¹ Wanurani imi, made anon anom watayu yeravemi Jisasika muna waya sire aruma fugirante. ² Nam mante anta ure avigem Pakileti waka buga. ³ Judasimi, Jisasi mantemi namugo yiyaka rukam waita yeravemi siguno sirem yenti 30 silva moni anom waita yu yimidem sem. ⁴ Kumi e'i mana waita beni savi antawa iwam waita aruruka. Eyagaupeke amonano. ⁵ Mana silva yu mono mapim intafurem bugam waita naka ikanugem bem. ⁶ Prisi yu mini moni mantem sem, lo mi bu romugatem fa mini moni mantem moni magewam mapim danonam. ⁷ Manafim waya sire maga aya urem enafakem waita mana magafim masifafanu. ⁸ Mini antaga mini maga manoni avi'i nare magage. ⁹ Wafa Jeremaia kasanampa waita awuka sigam waya fawarem. Mini 30 silva monimi beni meyami wafa Israeli wata anasi sirem uyadukam. ¹⁰ Kura uwarewam waita mini moni amemi maga aya uruka, anona mano sigaka. ¹¹ Jisasi gavana waka oravimi, gavana itaem, Emi Jewsiyu'i kini beve? Jisasi sem, emi senami. ¹² Mana'a prisi yu nampa anon waita yu savi uwakewami mana waya wa agadem busiga. ¹³ Pailoti sem, made savi waya yu eka sewami intage wafo simi. ¹⁴ Ogadem wa ami isimi gavana anon amoem. ¹⁵ Pasova kana yina kugam waita gavana rana yitem wata anasi ayika. ¹⁶ Mini kanaga mana kugam waita mano avi'i Barabasi mi savi anta yu uwarem waiyi. ¹⁷ Manafim yema ruwantuomi, pailoti sem item waita wa rana bitene? Barabasi wafi Jisasive. ¹⁸ Pailoti intami Jisasi abesara uremi rami benayaka buga. ¹⁹ Ko' rayimewam siaga kumantimi benana ano waya ram bimi sem, ayufum a'wana kaika amonaunami anon uman mantuka kaupo, mana anene ba mini waita bu uwarano. ²⁰ P:risi yu nampa anon waita yu nampa wata anasi se Barabasi ya intaemi, rana bina Jisasi aruma fujgo go. ²¹ Gavana yintaemi, kantano wapim iyewa rana fa bitene simi, ma'de yu Banabasi. ²² Pailoti yiyimem, Jisasi simi na'itegafo simi ma'de yu semi arure keka yaga iyego. ²³ Manisirem sem, item ro romudukene? Ka ure semi arure keka yaga iyego. ²⁴ Pailoti amonami amaka mana anene wa bu uwaratem, yepim aruvim itavinami imi nom mantem ayan sese urem sem, mana waita manini nare seti yaka buwatem. Yige nana'o eve amonago. ²⁵ Ma'de wata anasi sem, E'ana beni nare senuka yina senu sigafantafim wa yino. Minugami. ²⁶ Barabasi rami bimi, soldia yu yiyika Jisasi remi sem avige bega arurega keka yaga iyego. ²⁷ Soldia yu avige gavanani ma'uyewapim rami maside soldia ben augaka yema itabuga. ²⁸ Beni unampado yu ragademi nare unam pado uakem. ²⁹ Avi bagena nanti mante anoka remi mana yaki mante ayan ugapa fakaruka. Aifim aguyum akarem savi bayayu sasakem. Ma'nisirem sem, manami Juda yu'i kmii (king). ³⁰ Ben age kam bi,de ayapikem yaki mantem anopim anom ya aruruka. ³¹ Savi bayayu sasakem ben agekem nare unampado utude beni unampado yu uwakare avige keka yaga iyirante buga. ³² Mapa yeravomi, mana waita sairini magufikem waita ben avi,i Saimonimi yen nampa bemi kekayami marano sirem avigemono. ³³ Colgota be sewam maguga yemono, mini magu manoni avi,i ma,ni sigem, a,nopikena ayapa manoni magu. ³⁴ Wainimi ikanan nampa remi Jisasi ami duka abuntim ram ika dimi bunaruka. ³⁵ Kekayaga irukami beni unampado yu mante raga naga ure. ³⁶ Kumantuge Kati areve beka rafide bam. ³⁷ A,noka mana baya agantem sem manami Jisasi Juda yu,i Kini. ³⁸ Umam baita kantano ba keka yaga iruka ayan ugapa mana baita magen ena ayapa ena waita ruka. ³⁹ Wata nasi buge yige eve savi bayayu sasakemi yi,nonu waye-naye uga. ⁴⁰ Eba mano ma rabintire tari,a dam aupem uwararateve? Eyau ofa ono, Kotin aga bate Kekaya ifade kumono. ⁴¹ Mana yam baya mana sirem anon Prisi yu bekase mana,a yofa urem naugaya benana,o bu ofaenafi? Israili yu,i Kimino. ⁴² E,ana keka yagakem kumina amonare ya bepim sima kukum ofa. ⁴³ Gotika yima kukum evemifo e,ana Koti ofa ino Koti avigarante ina nayeyara Kotin aga bege sigafo. ⁴⁴ Umam waita ba irukayim ba mi,nugam baya mana siga. ⁴⁵ A,ano a,wanaka yimi ayufum yem fikabuga. ⁴⁶ Tari kiloki enakagi imi Jisasi wa,duremi semi Eli Eli Lema Sabatani, mini baya manoni anta ma,nugemi seti koti o naugaya anenu sime wafo? ⁴⁷ Mana,a minifim bage eyomintare se, Ilaijami arevemino. ⁴⁸ Mana Soldia uyem bemi, sito ara unampado mantem ika nopim demi yakiga dem Jisasin abuntim duka. ⁴⁹ Mana,a sem, ifa arana beya amonafa Ilaija yema ofa itenafi. ⁵⁰ Jisasi wa,durem beni aiyo iya onti rami bim. ⁵¹ Mana trifa anon rabarabe a,wanapim rantasem kumemi magamano uwa imi onu ano a,wanapim ranta buga. ⁵² Masi rivimi yimakukun ewam wata nasi itabuga. ⁵³ Jisasi itavim kanaga yeba masipikem itavem anon magufa bemi amuna yimonaruka. ⁵⁴ Jisasika rafidem bam Soldia yu maga uwa imi amonare fe,de sem, fuga mana Kotin aga bem. ⁵⁵ Amuna inin asika Galili awakure eyom itage be amonawam. ⁵⁶ Yen yi,wanapim Meri Mekdalani nampa Meri Jemsiya Josepi yino,e nampa Zebedi agafanta yeyino,e ba bage,emi. ⁵⁷ Enakagi imi Arimatia kena anom waita amuna anene rukam waita ben avi,i Josepi, Jisasini kato waita. ⁵⁸ Pailoti oma intaurem Jisasi mare bono simi. ⁵⁹ Josepi mantem u,marem avigem bemi. ⁶⁰ Beni auwem masipim ruka on kadire uwantuka anon on afo mantem ontaga uya dem buga. ⁶¹ Meri Mekdalani nampa ena Meri miniga kumantugenta banto. ⁶² Ena nuran imi, Pasova mara kana yakagabimi Prisi yu nampa Farisi yu Paloti nampa manafim yema uyumage . ⁶³ Semi, anon waita o, omareya inteyare, muna waya sewam waita fa waka sem, Taria nuram yakagabina itabonunave. ⁶⁴ Sigafo sina avogu ure mini a nuram rafisege, beni kato waita yu yema umori ure avige beya wata nasi yuka sem itabugane sifana yenti muna ano anoni ipo. ⁶⁵ Paileti yiyimem, bega ⁶⁶ rafima awogu ega bemi masi ontaga rafisego.