1 2 Jisasi maside baya sima kiparemi, beni kato waita yu yanti sem, Intagamino, kanurani imi passova yinam wata aga ano keka yaga iyitem. 3 Anom prisi yu nampa yinom waita yu kaiyapasini anom mapim 4 uyugebe jisasi arinayom baya sewa. 5 Ma'nisire siga, anon yunam fa'warinani kanaga bu mi'noteyare, wata nasi aruvim mante itaranayom. 6 Saimoni lepra ai rukam waita ni mapim ovem 7 taboliga yunam nevami mana inim mano urem, mana alabaste botoli awogu basabem minifim bami, anom manika bam basabem mantem a'noka ba'yiruka. 8 beni kato waita yu amonare yirakame ma'nisiga. Naugana mana anene wa'yirami fafa benafi. 9 Mana anene anom monika de mante bumakam waita yu yimiri ugane. 10 Jisasi yanti intiru rayinte amonare sem, naugaya mana inin nanti amuna baya sevege? Mana inimi awogu anta usikem. 11 Amuna nuram anene imakam waita yu nampa banagomifo, yigenampa bubanu. 12 Mini basabe sigeka ba'yimi, masipim bonunami sesa evem. 13 Fuga baya yiyimege, mana magaga ma;depa kotina siteye, mana inim manoni anta ba'i siteye. 14 Mana kato waita avi'i judas lscaidti anon prisi yu nanti 15 semi, naye anene simitege jisasi mante yiyaka danu? 30 silva rayinte amidami 16 ananti afakem itenure avigem yiyaka dananim. 17 Yisi ba iwam breti nanayom kana yimi kato waita yu Jisasi waka yeravem sem, Pasova nanonami ite aga oma ate akate yofa? 18 Ma,nisem, ano magufim oravega mana waita yanti se, Sisa ma,nisem, seti kana a,dekagi imi seti kato waita yu nampa ena mapimi pasova nateyare. 19 Jisasi sini uremi beni kato waita yu pasova yunam sesa uruka. 20 Enakagi imi beni kato waita yu nampa kumanturem. 21 Yunan nevem yiyimem, fuga waya yiyimege, yigepikem mana bayi sividem namugo yu yiyapim ratemi. 22 Yigunanti emi mana mana bayi intaemi, anona,o sebaye? 23 Ma,nisirem yiyimem, senampa ayan disifim dananim waita sividem namugoyu yiyapim datem. 24 Bayami agantem rukami bemi, bata aga ano bitem mi,nugamifo, wata aga ano mante namugo yu yiyapin dananim waita ba agunaru akago'' mini waita bena no'e bu magatina awogu item. 25 Judasi, mantem namugo yu yiyapim dananim semi, Sisa'o aga sewafi? Jisasi sem, e'sima fa'waronam. 26 Yunan newami Jisasi breti mantem asuami ure ki'dire beni kato waita yu yimi de sem, mante nago, sesu mino. 27 Kapu mante yani ure susu sire mantem yimidem sem nago, ma'deyu. 28 Manami seti naremi kantraki wa'yemi wata nasi yi kumi'i yiratem. 29 Yigemi yiyime, mana ya yagami owayege bune bage'e seti fo'eni magufimyige nampa mini kanaga nate. 30 I'irami kiparemi, Olivi anuga bomi. 31 Jisasi yiyimem, mage ayufumi ma'de yu sire buge yige inagom yaufim aganta maka Sipisipi rafisewam waita yirurana beni Sipisipi yu mana mana item. 32 Naemi itave'i a'nantapa Galili bonu. 33 Pita sem, maside yu are buge yige iye, semi are bubonu simi. 34 Jisasi sasamem fuga baya sasame mini ayufum Kokori a'sina kamore'a ya mise bu amonagege sinonam. 35 Pita sasamem enampa fugirante ite, muna bu amenu maside kato waita mi'nionana siga. 36 Jisasi Getsameni oravemi beni kato waita yu yiyimem, ma. 37 Pita nampa Zebedin aga kanti yivigem bevem anon agun anene nampa ara uari evem. 38 Yiyimem agun anene mano sirapem itukai fugonunayi uga managa bega senampa rafi'de ba. 40 Yirem nepa ka'na bemi, agoyun akarem auga mukem ma'nisem, setifo'eo, amakagi ina, semo intanuna ayika umanti rana buyino, eni ayika dana yi. 41 Beni kato waita yu baka yimi ruge bami, Pita nanti semi, naugaya, ruge bege senampa rafide bubege? 39 Rafide be auga mukina maka sin yina bu rufamino au iya ontano aiye wamifo, au bunam mano eram bumaka. 42 Ena yaba oravem auga mukurem sem, seti fo'eo mini umam seka yirante ina eni ayintana awakuronu. 43 Yera den bem yimonami ruge bami yen yigaunu ano umandewami. 44 Yirem yerade auga mukira bemi, kesam baya siga. 45 Jisasi beni kato waita yu maka yeravom sem, fa babuge bege yaundevege? Amonago a'i mini kana yimi wata aga ano mante kumi wata yu yiyaka datem. 46 Itabi ya bofano, sividem namugo yu yiyaka dananim waita a'i a'deka yigane. 47 Asevem bami, Judasimi beni kato waita yu pikem anon akum waita nampa yem, anona Prisi yu nampa wata nasi yu yi a'nom waita yu nampa yem aruviri anene yu nampa yemi. 48 Jisasin avidem namugo yu yiyaka dananim waita yiyimem, item waita amo nanuna miniba fakago. 49 Mana trifa Jisasi oaka yera vem, Sisa'o ayufune sevem amonami. 50 Jisasi sem, naye anene irante yenami uwarano simi yeravemi Jisasi fakare avige bemono. 51 Jisasi nampa bage-enim wata nasi rayudem anom Prisi yu yi yogam waita agagami akefami. 52 Jisasi sem, asi dana beni magufim bino asifake wa anta makate asi mano aruma fugitem. 53 Emi intami seti fo'e wapa are-se ankero yu rana ye sofa ogo sina. 54 Itenuram Koti nami amakagi itene mini anene fa'waritem? 55 Mini kanaga Jisasi wata nasi yiyimem, umam baita ba bauna asi yu nampa se faka rante yege? Mono mapim wa'wayam kumanture be Kotina yiyime baunamifo bu fake mono. 56 Mana anene yu fa'warimi kasanampa waita yu agante rukam baya fa'warino maside kato waita yu are ragade uya buga. 57 Jisasi fakam waita yu avige anom Prisi kaiyapasi waka buga. 58 Pita yen yineka yiwakurem bem anom Prisi ni mapim buga naupa untavemi Soldi'a yu nampa oma kumanturem bem naye anene Jisasika uwaranayom amonarantem. 59 Ma'de Prisi yu nampa anon waita yu muna baya yu sire Jisasi aruma fugirante afakamifo. 60 Mana beni savi antawa faka buyiga naemi kantano yeraventa. 61 Sem mana baita mano sem mono ma rabintire kamore'a nuram yewayege uwaranunave. 62 Anon Prisi itavem sasamem, mana'a baya rukeve? Mini naye bayaba eka'i seve yafo. 63 Jisasi mana bayaba isimi anom Prisi yu sasamem, Kotin avipim eram baya inta ege, fuga emi Kotin aga beve?simi. 64 Jisasi sasamem, ena'o senamino, mage amonanona Kotin aga ano beya fo'eni ayan ugapa kumanturem bem eran nampa konaka yitem. 65 Anom Prisi beni unampado fagadem sem, mana mi kasi bayami sem, nayegaga ben ni anta yu afakatege? Amonago yige nana'o intami mana kasi baya sem. 66 Naye intiriga evege simi? Ma'nisire sem, fugika ana bem. 67 Ben orasipem kam bi'dem yiya nako are be. 68 Se, kasanampa baya nako sem emi kotin aga banamino mana iye arevenafi. 69 Pitami kugu naupa kumanturem bami mana yogan inim mano yeravem sem, emi Galili waita Jisasi nampa bage'e uganamino, simi. 70 Ma'deyu yigauka munatirem sem, emose sewana anene buyintage. 71 Ontaga kumimi ena yogan inim amonarem minifim banu yiyimem, Nazareti waita Jisasi nampa mana waita bage'e ugane simi. 72 Muna eram baya nampa sem, mini baita bu amonagauna waita mi. 73 Naemi mana'a itage bage eyom Pita amonare sem, fugebe emi Jisasi nampa nowam waita mino, nayeyara bena mano senu sisimem. 74 Eram baya nampa savi baya sem, mini baita bu amonauna baita mino simi, kamore'a ya Kokori asem. 75 Jisasi sigam baya Pita omaren intem, Kokori'a busine kamore'a ya bu simonage sinonam i'naem mapa oravem anon ifi ragem.