¹ Mini manomi anepa; Jisasi mi me'e Galili mini fa'i yaku emi no'ene. Bemi me'e Judia mini awafa bubintene, naye yare yemi Juda yui bemi arumanti fuki nayonanti sefo. ² Mini nurami Anona nuramino me'e yewa Juda yu'o omaremi mono waiya mi fakanayomi,nayeyara yemose Israeli nobemo iyom mapimose wage eyonati. ³ Benafa awa Jisasinati semi, "Mana magu yerare Judia emi binana eni kato waita yemi eni awogu yoganti amonago. ⁴ Mana waitamano bemi mana anene uwante bu ayofatem.bube.bemose watanasi amonagoyanti fakai uwataga tem ⁵ Afo Jisasi afa awami yemi benami bu awakutuka. ⁶ Minu gamise Jisasimi yemi yiyime, seti nurami bu fawa rukane,afo maside nurami yigeyi kanamino. ⁷ Mana maga fike inim waita emi namugoyi bu uakatemo afo.Semi namugoyi usikewane nayeyara semi yenti sabi antami sima faka rewanamise. ⁸ Masidem yigemi wogo meamose ano duwantu rotumose magewapa.Semi mini ano duwantu monopai buwonuno.nayeyare seti kanami buyikane. ⁹ Minisirem yemi mini waya sirami womi afo Jisasimi ifadem Gariri bemi wage em. ¹⁰ Jisasi afa awa yenare ano duwantu monopa ukami afo Jisasimi sadagem yen yineka ayofantem uka. ¹¹ Judayu ano duwantu monopaJisasimi afakebe semi, "Mini waitami itepaga bene siga?" ¹² Amuna waitanasi bemi yeyiwanapa Jisasinati amuna waya siga. mana amano semi "bemi awogu waita mino siga." Mana amano semi "bube bemi watanasi kusai yime wayimino." ¹³ Afo Jisasinati mana waita mano sima faka burukane nayeyara Judayu yago fedemise. ¹⁴ Anom mono anoni duwantiti maro awanakagi ikai.Jisasimi mini mono naupa upebe afo bemi agoyantem watanasi amam waya siyi miduka. ¹⁵ Manisiga Judayu yeyaranti sepimi . "Iteni urena mana waitamano masidem amonagene?Bemi itim marewa pim bubugayimino." ¹⁶ Jisasi manisirem yemose sem wayami siyimiduka. "Semose amose yigemo siyimuna bayami minimi setitawaye .bube iyewafi semo sisika ose yuna waita mano benitamino. ¹⁷ Afo mana waita mano fuga sirem.Kotini ayintose awakuriranti afo bemi mini wayamanoni anui intama soke urena ino.Kotipake mini waya yenafi a a mini wayami sesi intikaga sebegafu. ¹⁸ Item waita mano be yarantose sinanim,mini beyabe,i marem yani ebemi sitem .Afo item waita manowafi bemose sakanam yinanim waita abi ose manta yani itemi,mini waitami bemi ateka waitamino nayeyara bepimi muna anta bubemi. ¹⁹ Mosesimi yigemi romi bu yimi dukatenafi? Mana bayi yigepike mini romi awakure wapo?Naye yara yigemi semi siruma fukiri ebege?" ²⁰ Afo watanasi benaga,i manisere siga,"Emi sabi awamu,i eyarapemi rukanonami,Item waita mano emi aruma fugira ugayabe? ²¹ Jisasimi yemose siram wayaga,i manisirem yenati siga,"Semi mana yoganti manta fawa rurana i,afo yigemi masidem amuna waya siga. ²² Afo Mosesimi yigemi yimidukane watayu yumose akefanti[Mini antami Mosesi pikena faware naye bube,minimi be aufa ano pikemino] afo yigewa i yaganewam nurawa[Sabati] yigemi iya oruyi yumi akefewamino. ²³ Afo mana waita mano Sabati nuramo be yau aratamose akefewami,afo minimi Mosesini romi bu romuge benafi,naye yara yigemi semi ara anene simebege semose Sabati nuramose ai waita ofa unayanti? ²⁴ Wata bemi auga nako amonebe bu dayi mano,afo yigemi sadage beni ateka anta amonarega bemi dayimago" ²⁵ Mana'a Jerusalemike watanasi semi,Manami mini waita mino siga,yemose aruma fugirantose ugami,a? ²⁶ Amonago, bemi amaka ase wami afo yemi watayu manawayiwa benati ami busiga.Naye yara ano waitayu yemose intami mini waitami,bemi Kraistimi? ²⁷ Bemose yiga magumi seyuya intagafu.afo mae Kraisti yinanimi ,mana waita manowa buyinta tene ite akena yitenafi." ²⁸ Jisasimi arawoka uremi mono naupa,i mono wayami siyimebe semi,"Eyo, yigemi seti mayo magumi inta gane.Minuga mifo sesi ayi kaga semi yigegaye.Wata iyewafi semo sisikami ,beni antami fugasiga.Afo yigemi bemi wamonaga. ²⁹ Eyo semi bemi amonagu nayeyara,bepakemi semi yigau.bemi semi sisika,i yigau." ³⁰ Afo mini waya sinanti yemi bemi fakare anta ira siga,afo minisire mana waita manowa be age,i ayami buruka nayeyara beni kanami buyi gamise. ³¹ Amuna watanasi bepimi yimakukun ebemi,yemi semi ,"Afo bemo Kraisti yinami bemi be rara aneneyu fawarinami mini waita bemi yakagatem?" ³² Yemi Farisiyu intami watanasi yemi Jisasinati ami sewami,afo yino watayu yemi Farasiyunapa ruwantu ubemi mono maka ose anari ugayi, siyikami bemi fakara buga. ³³ Afo Jisasi semi,"Sito kanami yigenapa watege,afo semiyewayege be wapa wotege,iyewafi semose sisika ose yigauno wapa. ³⁴ Yigemi semi sifakanago mifo yigemi semi bu simonana gomino,afo semi itepaga wotegafu ,yigewa minifa,i bubinagone." ³⁵ Judayu manisiga ye yiwanapa ami sepikemi,"Mana waitami itepaga binayara bemi wamonateyare?Nayeyara bemi me,e Grikiyu napa obemi yemi amami yimitem minifa? ³⁶ Mini waya manoni anu,i nayewafi,"Yigemi semi sifakanagone afo yigemi semi bu simonanagone?Magumose semo wonunafa,i yigemi bubinagone?" ³⁷ Afo arafa ano duwanti tanoni awanapa,Jisasimi itabemi ara woka urem semi,"Afo mana waita mano bemo nonatose ayewaganam ,eanam bemi se wapa yena nomi nano. ³⁸ Item waita seka ose amakuku itemi,me,e Goti amano sigani urem."Aumose yimewa nomi me,e be arapike yitemi. ³⁹ Jisasi mose mini wayamose simi me.e Aiyo agaganti siga,yemo item watanasi Gotika ose yemo inta nayoyi maratemo.Aiyo agai buyigemi,nayeyara Jisasimi ano abi,i bu mantukamise. ⁴⁰ Yemi Jisasi sewa wayafim intemi ,mana,a semi watanasi,"Fuga ugane manami mana kasanapa waitamino. ⁴¹ Mana,a akumano semi,"Mana waitami bemi Kraisti mino."Afo mana amano semi,"Beni iteni urena owayegena Garirike yitene? ⁴² Fugasirem Goti amano sima faka burukenafi Kraisi Devitin akupike fawarinanim ,me,e Betriemi,Devitini anom magu?" ⁴³ Jisasimi anene uwa ranati watanasi amuna intiti maremi yeyaranti rayika. ⁴⁴ Yepike mana amano yemi Jisasi fakara uga,minopike mana waita manowa be age,i ayami buruka. ⁴⁵ Miniga rafisim waitayu ano wataga yerabemi yemi Farasiyu afo yemi yintaruka watanasi,"Nayeyara bemi abige buyene? ⁴⁶ Afo rafisim waitayu manisire yemi siyi miduka,"Mana waita mano bemose sewante ami busewane bube," ⁴⁷ Afo Farasiyu yen yami mani sire siyimika."Magemi yige wai beni munapimi a,i rufamomino?" ⁴⁸ Yepike ano waitayu napa Farasiyu yemi beka,i amakuku buyuga? ⁴⁹ Eyo yemo mana,a watanasi iyemo romose bu sabe ugayimi,yemi anakagapim wane." ⁵⁰ Nikodimasimi (bemi mana waitamino wafa Jisasimi amonaruka waitami)bemi yemi siyimem, ⁵¹ "Eyo,senuti romano manisiga,seyuya amakaga mana waita ko,i sakateyare.seyuyamo bemose naye yogarafi uware wakanaya?" ⁵² Afo yemi benati manisire siga,"Emi Galilikenobe,a?Yantama soke ono Goti ami,nayeyara mana kasanapa waita Galilike buyitem," ⁵³ Afo mini nuramanami masidem wata yeyimapa buge yige uga.