¹ Jisasimi bevemi mana ben anoe arappikem augam afakam waita amonem waita . ² Afo beni kato waita yu bemi intauruka, Sisa'o iye kumi ine, ben anoe afoe wafi, ben anoe afoe wafi, benanao kumi urana augam afakene?'' ³ Jisasimi yeradem siyimem,bena noe afoe nampa mini waita kumi buyuga, ugamifo Kotini yogan tanomi bekai fakagi ino yanti. ⁴ Seyu yami omare yana mini waita manoni yoganti mara fano, iyewa semi sisi kaka yige gafu, saganti wana nika, ayufumi yina yami yoganti bu mara teyane. ⁵ Semi mana magaga watei, magagakena omi wateu.'' ⁶ Me'e mini wayami siremi naemi, bemi kanti biremi me'e magagai afo magami manta yoyi uremi, afo mare gemi maga yomi augakai magene. ⁷ Jisasimi bemi sasa memi, "Emi bewa me'e Siloami nom baru pimi maro manti fegano" (beni waye ganti 'Sasa kene'). Minimi afo mini waita manomi maro manti fedemi afo owa yegemi yemi afo augami amona tene. ⁸ Afo beni wata yuge, afo yeve enowai bemi amona rukam waita ve, me'e bemi mone kanti yintae wayi ve yemi, yemi seye, "Amaka mana mini waita mino kumakem bemo mone kanti me'e watayu ganto yinta e'e nimi. ⁹ Mana'a manomi semi, "Bemino, afo mana'a manomi semi, "Bumino," Bemi bekana ugane, ugamifo bemi yemi yiyimene, "Minimi semuno." ¹⁰ Afo yemi benanti mani semi, "Afo enaugami iteni urena diyene?" ¹¹ Afo bemi mani siremi sene, "Mini waita yemi Jisasine sewayi, bemi magami fakaremi yoyi uremi afo sugakai magemi afo sisikemi, "Bewa afo Siloami nom barupimi fegano! Sirai afo semi maro manti fedei sugami yeradei amonege." ¹² Afo yemi benanti mini'i sire seye, "Itepaga bemi bene?" Afo bemi sene, "Semi amone inte buyege." ¹³ Yemi mini augam afakam waitami abigemi me'e Farisi yuka buga. ¹⁴ Mini nurami Sabatikai Jisasimi magami manta yoyi uremi afo ben augami ria kene. ¹⁵ Yeve Farisi yui bemi yera demi intaemi iteni urewa augami amoneve. Afo bemi yemi mini siremi yiyimene, "Bemi maga yomi me'e sugakai aga parukane, afo semi nomi fedei afo semi magemi amakai sugami amonevege." ¹⁶ Farisi yui mana'a manomi seye, "Mana waita mi me'e Koti pakemi buyi kene, me'e naye yare bemi omaremi Sabati nuram mano lomi bu avakure vene," Eno yuanomi seye, "Iteni urena amaka kumi waita manomi mana mini'i anta yui intene?" Mini mi sefo yemi me'e kanti mi dayime ye. ¹⁷ Afo yemi augami afakam waita mi yeradem inta eye ena wai, "Amaka emi mini waita yanti nayeve siteve, naye yare bemi ena augami dirukene?" Afo augami afakam waita manomi semi, "Bemi mana profetive." ¹⁸ Ugamifo Juda yui yemi ama kukumi bu eye me'e mini waita manoni wayami, beni augami afakami wage ene, bemi augami omaremi amonami me'e mini nura mana mi yemi afoe anoe mi yara mageye. ¹⁹ Afo yemi afoe anoemi mini siremi yintaeye, manami yigen yigage, mini yige kanto sentami, bemi augami afakami mini nurami anoemi madu kane?" Afo bemi naugana magemi beni augami yeradem amonevene. ²⁰ Benanafo man'nisire siga, '' seganti amone inte ugauntave, segan siga ino, benano'e arapikem augam afakam maduka. ²¹ Inteni urena augami yeradem amonenafi, Seganti amone inte buyekare iye ben augam diakenafi. Yigemi bena'o inta ina bena'o yigem yiyimino. ²² Ben anafo mi'nisire siga, nayeyara Judayu yago fegevege. Nayeyare Judayu a'i ami sire antauruka. Mana bayi Jisasi nanti Ano'nave sire sitemi mono mapikem sasakama mapa datemono. . ²³ Minugami ben afoe ya anoe sentami, "Bemi anom waita mino, yigena'o bemi inta ogo. ²⁴ Minugami enayaba augam afakam waita ararem ma'nisiren siga, "Kotin avi yani ono, seyuyami amone inte ugafunave, mini waitami kumi waitami bem." ²⁵ Afo mini waita ma'ni sirem yiyimem. '' Kumi ewam waita wafi buve, mini amone inte buyege. Mana anene amone intagaunami ma'nuga. Mana nuram sugam kafaka wage'e, mage sugam amone'u. ²⁶ Bemi manisire sasa miduga, "Bemi naye yiga emi uakane? Iteni urena eni augam afakami diakene?" ²⁷ Afo bemi semi, "yigemi a'i yiyimi dukauna mifo yigemi buyinte wane. Naugaga enayawa intarantege? Yigewaga beni kato waita irantege? Bemi ararem manisiga. ²⁸ " Emi beni kato waita ve, ugamifo seyuyami mosesini kato waita wafau. ²⁹ Seyuya amone inteya ofunami Kotimi Mosesi nampa asiga, afo mini waitami iteaken yigenafi . ³⁰ Afo mini waita yemi manisirem yiyimiduka, "Mini waya ena ugam wayami. ³¹ Seyu yami intafano, Kotimi Kumi waita yuyi yami buyintevemino, ugamifo mana waita mono intewayi Kotimi benamana intatemi. ³² Me'e mini nurami inaruwa maga fawarimi, bua mana waita mano intaruka mana waita anoen arapike augam kafakam waita augam riyemi. ³³ Afo mini waita mano Kotipa bu yinami,minugami mana anene bu uwaratemi. ³⁴ Afo bemi mani siremi bemi sasa meye, "Emi me'e kumi awa napikemi fawa ruke emi magemi omarewa senu yami sisi mirare?" Afo yemi mono naupa kemi sasa karuka. ³⁵ Jisasimi minuremi intami me'e bemi mono naupakemi sasa keye, afo bemi afa karemi bemi afo mini siremi bemi sasa mene, "Emi wata aga anokai amakukumi eveve?" ³⁶ Afo bemi sene, anona, wata agai bemi iyewa bene, afo semi bemi ama kukumi otege? ³⁷ Afo Jisasimi mini siremi bemi sasa mene, emi ai wafai bemi amona rukane mi afo mini waita amno mi magemi eremi waya sevene." ³⁸ Afo mini waita mano mi sene, "Anona, semi sima kukumi ege," Afo bemi me'e bekai ama kukumi ene. ³⁹ Afo Jisasimi sene, semi mana magafimi yunave me'eanasi wata yui dayintei iyenyuga omaremi bu amone veye, yemi amakai amonateye afo yeve waita anasi yui amone wayeve amaka yemi yugami afa bitene." ⁴⁰ Afo mana'a Farisi yui ben nampa wage'e oyive bemi mini waya intaremi, afo yemi mini siremi bemi intaeye, "Senu waka sugami kafakene?" ⁴¹ Afo Jisasimi yemi mini siremi yiyimene, "Imifo yigemi yugami kafaka nai watege, amaka yigemi kumi burukane. Ugamifo yigemi magemi sei, "Seyu yami amakai amone veyane, "Minu gami sefo yigenti kumi'i watene."