¹ Yaun de wam kana yakagabimi, a'i untemi ena nurani imi, Meri Mekdalini nampa ena meri Mati amonarantem yimi. ² Anon magundimi, ankero inrufake kumemi Matik bam on afo yema avekama magemi mini amuga kumantuga. ³ Ben auyu ano anonoka bami, beni unampadoyu efari uga. ⁴ Rafimisimwaita yu anon fegantano yakagabimi fugim waita kana oruge bage,emono. ⁵ Ankero anasiyu waka yeravem semi, bufegago Jisasi afakarante yigamino, arure keka yaga irukam waita. ⁶ Manafim iva a,i itabuga, bemosemi sigaka yerave amonago, senuti ano,na rukam magu. ⁷ Ame ure bega beni kato waita yu yiyimego fugintike itabuga amonago a,nantapa Galili bugane minifa bega amonago yigemi yiyime,i. ⁸ Anon fega nampa amo nampa Jisasi masifarukam magu yerarenta benta Jisasini kato waita yu oma yiyimiduka. ⁹ Bewaka Jisasi yimonarem semi awogu nurane, anasi kantano yeravem Jisasini aifim agoyun akarem anon avi amem. ¹⁰ Jisasi yiyimem, bufegago bega sifa tiwa unan nanti Galili bega simonago minifa simonanagom ¹¹ Anasi kantano bewami Jisasini masika rafikam waita yu anon magufa orave yenti anonu waka be ma,de anene yu fa,wanuganu yiyimi duka. ¹² yenti anonu kumanture ami sire anom moni yimiduka Jisasini masika rafika waita yu. ¹³ Ma,nisire eno yiyimego, Jisasini kato waita yu ayufun a,wana yeravemi Jisasi yema umari ure avige buga, ka dabugafunaga. ¹⁴ Mana waya mose gavana agagaka bina bena nampa ami sire,ya ategafana yige savi buyu akatem. ¹⁵ Masika fafikam waita yu mini mone mante yeyi anonu siga baya awakuntuka mini baya mano ma,de Jewisi wata nasika bimi mageba mini baya mano fa bem. ¹⁶ Ileveni,a kato waita Galili buga Jisasi siga anuga. ¹⁷ Jisasi amonaremi anon avi avimemono, manami ka intiri uga. ¹⁸ Jisasi yewaka yeravemi ma,nisiga mana magaga bam anene nampa inarufam bam anene semi simiduka. ¹⁹ Bega ma,da magufikem waita yu mante seti kato waita yi ogo Kotini avi nampa benaga ano nampa ayo aga anon avipim Baptaisi ogo. ²⁰ Ma,de anene yiyimuna mini yu yiyimego amonago maside nura yige nampa be mana maga kipatem.