¹ Jisasi mini waya sima kiparem,Galili ke ifadem Juda nona bemi. ² Nesu wata anasi awakure vewam,minifa yofaemi. ³ Farisiyu beka yerave, bemi maka semo, benanti seve, ''Wata mano anasi saka nanimi soke itenafi? '' ⁴ Jisasi siyimem mani semi, ''Emi intageve agoyara kao yemo uwantu kayi ai watawa anasive sigami? ⁵ Yemo uwantu kayisemi, 'Mini anta yanti wata mano beyanoe afoe arem beyana nampa watem,yemi manayi ugenta waten tare. ⁶ Yeganti enaga enaga buyu gentare,manayi ugentare,Gotimo afitu makami buiya seno. '' ⁷ Benanti mani semo, ''Naugana Mosesi sena afau aganta amirewa sasa kana bino sigene?'' ⁸ Bemi siyi memi, ''Yuano eraruga ewami,Mosesi minurega anasi sakago siga, ugamifo agoya raka mini buyuga. ⁹ Semi enanti mani sewau,iyewafi beyana saka naniyi,famuku anta mino,sakaga inimo mara naniyi famuku anta uwara tene.'' ¹⁰ Jisasi sini yogam waitayu mani semo, ''Minu ganami wata mano wa anasi mano wa,mareti irami savi itene, '' ¹¹ Jisasi siyimem, ''Made yuwa marate yaove,iyewafi mara rare sina yoyi mara temo. ¹² Mana'a mareti buyimi iyaom buma gana yomi yeyinoe arpike ai mini yiri uga,mana a wata mano minu yikewam,mana a inaru mano nanti inte minewam.Iyewafi mana waya mara ranti,eanana marano.'' ¹³ Naemi sito iyaoru yivige yemo augam muku yika noyati, beni yogam waitayu siyi kemo. ¹⁴ Jisasi mani semi,'' eana yego sepa,sewau nafa yewaibu fakago,inarumi miyiom waitayu yita mino.'' ¹⁵ Ayam yinoka dem augam muku yikarem bemi. ¹⁶ Naemi,mana waita yeravem Jisasi sasa memi, ''Sisao,naye soke anene uwatega wantana aumi mara tege semi? '' ¹⁷ Jisasi mani sirem sasa memi, ''Naugaya soke anta yanti sinta eveve?Mana samana soka uga,aumo maranti seta awaku rono. '' ¹⁸ Mini waita mano sasa memi, ''Item wayave? ''Jisasi sem, ''wata buyiro,famuku antayu,umo antayu,muna buse, ¹⁹ Yige yinafo ya intago,eyanto ewanayi ure eno ayiaka. '' ^{22 20} Mini waita mano sasa memi, ''Miniyu ai awakuru po.Ena naye wafiyo? '' ²¹ Jisasi mani sire sasa memi, ''Emo fuga sewate, bono,eyi anene yu salin eve, buruka yi yimeve, minite inarufa aya mara nonane,'yeno, siwa kurono. ''' Mini waita mano Jisasi ai intarem,nesu intiri em bemi nesu anene duke mise. ²³ Jisasi beyi yogam waitayu siyi memi, ''Fuga ugam siyi muno,nesu anene ruka yimi inarufa bira anu yoganayo. ²⁴ Yewa yege sasa mewau,kemeli manomi uwa ayipim faruri nanifo nesu anene rukayi inarufa bira anuyoga nani.'' ²⁵ Yogam waitayu intare, nesu intiri evese, 'Iye soke urena watene? ²⁶ Jisasi yimo narem mani semi, ''Wata mano anuyo ganani,Goti nampai buanu yogano. '' ²⁷ Pita mani semi, ''Amonano, made anene yera reya emi awaku rewafau.Naye mara teyane?'' ²⁸ Jisasi siyimem, ''Fuga ugam siyimu,Wata mano aga anomo beyi kagaka kuma tinami, semo siwa kure wayi yigewai kumanti nago,twolu fua Israili nanto rayikayi. ²⁹ Made yumo yeyima yera,yeyi fayiwa,yeyi yoma,yeyi foe, yeyinoe,yeyi iyaoru,yeyi magayu yerare seti yogam mare wayi handret tiayawa amugagi ure mara nayo wantana aumi. ³⁰ Uga mifo nesui anari ugayi naeni imi ,naeni ugayi anari iteye.