¹ Mana sonta wayawam Jisasimi antibi yonapim buga.Benikato baitayu antibi wade naruka. ² Minewam mana'a yinom baitayu yimone mani siga, ''na'i ugaga sonta nuramifo mana anta yigemi uwarevege.'' ³ Jisasimi manisirem yenya yewayegem siyimika,''Yigemi rayite buintagege Devitimo arapuwam mose ugan anta.beyi akun nampa? ⁴ Goti nama untavemi Gotini kantataga rukam uyunam umantem nevem beyi akum yimim naga,Mini yunami anosigam, yinom baita yu'ana newam yunam. ⁵ '' Afo Jisasi minisirem siyimika,wata aga'ano bemi anona misefo sonta nurakaba rafika.'' ⁶ Ena sonta nuram jisasimi Yuta watayu mono mapim watanasi manisirem watanasi mono waya yimika. Mana waita ayanugam karere ugam yen yiwanapa wage'enuga. ⁷ Ahga rafikam yinom baitayu nampa mana'ah rafisim baita yu,Jisasi ka rafima soke uga,Nayeyare bemi mana'a yi baita yofa itenafi sonta nuraka'i a'a buwafi. Afo bemo manawayimo ofainayami ami sasakafanu. ⁸ Minugamifo jisasimi wa yenti intiru rayintei amonem intaga,Afo minugami mini waitamo ayanugam karereugam minisirem sasamika,''Emi watanasi yiwanapike itabu'', afo mini ayam karere waita intarem yen yiwanapa itaga. ⁹ Jisasi yemi siyimika, yigem yintairare, kaga wayamano nayevesiganani sontaga'i wata yofaoteyanafu a'a umara yimefanu,wata yaum mara ayapa yofaofanu a;a e'afana umamarateye?. ¹⁰ Afo jisasimi yimonama yafurem mini ayam karere baita samem,''Ayam apusi'' simi bemi minurami ayamano yoroma atebuga. ¹¹ Minugami yemi yirakare ami sebeyebe uremi Jisasimi nayiga uwakafanu. ¹² Mana nurami jisasi augam mukiranti anufa uka. ayufupim agoyantemi gotipa augam mukewami maro sagaga. ¹³ Af0 sagami yarama beyi yogam waitayu ruwantuga, siyakare sifaka kambaita yarama ruwantugem yen yivi yimem seti yogam baita yuge siga. ¹⁴ Mini yogam baita yu yibi'i( Saimoni ena avi'i Pitave) nampa benafa awa Enturu,Jemsi,Joni,Firipi,Bataromio, ¹⁵ Matiyu, tomasi Jemsi Arafiusi anim,Simoni Siloti nantike. ¹⁶ Judasi jemsi anim,Judasi Iskerioti naem yem komarum baita kutanu moni mantem Jisasi namugo yiyapim dananiyi. ¹⁷ Afo naemi jisasimi beyi yogam waitayu nampa anufake kuka, afo kume agufa amuna inimbaita nampa beyi yogam baita nampa masidem Yuta, Yerusaremi inimbaita nampa mempe bunon awafa bafam inimbaita Taiya nampa saidoni mini kam magufake bayi. ¹⁸ Yemi jisasin ah intevem sim yenyi yi anene yofainoya.savi aiyo nampa wan inimbaita wa yofauga. ¹⁹ Masidem wata nasimi yeyantana Jisasi aneyogaranti emo nayeyarafi anona eranti bepimi yi waita yofainti bepimi wa, minewam yofauga. ²⁰ Jisasi beyi yogam waitayu yimonarem sem, ''Yimoyogo masidem anene bu ruke savi wariuganagoyi ,Inaru magumi sige yitave. ²¹ Yimoyogo magemo yaranto ewanayoyi,inaem yimudatem.Yimoyogo magemo ifidagewa nayoyi sagana iteve yiwagara inagom. ²² Amoyono watanasi emi umam amewaya savi waya sasakare emi yera anen uma enavi yivikare manta savi avi amiteye nayeyare wata aga anomose awakure wanami sefo. ²³ Mini nuram fawarina amoyeve rauntamanta eve awagara'u nayeyare emi fugasire anom meyam inarufa maranonam, yenyina'u yiga'o mayayiom umantana feyapa kasanampa waita yu yimiduka. ²⁴ Minugamifo sigunanati ofa watanasi amuna anene rukayi,Nayeyare a'i yegenti avogu cumanti wa afakaruka. ²⁵ Siguno mage yunam neve yimudage bayi, i'naem yara puginagone.Siguno mage yige ite wayi i'naem yigemi yigun anene mare ifidaganago. ²⁶ Eyi agun anenefina wa emo awogu waya sake waya.Yenyina'u yigao unam feyapa agare bugayi minure awogu wayamana muna kasanampa waita yuka siyikaga. ²⁷ Minugamifo semi yigemi siyimirare, Iyewafi intewano- no, Eyi namugo ayiakare awogu u'aka emose savi u'akanayoyi. ²⁸ Awa awa u'aka iyemose savi waya sirem siyafur'akananiyi, Minure augamukuyika emo saviuakanoyi. ²⁹ Eyewafi apa ikamina e'anam sefa apa ba ikami. Mana bayimo eni iyo sota marana, masidepa amina mara. ³⁰ Aneneyar intainayoyi. Mana bayi eni anene mantukagana bu owayege bu inta'ono e'ana marano. ³¹ Naye anta awuawa emo u'akaya, anona yemba minimana uyika. ³² Emo ayiakewana yom baita mana ayiyikate, E'intana Koti emi amoyuakatene?. ³³ Emo awogu antamana uwarake wananoyi yantana ewate, naye meyana minifike marateve?, Mam baiyawa bu intewa inim baita mayayom anta mana uwarevemo. ³⁴ Emo enomo eyi anene yimi dukana owayede simego intika'ana yime wate,naye anene minifike marateve?Minugamifo kumi inim baita wa mayayi'om anta mana evemo. ³⁵ Minugamifo yigeyi namugo ayirega awogu uyikago.Eno anene amewate owayege simino intika bu ameno,Mi'nite eni meyamano yakagatem, Minure'i yigemi mente yanafa urewugam Koti agafanta wanagom, Bemi benanao avogu anta uyikewa savi susuwa bu sem inim baita yu ba. ³⁶ Enomi anoni ure agunanti uwakano emose enafoe anoni urem agunanto uwakani ure. ³⁷ Enoni anta bu rayite bemi sima bu savi uwaka. M i'nina Kotimi em ba eni anta ba bu rayimatem. Eno yi kumi yirana Koti eni kumi ba aratem. ³⁸ Enaya Jisasi mani sem ,'' Anene eno yimina em ba Koti amitemi''. bemi emwa masirem anene itukara urem amitem ,magum akuntem dabubudem yukurewa nam ituge duanti nani magar urem yigem wa yiminani.Ite amiriga itewafo em ba mi'ni amiri ana item. ³⁹ Jisaimi beyi kato baita yu mana ikanim baya siyimika. ''Amakaga augam afakam waita mano ena augam afakam waita avigem bitene? Yeganto mi'nitem makantano masi yukuritentamo''. ⁴⁰ Mana kato waitamano bemi sisa bu yakaganani.Afo bemo siguru avogu urem u'nateremoemi amaka beyi sisa amakagi yunitem. ⁴¹ Na'iugaya eyafa awa augapeke sito asaya manta fasa akara eveve,Aka, en aukapem kauwasi afo waiya bu amona gake? ⁴² Afo en'auga peke anona asaya iteni ure enanao amonateve emi muna waita! ugami,Ananta enao eyauga peke asaya manta fasa demi, Emi sifativao yina enaugapake fayanta manta fasa akanuno sinonam. ⁴³ Awogu yamano savi agam bu iratem, afo savi ya mano awogu agam bu iratem. ⁴⁴ Mana mana ya mano agamano sasamem bemi avogu ya wafi a'a savi yave sitem. Wata nasi nan ya-agami avi yararem ya antagake bukiditemo, Afo avi yararem nakake ba ase yayagam bu kidinonam. ⁴⁵ Awogu waita mano awogu ara nampa awogu anene yu uwaratem, afo savi intim bagena waita mano savi ara nampa savi anene yu uwaratem. Naye anene wata auarapim itukananim mini waya mana awuntike fawaritem. ⁴⁶ ''Nayeyara sivi dare, 'Ano'na o, Ano'na o'; sevewa se suna waya intare bu awakurebeve. ⁴⁷ Masidem batanasi se waunafa yerave seta intare awakurinayoyi,Siyi menu bemi iyewafi iteniugam baita wafi . ⁴⁸ Bemi masi udem mempe mamem oka akeurem ma uwaram waita yi ugam.Nom saem susuwa inam mini ma' ba bu kaka nani, Nayeyare bemi ake ma'i onaroka uwantuka. ⁴⁹ Afo iyewafi seta interem bu awakuri naniyi,Bemi amaka mana waita mano amegaga magaga beyama uwaram waita amaka uga.Ano nom sai-em kumem mini ma kuma avekami, mini ma agimi kakem anakaga.