¹ Jisasi Olivi anuga untavemi ² nurapa mono mapim orade yimi maside watanasi yemono. Kumantuge bem baya yiyimem. ³ Lo manoni intim waita yu nampa Farisi yu mana inim avige yemo famuku anta urami. Avige a'wanapim mare ruka. ⁴ Manisire siga, "Tisa o mana inim famuku anta urukafo. ⁵ Mage lofimi Mosesi sem mi'newam watanasi onako yiruma fugogo siga. Mana inin nanti nayebe site'yare? ⁶ Mini baya semo Jisasi naye waya sitenafi maka'de ariranti intaemo, ugamifo Jisasi karantem magaga afauti agantuka. ⁷ Miniga inta ewami itavem yiyimem, "Yigen yiwanapim mana kumi iyewam waita bate enare om mante bewapa intafono." ⁸ Enaba karante magaga ayanako agarem. ⁹ Mini baya intare mana mana emono ano aita kakem. Jisasi beya'o mini inin nampa are buga, ¹⁰ a'wanapim Jisasi itarem mini inin sasamem, "Anasi o arira uyuge bam ininwaita nafaga beye?" Mini inim mano sem, " ¹¹ Manabayi iwane ano'na o." Jisasi sem, " A'i eni kumi are upo bewa kumi buyono. ¹² Jisasi wata anasi yiyimemi yeradem, ami semi, semi mana maga manoni omuno, iyemo wata siwakuri naniyimi, bemi kumayupimi buwatem, ugami bemi beyi nintimi omi maga temi. ¹³ Afo Farisiyu Jisasimi sasamemi ma'ni siga, emi eyarantina sewanami, ugami eni waya buategewa. ¹⁴ Afo Jisasi yenyi waya anonaemi mani siga, yigemi se'i seyaranti waya sewau, ugami seti wayami fugami. Semi intarukau itepake yebegafu afo itepake wotegafu. ¹⁵ Afo yigemi bu intaga, itepake yebega afo itepaga wotegafo. Yigemi watayu rayimewa rayimaka rayimewa ugami semi wata rayimaka buyigau. ¹⁶ Ugamfo semo wata rayimanami seti rayimantano ategatemi, nayeyara semi seyaga buwau seti fo'e nampa wau, iyemose sisika'ose yuna nampa wau. ¹⁷ Yigenti lofimi ma'nisire agantuka, kam waita kantano manayom baya site mini fuga bayamino. ¹⁸ Afo seyaga'i seyaranti sima fa'wareau. Afo setifo'e semi sisikayimi beyaga'i semi sima fa'waritemi. ¹⁹ Afo yemi bemi intaemo, enafoemi itepaga bene? Afo Jisasi waya anona emi semi, yigemi semi bu intagege afo setifo'e bu intagege. Semo simonage'i setifo'e wa'i amonagami. ²⁰ Jisasi mini waya semi watanasi mono maguga mono magewa bogise anapa'i yiyimiduka. Afo mana waita mano bu fakaruka nayeyare beni kanami buyiga. ²¹ Yewayegem yiyimem, "A'i semi bego enaba busimonanagom. Yigenti kumi fa bagana fuginagom. Se bonuna magufim bubinagom. ²² Judayui semi, benana'o aritemi? Ugami bemi mani semi itepao bonunafai bubinago? ²³ Jisasi ma'nisiren yiyimem, " Yigemi magafikena bamino, afo semi yanafakenami be. Yigemi mana magagakena bami semi mana magagakena ibe'u. ²⁴ Minugai semi se'i, yigeyi kumipimi fuginagom, Kotimi waya siyikatem minimi fa'waritemi yigemo sekao yimakuku buite'o Kotimino busite'i. ²⁵ Yewayege inta emono, "Emi iyeba beve?" Jisasi sem, "Nayebe sire a'nantapa yiyimuna wafi. ²⁶ Semi nesu wayami yiyimiranti dukau yigenti waya rayimaranti dukauafo semo sisika wata manomi fuga ugami, naye waya yiyimewaumini fuga ugam. ²⁷ Afo yemi buintemo Jisasimi waya benafo'e nanti semi. ²⁸ Jisasi enawa mani sem yigemo wata agao yani ite'i, yigemi intago semi Kotimo afo sesi yogari bu urukau. Naiyeyantao setifoe sigatimi, semi mini yantaganti sewau. ²⁹ Iyemo watamo semose sikayimi senampa'i bemi, bemi semi yerama bu sira'i seyaga'i bu wau masidem nuramo semo una anta mano bemi amo ebem. ³⁰ Afo mini yanta ganto ami sewami nesu wata nasi yerave beka'i yimakukun uga. ³¹ Jisasi yiyimemi Juda akumo beka yimakuku ewayimi. ³² Afo yigemi fuga waya intaga fuga wayamo yigemi manta soke'i uyikatem. ³³ Afo yemi benami anona emi semi seyu'yami Abrahamini aga anawasim be'yamofau, mi'nugayami mana waitayi yogam wata bubeyam afo naugayawa mi'ni sewa fuga waya mano manta awogu uyikatene? ³⁴ Jisasi ma'nisiren yiyimwm, "Fugasire yiyimege, kumi ewanu kumi anoni yogam waita bemono. ³⁵ Yogam wait mano naupa ana ivem, wata aga ano mini naupa maside nuram batem. ³⁶ Minugami, wata aga ano kumi arana kumi anoni yogam waita iwano. ³⁷ Intaunami Abrahami aufa bami, semi sirira ananti afakewam. Yigepim ami suna manabayi ba amakukun iyem. ³⁸ Yigen yifo'e wapakem intaruka mana ewam. ³⁹ 39 Yemi waya anona uremi sasamemo, Abrahami seyuya sifoemi, afo Jisasi manisiremi yemi yiyimemi, yigemo Abrahami agaguo watei, yigemi amaka Abrahamui yoganti yogari ugami. ⁴⁰ 40 Ugami yigemi siriranti ami afakewami, nayeyare semi yigemi fuga wayami yiyimeu nayemo Kotipake intaunami, Abrahamu mini bu uruka. ⁴¹ 41 Yigemi yige yifoeni yogari ewami, afo yigemi Jisasimi sasamemo, seyuya sinoemi famuku uremi seyuya bu maduka, bumi seyuya mana samanami sesi foemi makasiwau, bemi Kotimi. ⁴² Jisasi ma'nisiren yiymem," Koti yigen yifo'e batem semi ayinagom, nayeyara Kotipakemi yigege. ⁴³ Naugaya setami buyintevege? ⁴⁴ Setami buyinte wami wanannom agafanta bami beni anta mana ewami. Wata yiruma fuge wam waita bam, wafa fuga bayaba isewayim. Made baya muna ana sirem beni muna anta yuka sitem, nayeyara bemi muna waita ano afo'emi bem. ⁴⁵ Nayeyara fuga baya sunami yige yimakukun iyuga. ⁴⁶ Yigepikem iye senanti kumi ewene? Semose fuga baya site, naugaya yimakukun iyege? ⁴⁷ Iye Kotin adeka bayi Kotina intevemi. Yige bena buyintaga nayeyara benampa buwa. ⁴⁸ Juda yu bena intare manisre siga, "Emi Samaria waita bemi savi avamu epim bem?" ⁴⁹ Jisasi ma'nisiren yiyimem, "Savi avamu irukau, seti fo'e amenapa be'i afo yige setifo'e ni wayami romugewami. ⁵⁰ Sesi anon avi bu afakeve, mana'a bayim bem afakarem rayimatem. ⁵¹ Fugabe, Mana bayi sem awakuritem fuginti bu amonatem. ⁵² Juda yu se, "Mage intafaunami emi savi avamu rukanami, Abrahami nampa kasanampa waita fubugapim sewanamino." Iyewafi seta awakuritem fuginti bui amonatem." ⁵³ Emi senu tifo'e Abrahamu fubugayim ba bu yakaga?" Kasanampa waita yu ba fuge wafo emi item waita ba bewafo?" ⁵⁴ Jisasi semi, anona sivio simitei sti sivi ano fayantagi itemi. Seti foemi bayagai anona sivi i simewa minimi yigemi sei seyuyani Kotimi. ⁵⁵ Emi bemi bu amonaga namino, semi ben amonage. Semose se bu amonanagone site, mini semi yigem yimaka bate, muna waita . ⁵⁶ Abrahamu simonarem anon amoem. ⁵⁷ Juda yu sasamem, "Emi 50'a orante bumantuke Abrahami amoneve? ⁵⁸ Jisasi ma'nisire yiyimiduka,"Fugabe, wafa Abrahami iwa'i semi bage'e. ⁵⁹ Om mante bewapa intafira omi Jisasi ayofem, mono naupakem mapa asebem.