¹ Mae miniga yemi kato waita yerabe Jisasim afo intauga bemi manisire, ''Iyewa ano abi rukena mentapa yaka gara ugenafi,'' Gotini kana kunefim.'' ² Miniga Jisasi kefo iyaom arami yiga, afo bemi mauta yen yiwanapa itaruka. ³ Afo ''Semi fugasire yigemi siyimege sigemose ananiti buyeo afo kefo iyaori buyite ote yigemi Gotini kana kunefim amaka buyurina gone. ⁴ Eyo afo wata bemo ananiti uwemo sini kefo iyaori itemi, mininayo waitami Gotini kana kunefim ano yibi magatemo. ⁵ Minugami afo setibik, mana waita minugam waita yem o awogu uyikabem afo simi kefo iyaoranta, bemi semi mini awogu usikebemi semi sibiruka. ⁶ Afo wata yemi sini kefo iyaoru amakuku sepimo ewamose manta kumipi rufayika ote, awokuino yemi anona omi yinugapi antaurega bemi afo maro sori nopa intafu rana kupegano. ⁷ Siguno siyika yemi wata anasi mana magaga makasi kana. Awogui makasiuto faware wam, afo siguno wata iyewafi makasiuto uware wagi afo bemi masidemi auakai temi. ⁸ Afo en ayawa aimuno emo kumipi manta rufantanami, afo akefare fafa intafone. Mini awoguino wama anata aumose maranti mana ayanap aimose waga gana. Afo awogu buyintemiino iga magufim binona kal ayanapa aiganti. ⁹ Afo en augamano kumipimo emo manta rufantanami, awogui mante fafadano. Mini awogu ino wama anata aumose maranti mana ayapa auganapa. Afo awogu biyitemino iga magufimo binona kal auga augaunapa. ^{11 10} Emi rafima soke ono afa mini kefo iyaoru yemi yimonamo mampapa wurano. Fugasire semi emi samege. Mente inarufa yenti ankero ano yewane setifo en orasika bemi inarufa wamise. Nayeyare wata aga ano yimi yemo wata anasi afubugam yifakarem yibigara yiga. ¹² Mini inteniuge nafi. Afo mana waita mano mana auret sipisipi makaganam, afo mana sipisipi yen yiwa napa ke oma ofienam, bemi nainti nainia sipisipi yirana anuga wami afo mini mana sipisipi oma afuwagam buafaka tenafi. ¹³ Fugasire semi siyimege yigemi bemo mini sipisipi fugasire afakene, nainti nainai sipisipi wanati amo itemifo afo ano amomose inanimi mana sipisipi mini afugamo afakanati. ¹⁴ Mini amaka minukami, yigen yifoe inarufake bemi yepike mana wayi mini kefo iyaorupike buafi ino yanti. ¹⁵ Afo en afa awa emo kumi uakana, uakana, sadage bemi abige awafa marore wa afo minimi sadage sigeganti sima ate gaga. Afo bemose amaka en amose intanami afo yigeganti yewa yegeka yige itawayi intorami. ¹⁶ Mini namosi bemi en amosi buyinta nami, yewaugam ikanebeya afo mini umanti atega. ¹⁷ Yenyamose intara abe sara ina bemi, afo mini waya buyinta rotufim wono, afo rotufim wa bemose mini waya buyinta nami afo bemi Juda akum waita waye. ¹⁸ Fugasire semi sigemi siyimege, mana anene yigemose mana anene yigemo se mana magaga antu ite ote Gotiwai inarufa anta temi afo, afo yigemose mana yanta ose mano magaga rigimote Gotiwa inrufa riyitemi. ¹⁹ Afo semi yewayege yigemi siyimirare, mau magaga ,, kam waita yekanto mana yiraka bentamo mana ane neyanto sinta imote, seti foe inarufake yimitemi naye anene yantose yemo inatinayo. ²⁰ Mana ayapaose karafi tari amau setibikao ruwantu emote, semi afo sen yiwanapa wateu. ²¹ Naemi pitami yema Jisasi intauga,'Anonao, nadeyaga setifa awani umanti aretegafuyo bemose semo kumi usikana? Amaka sewenia yagafi,bae?' ²² Jisasi samemi 'sewenia yage sirega semi samegaye emi, bube semi sewenti sewenia yaga beni umanti ara'. ²³ Minugami afo Kotini magufim mana kimano beyi yogamwaita nari urukami minurem ategatemi bemi. ²⁴ Miniga bemo agoyantem nari uga ategami yemi mana yogam waita abige yiga kimanoni tentauseni siriwa moni unam nari ugami yewayegem amino yanti. ²⁵ Bemose nari im moniose aminanim iwaganami, beni rafisintano eram waya sebem mini yogam waita wa beni anasi iyaonampa masiden anene beninta sarinuremi bemose nariugami yewayegem maratem. ²⁶ Afo mini yogam waita akonyaum romudem anom magafim rem rafisinta nonanti bemi semi, 'Rafisintano, agunarusikano semi afo masiden anene yewayege emi aneka amitege.' ²⁷ minisimi rafisintano mini yogam waita agun uwakemi afo beni umanti arami bem fa buga. ²⁸ Afo mini yogam waita mano bemi ena yoga waita amonaruka iyewafi mana unam moni nari ugayim. Afo beni anugapim fakarem rifitem mare magemi bemi sem, 'Emose nari ugam ameure simeno. ' ²⁹ Afo mini yogam waita beyaomi manta magum magafim remi beyorasi aifim remi sem, 'Agun usikano semi emose nari ugaunami amenupo. ' ³⁰ Afo mini ana yogam waita benami intama soke buyinti bemi mini yogam waita fakarem kumakanami bemose nari ugami amidem mana item. ³¹ Afo beni mana yoga waita amonamo mana anenemose fawarinam, yemose yimobuyemi. Masidem anenemose fawarinami yemi mare rafisintano sasamitemono. ³² Naemi rafisintano mini yogawaita ararem bemi mare magemi manisirem sasamitem , 'Emi mana sabi yogam waitamo. ³³ Naugaya emi awa awa eyimana yogam waita buyuakewe semose emo awa awa uwakannayiure? ' ³⁴ Beni rafisintano arakami mini yogam watayu yemi yimemi mini waitami auawisi amewana seti anenemose nari ugami owayegena simino semi. ³⁵ Minugamise setifoe inarufake bewa manayo anta yigem wa uyikatem, afo yigemose sige yifa yiwa yi kumiose buyire o afo beni awosanato inte wate.