¹ Ayo aga ano Jisasi pimi itugam Jodeni nomi yera remi bemi. Ayo aga ano avigemi bemi asakaga magufa wata buwapai. ² Jisasi mi 40 a wa'bayam asakagam magufa wami wam mano makasem mini nurami mana yunam bun nem aranti wami. ³ Wan anomano sasamem semi Emo Goti agao wate mote, emi sinana mana omi ano wayedena bretiyi ino. ⁴ Jisasi mi be ami anona emi semi Gotini buku mano semi wata mano iwanti yuna ka i bu marevemi. ⁵ Naemi wan'anomano abigem Jisasi mi urem yan afa ugami mini ame'ama uremi agatem nom maga. ⁶ Wan anomano Jisasi mi sasamem semi ake'i amenami maside nomaga dafisino nam, mone nampa onta nampa mini yanta gui setitami iyenafi amira amete. ⁷ Minugafo agom yaum dadare semi monoi sisikate emi mini yanta i marano. ⁸ Ugami Jisasi be ami anona emi semi "Gotini buku mano semi" Emi eyi anona Gotini benagaga monoi sasaka.. ⁹ Wan anomano jisasi avigemi Jerusalemi maroma mono ma'ano yanafa nanamuka avigem untave enare siremi sasamemi semi, emi Goti aga wate mi daunte kumu. ¹⁰ Nayeyara Gotini buku mano semi, Bemi Ankeloyui yiyininami emi dafime soke inayo. ¹¹ Afo yemi yiyaka rauraya aufi'i oka bu akurinonam. ¹² Bemi sasamem,Jisasi sem,mi'ni siga Gotiamano sem eyi Goti buwa makaseno. ¹³ Wana nomano Jisasimi nesu nasu maka simifo nesu aiyimpi yera jisasimi aremi bemi. ¹⁴ Ayo aga anoni akekai Jisasimi Galili yeradem bemi maside wata anasi Galili waiyami intami Jisasimi yerademi yemi. ¹⁵ Afo bemi yiyimidemi yoyiviggem yenti mono mapimi wayami yiyimimi afo yemi ano avi'i amemo bemi. ¹⁶ Jisasi Nasareti bemi magumo bemo anoni ugam maguga afo Sabati gai bemi yenti mono naupai oma itavemi waya siranti. ¹⁷ Yemi amemo Asayani bukumi bemi daremi afakemi ara waya agantukami. ¹⁸ Anona manomi Aiyo Agai senampai bemi nayeyara Welimi Sinoka fetikaremi Gotini wayami yiyimeno yanti wata anasimose anene burukemo fawayi bemi sisi kemi kalabusifim wayimi bogoyanti yugamo afakayi yerademi amona temo, wata anasi mo umanto mare wayi fa bogo yanti, itemo enomano manta savi uyike wayimi. ¹⁹ Uremi sima fawaremi siyimemi anona mano soke uyikanani. ²⁰ Bukumi uyademi yerademi yimemi yera demi kumantemi masireyu mono mapimo wayimi aran amonari emo. ²¹ Bemi yenampa waya semi, magemi mana kanagao Anona manomi buku fimo wayimi amakagi itemi. ²² MAsideyumi anon avi amemo antu demo beme awogu wayayu o sinanti afo intaemo, manami Josepe agagafi a? ²³ Jisasi yiyimemi semi, "Fuga ugane yigemi intami watayui senanti sewai yigewai sei Yota iyemini manta ategano. Seyuya inta faunami aneneyuo Kapeniami afo emi mana yom anene eyi magufimi uwara. ²⁴ Ugami bemi semi, fuga ugami yigemi yiyimu mana profetimi buwa bemi wayami beni magu anta mano buyintemo. ²⁵ Ugami semi yigemi yiyimeu fuga Elaisani kanafimi nesu inimi oguregu, yenyi wafu fubugayimi Isaeli oguregu a'ose buremo kamore kirismasi mifo sigisia biyokai inona antaro fawaremi. ²⁶ Ugami Gotini Elaisami sasakami mana wata waka' i Israeli bu buga. Bemi buga Sarefate taonifai Sidoni mana inimi benawafu fubugayimi. ²⁷ Nesu watami Leprosi ai dukayi Israeli wage'emo Elaisani kanafim, manawai bu yen yiwanapake bu asofaga bumi. Namani Siria waita beyaga asofaga. ²⁸ Wata anasi mano mapimi wayimi mini waya intemi anoni uremi yirananti emo. ²⁹ Yemi itavemi Jisasi rifitima taunifikem mapa demi anuanapa yemi bemi raure itafira emo. ³⁰ Ugami yen yiwanapake yeraremi bovem. ³¹ Afo Jisasi anona taoni Kapeniami Galili distriki fimi, Koti ami agoyantemi siyime mi sabati nurakai. ³² Wata anasi beni waya interemi yinturemo nayeyarafi anona eranampa i semi. ³³ Mana waita mano mono naupa savi ayo aga nampa bem aramasem, ³⁴ Seyu emi nau akafanoyare, Nasaretike Jisasi'o? Senu sayeke simirara yewafo? Semi emi amonagau emi iyewafo - Mana atekam Koti aga. ³⁵ Jisasi mini savi ayoaga eram baya sasakem, ah buseno mini waita arano! Mini savi ayoaga ano wata yiwanapake mini waita rauma rufamagem yerarem bem umanti buamem!. ³⁶ Wata nasi mini amonaremi nesu waya semo yeyiranti, minimi iteniga ugam waya wafi? Bemi savi ayoaga sasamemi anon avi makayi yanta, eran dukam mini wata yera arano yanti. ³⁷ Jisasi ah mano simi mini aneneyo masidem magufa bugeyige uga. ³⁸ Jisasimi mono ma yerarem Saimoni mapa buga. Saimoni ainta mano auigam aianene dukam, Jisasi intaemo mini aianene amakayi uwakanoya. ³⁹ Jisasi ben adeka oravem mini aianene asem, Mini aianene arem binoya, minimi aianene yerarem bem. Mini inim mano ese'i itavem yenyi yunam ate yikaka. ⁴⁰ A'i kupegami, yi'e wam wata nasi nampa ena ena yianene dukayi yivige Jisasika yemo. Ayan yinoka dem yofa inoyanti. ⁴¹ Minimi Savi ayo mano yepikem yerarem bem.' Mini savi ayo mano manisire wademo," "Emi Kotin aga i banam!" Jisasi savi ayoaga yu yisidem sem ah busego, nayeyare bemi amonami Jisasi Koti agai. ⁴² Jisasi wanuram Tauni yerarem wata buwapa bem, Nesu wata anasi afakemo, yemo afakaremote bemi e'aram buvinoya, ⁴³ Minugamifo Jisasi ma'nisire yiyimem," Semi Koti nami maro yiyimira mana'a wata anasi yemba Semi, ma mini yogaka ye'u. ⁴⁴ Bemi masidem ayapa Judia bem Koti ami mono naupa yiyimem.