rafikauno, semi meam soldia yanti bono senami bemi bevemino, enonati sei yeno senami bemi yitemino sesi yogam waita yanti, semi minono siranami minitemino. bemi sirami Jisasi itaremi, ¹⁰ Bemi Jisasimi anom amo-uremi semi yenanti madem wata-anasi bemo awakure buyi, fuga sire, semi yegemi yiyi-mirare- semi fuga sire buwai israel yiwa-napakeni mayayom yima kukum waita iamo neuno. ¹¹ Semi sigemi siyi-meuno , nesuyam wata anasi-mi yiteye afu urewapake afu kupege=wapake yenanti yaumi marate mono abrahami, aisak,jekopi napai inaru maguga. ¹² Afo yemi inaru magu kakena iyaorui kufitamo inta-fumanti kumayu-akagem ugem mana wam magufim datemo,uremi yemi wai revemi ifi-ragevemi yenao yeyiwa-yami ara-afitem. ¹³ Jisasi sasami mini aruwim waita yuyi anonamano, emi wano emi amakukum ewanami, mini yanta i fawar itemino. mini nuramano aruwim waita ai anene emi-enim kara-kara uakemi. ¹⁴ Jisasimi pita ama ano naupa upegemi , Jisasimi oma amonami pita aitami ai anenemi mantemi bami , aumanomi kokoewami dugem bemi wami. ¹⁵ Jisasimi pita aitemi ayaki fakemi ai=anene kepa-akem, mini fike itavemi Jisasimi yunami yuk-akaka. ¹⁶ Afaumi kupegami, yemi nesu wata anasi savi spiriti maka-yimi yivi mantaremi Jisasi wapai yemi yemono, bemi Jisasimi ami sevemi afikemi mini savi spiriti makam wata anasi yupem wami sasakama itafemi minevemi yianene maka-yiyu wai awogu uyikemi. ¹⁷ Minevemi mini antanako manemi, bemi jisasi mata faka-remi aisaya kasanapa waya siruka ge-enim, bemi beyaomi senuyani sia nene napa masidem senuyani umanti manta fasai intafemi. ¹⁸ Amonami Jisasimi nesuyam wata-anasi yenati bemi yakaga-womi minigai yerevemi sori nomano mea ayapa galili ibemi bemi. ¹⁹ Ewami mana anom anom waita lofikeno yeravemi semi manisemi sisa semi emi awakurei iiite ayapa binonafa botege. ²⁰ Jisasi bemi sasamimi semi, afo iyamanomi magumi makemono numano wai mete yamo nowami anami makemi ayufum kanami wavitemino, wata aganomi mai -i imakami sefo buwavitemi. ²¹ Minifike mana Jisasi yogam waita itavemi semi, Anona, semi eanam setifoe fukami maro masifarega semi naemi emi maremati awakuronuno, ²² Jisasi bemi sasamemi semi, semi emi semi sineka yeno ifadanam fukam waita mano fukam waita masifano, ²³ Mini nurami jisasi kanunfim dauntemi ukumantemi, beni yogam waita yuwa mini kanufim daunte uma kumante payami. ²⁴ Ameuremi, airewami era susuwami itavemi sore -nom amugai. ²⁵ Beni disiapeli-yu[ beni yogam waita] maremati jisasi wakai yeravemi maremati awuru-remi, yemi semi, anonao, sofa-ono seyuyami ai fugote-yare, ²⁶ Jisasi yenati yewa-yegemi siyimem semi, naugaga yigemi yai gevene , yigenti yimam kukumi sito ugemino fugave? mini siremi afo susuwa napa sorenoma-nonanti sadage wano simi, afo masidem yanta beka beka emi, ²⁷ Yimo uremi mini waita-yu mani-semo, mamini waitami iteni ugam waita wafino era susuwa napa sori-nomanomi ben ami itewane . ²⁸ Jisasi bemi tauni-manomi meam ayapa gadarini, kam waita savi spiriti makayimi yema afatemo. yekanti mati pipake yemo fawam-urentami ami bu inte-tami savi sava wayami seventa wata gai, watayu mini ayikai buwai novemono. ²⁹ Afo, yeganti ara waka ewata-gakemi sevenia taimi, seganti emi nayeyi umara emi aga utave kotini aga- ano? Emi yewanami sekanti manta auka sikara yeve, sekanti kanami iwai iyigane. ³⁰ Mini gakemi. iyakai iwage-emi , nesuyam forui yunam nevem wami. ³¹ Yemi savi spiriti ami Jisasim sasamem sevemi, senu sisikatemi, sisikami seyuyami meam foru aupem sikano. ³² Jisasi yenanti semi, yewogo semi. mini savi sava spiriti-yu yema asavemi yekantike foru aupemi upekemo, masidem mini foru iyauman taremi anu anai kumemi sori-nopim kupegemi sori=nom navi=karemi non aupen sipai fugemo. ³³ Mini fokao rafikam waitayu fedemi bemi taunifim mare-mati yiyimim masidem anta fawa inanti, nayeyara mini fawa imi kanti savi sava spiriti utukam ganti. ³⁴ Madem wata-anasi mini tauni yeraremi Jisasi yewami amone mono. Yema amone-payami sasamimi yemi semi emi mana magumi yerare bono.