¹ Inarufa anene yui manu gene mana wagimo yogan dukemo yogam waita yuo yifake wani ugene. ² Yemi manta soke uyikarem naemi yogaka siyi kemi. ³ Ena nuram mana yogam waita maketi magufim wami oamo nemi. ⁴ Inte wami manisem, ewa bono semi, yunapim, ayai ametege siram yogaka bemo. ⁵ Aka ena nuram siki sia aka ena naini ayawa,oravem kesani emi. ⁶ Yewa yegem ena yawa oyimo nami faitare wami.Mani semi,naugaga faitare bege?' ⁷ ''Yemi mani semo, 'Mana wayi senu busivi dukane semo.' ''Aka bemi mani semi, 'Yigewa yunapim bogo semi.' ⁸ Enakai yoka afoe yeravem beyi yogam waita intaem, 'Yarare yogam waitatu yenyi aya yimeno semi,Naem yigayi kake anantao yigayika urono semi.' ⁹ Ai afauyi imi ai aya maremo. ¹⁰ Ananto yigayi,yekaga reya marate yane semo,madem mana marari emo. ¹¹ Yeyi aya mante amonare yoga afoem asasa kemo. ¹² Mani semo, 'naem yigayi nampa mana simiri ugana yane semo,seyu ananta yera veya aigafu keya anom yogam mantu kafau nave semo.' ¹³ ''Yoga rafoe mani sirem mana wayim sasa memi,' Sigono, Semi naye savi uake gafuyo.Mana mone amiru kauna mana ara kagi buye veve? ¹⁴ Eyi anene mantare bono semi.Naem yigayi wa emo marana amaka mara teye. ¹⁵ Sesi anenega sesi intim buyuwa rate gafu?' ¹⁶ Nae keno anari inam, ananta keno naeni inanine.'' ¹⁷ Jisasi Jerusalemi bemi beyi yogam waita yunampa, akafam siyimem, ¹⁸ ''Amonago, Jerusalemi bewa faupo, wata aga anomi ano anom waitayu yiya pini itene. Aruma fugiteye ¹⁹ Gentali yu yiyapi dami savi uakare keka yaga iyi teye. Ugamifo kamore nuram yaka ganam itavi tene.'' ²⁰ Zebedi anoe Jisasi wapa beyaga nampa yemi. Agom yaum rararem intaemi. ²¹ Jisasi sasa memi, ''Naye yara sinta eveve? ''Mini inim mano mani semi, ''Emi eyo inanta setiga kanti kuma tokaro,mana wayi ayan ugapa kuman tinam mana wayi ayan epa kuman tinam,ogo yare eni magufim.'' ²² Jisasi mani semi.''emo sintae wana anene buyin taga nane. Semo nanuna nomi nateve? ''Yemi mani semo, ''Nate yane.'' ²³ Bemi mani sirem siyi memi, ''Sena nuna nomi nantoto. Setiyan ugamba siyanepa kuman tira senami seti yoga raye yemo setifoe ugayi kaga yinta mino,'' ²⁴ Tenia mano intare yira anene yeka ritawa yimemo. ²⁵ Jisasi yararem siyi memi, ''Gentaili yu yeka rafi kemono, ano ano waitayu yeka rafike mono. ²⁶ Minuga anta bufa warino.e-ega,iyewafi anom waitayi iranti yogam waitayi uvena maem anom waitayi ino. ²⁷ iyewafi anari ira inaniyi yogam waitayi uvena naem anom waitayi ino. ²⁸ Bata aga anomo yigami yofau rukanara yenaye,a ao yivi garantem yemino,beyi laifi marerem nesu anomi yivi garan tene.'' ²⁹ Jerikoke bomi,ano wata anasi awakure bemo. ³⁰ Kanyuga afakam waita ganti aka wage enta.Jisasi yeve wane semi arawo kaenta, ''Urewu gano,Deviti aga ano,aguna usikano. '' ³¹ Wata anasi yisemo,kepa reka wakaro semo,mini mifo anoka arentamo, ''Urewu gano, Deviti aga ano,aguna usikano. '' ³² Jisasi oitavem yaremi semi, ''Naye yiga uyikano yare semi? ³³ Yeganti mani senta monto, ''urewu gano,sugam amona rare. '' ³⁴ Jisasi, nesu wata anasi yunampa ve-em, yugaka anoyo gem.Yugam mano soke inta awaku renta venta monto.