¹ Mana nurami Jisasimi itaremi efayofim Genesareti nomanoni waru anapai,a,a ena avi,i demi Galili wayemi nesu wata anasimi yiyimemi. ² Jisasimi kam botimi emowami non anapa wami noya ririfewam watayui boti miniga yeraremi noya arewam wasemi sese eve wami. ³ Jisasi oma rauntemi mini yupike mana botifimi minimi Saimoni nintam. Afo Jisasimi bemi intaemi boti avekanam sitoami bi miniga bemi kumantuvemi wata anasi siguru yimemi. ⁴ Jisasimi siguru waita anasi yime emi kiparemi Saimonimi sasamemi eyi boti maro warupimi maro wasemi dana kupegana noyai mara. ⁵ Saimoni ben ami anona emi semi anonao seyuya anona yoganti ayufumi yogeyami mana noya bu mareyare ugamifo sesi wasemi emo senayi ure darami nopimi kupeganami. ⁶ Yemose minewami nesu noyai marami yenti wasemi ragagariemi. ⁷ Minimi ena botifim yeyi mana yogam waitayui yarami yema yofaemi minimi makam botimi noya ituvemi boti nopimi kupegariemi. ⁸ Saimoni Pitami mose mini amonemi Jisasi aifimi rufam bemi semi Anona'o semi sire bono semi mana kumi waita muno. ⁹ Nayeyarafi be nampa beya bumampa antudemo iyeyarafi bemi enaugam yanta, i uwaremi. ¹⁰ Mana ana uga beyi agoua ka yogam waita nampa Jemsi ya Joni yemi yeganti sebedi agakanti Jisasi Saimonim sasamemi, emi bu fegano magemi emi wata yibigano. ¹¹ Non amapa yema rirife bemo yeyi boti nampa masiden yeyinta anene yerademi Jisasimi awakuremo. ¹² Jisasi mana taunifim wami mana wata Leprosi ai ,aufipa itkayi yemi Jisasimi yema amonami bemi agon yaumi dademi be orasi'i magafim dami kumimi itaemi Jisasimi anonao emo ayewanami emi semi manta soke usikano. ¹³ Afo Jisasimi ayami anoka demi semi emi manta soke onu. Magemi emi manta soke onu mini ame ama uremi mini Leprosi ai yera demi bowemi. ¹⁴ Jisasi bemi ake waya sasamemi , emi buwa mana wata sasame naye anenemo eka,o fawarimi ,ugami emi maroma pristi. yigate ofa wa uwara mosesini lo sigam minimi yemi yofa inanimi. ¹⁵ Ugami , wayami buge yige masiden ayapa . Emi afo nesu wata anasimi yemo jisasimi waya intara beka yemo bemi yenti yi'i sokeuyika noyanti. ¹⁶ Ugami mana'a kanafimi jisasi yera yire mi wata buwan ayapa maro augamuko. ¹⁷ Naye yarafi Jisasimo wata anasi siguru yimewami minifawai farisiyu Lo manoni sisayu Galili anakena magufike wa judia wa Jerusalem kemi kumantuge wami afo gotini erantano bepim itugami bemi yi evam watayu soke uyike'emi. ¹⁸ Mana'a watayui mana ai ewam watami kantauyemi yemo mana'a ben aumi fubuga afo yemi ami afakemo avigemi jisasi waka birante . ¹⁹ Nesu wata anasi mise magumi itukemi. Minugami avigemi ma amuga uremo yemi dami kumemi maka beyi beti nampa wata anasi yiwanapa jisasi adeka aifim. ²⁰ Jisasimi yenti yima kukumi amonemi, bemi manisemi anaomano, eni kumi'i arege. ²¹ Farisi yu nampa Lo manoni sawewaitayu'i agoyantemi nesu intiri emo yeyaranti. Iyewa mini wata mi bena gotimi kasiuake vene? Iyewa mana waita goti anepai wata yi kumi'i manta fasadatene? ²² Ugami jisasimi yenti intinti a ,i maremi afo bemi yiyimemi semi' naugaya nesu nasu intirui yige yirapimi rukege? ²³ Nayewa soke ugaga naga sasame semi emi kumi'i arege a'a sega itave bogo? ²⁴ Ugami yigemi intama maninago wata aga ano mana magaga avi'i dukemi wata anasiyi kumi yikaranti afo bemi mini ai wata sasamemi emi itavu eyi wawim yauyu mare bono eyamapa. ²⁵ Mini ame ama uremi mini wata mano itavemi beyi wavi aneneyu marevemi goti avi yani evemi bemi. ²⁶ Maside wata anasi mini yanta ganti antuduremi yemi goti avi yani emo yemi mana yanta ano ituyikemi yemi semi seyuyami ena ugan yantai mana waya wami anonoyane. ²⁷ Mini anekai jisasi yera yiremi bemi mana wata sagisi marewam wata ben avi Livai kumakemi sagisi marewam maguga jisasi sasamemi siwakurono semi. ²⁸ Livai maside yanta yera remi yema avakuremi. ²⁹ Livaimi mana anona yunami jisasimi uwarakemi beyamapimi. Nesu wata sagisi mare wam watayu nampa ena watayu benampa bemi yunami nemo. ³⁰ Ugami farisi nampa Lo save watayu nesu wayami jisasimi disaipoli yu nampa sevemi semi naugaga yigemi yunami nevega nomi nevega sagisi marewayi nampa kumi waitayu. ³¹ Jisasi yenyi waya amona emi semi wata anasimo yio budukayimi jota mi b amonevemo ugami yio dukayi minami. ³² Minugamifo semi yunami atekam wata anasi siguno yeyi kumi ganti semi yunami kumi wata anasi siguno sire yui wayegago. ³³ Afo watayui jisasi nanti semi , joni mo awakuro nowam yogam waitayui yunami awenta uremi yugami mukewa , Farisi yuyi yogam watayu wai afo eni yogam waitayui yunami nemi nomi newa. ³⁴ Afo jisasimi anona uyikemi semi mana wata manomi anasi mararante be afa awa yu nampa waganam ben afawami yunami abentaiteyafo wa, e? ³⁵ Ugami mana nurami fawaritemi mini wata anasi maraewayi yeraremi bovinani enawa yenampa bu wanami mini nurami yunami awenta iteyafo. ³⁶ Jisasi mana yi, om wayegam waya semi , yemi yiyimemi bu mana waya mi sito yawa rave ragadem auvem yavaravegai feyam yawaravega bu aguvi temi ragagatemi sito'a auvem wadogakemi kana buyitemi feyam wado ga. ³⁷ Afo manawayi mi bu auvem wainimi feyam meme arantafimi. Be mose mini nami mini auvem wainimano feyam meme arantami ragaganami wainimi ayivemi mini meme arantafa soni itemi. ³⁸ Bube auvem kainimano auvem mene arantafim bitemi. ³⁹ Afo bumi mana wata mano feyam waini bu naruka be mi auvem waini yanti ayevemi ben sevemi feyam wainimano anon avogu ewa.