¹ Mini anene manomi anepa, Jisasimi bene me'e Galili warun non awafa, ena avi remi Tiberiasi bun none. ² Anon inim waita bemi aneka awakure buga, nayeyare yemi amonewami Jisasimi yi makam waita manta soke uyikem. ³ Afo Jisasimi beyi yogam waitayu nampa anuga maru kumantemo. ⁴ Pesowani Anom Nuram ba afo Judayuyi anom yunam nanti adeka yemi. ⁵ Minigai Jisasimi yimone wami, anom inim awai bekai yiri ana ewami, afo bemi sasamene Filipimi, "Amaka seyui itepakena breti yui aiya ureya, afo mana mini inim waita yui omareya yimefana nanteye?" ⁶ Jisasi ve, maka sim wayami Filipimi intaene, ugamifo bemi amone inte ugane, amaka bemi naye anta omaremi inananimi. ⁷ Afo Filipimi mini siremi ben ami yewayegem sasamemi , "Amaka kar unam silva agam nako ayaofanunami mana mana yiminti amakagi iyitene amakagi iyitene mana wayi ." ⁸ Disaipoli yupikem mana wayive, Andru, Saimon, Pitami ben awa'eve Jisasimi sasamene manisiremi ⁹ "Sana sito iyaon tanomi manami faipia bretimi rukene, yemi witi agakai bayere uwantukane, afo noyai kare. Nesu inim waitami wane, afo mana mini yuna manomi senu yami iteni urena sofai itene?" ¹⁰ Jisasimi semi, "Yiyi minaya anasi waita yui kumantogo", (nesu asaya yui wane miniga). Minimi afo anasi waita yui kumanteye, yemi madepa faip tausenia . ¹¹ Jisasimi mini bretimi mantemi afo Kotimi susu sasa karemi, afo manta wata anasi kumakayimi yimemi bene, naemi noya wai manta miniga remi afo yimemi bene, afo yemi amuna rukemi neye. ¹² A'i yemi narami yimudemi, Jisasimi beyi yogam waita yui yemi yiyimemi, "Manta naram akan akan breti yui manafini dago, fafim bapo ." ¹³ Jisasini yogam waitayu 12 fia unami utugemo 5 pia ne ram breti, afo tuelufu'a unami yukuru umakeye, me'e faipia breti manoni akam akanui, yemi wata yui ai narami afo yemi yimurami afo mana'ami fami wage'em. ¹⁴ Yemi wata anasiyu amonami bemi mini mirakoli uwarami yemi semi; '' Fuga ugane, bemi mana mini profeti iyewafi mana magaga yinaniyi.'' ¹⁵ Mini nurami Jisasimi amonem item emi wata anasi bemi ye fakare ayafauremi afo eram baya siremi manta yenti kini itemo, minugami bemi yera yiremi beyao anufa urem. ¹⁶ Amaka enakai Jisasini yogam waitayu non anapa kumomi. ¹⁷ Yemi ukumantuve mana kanufim afo bemo mea awafa Kaperneam.[ Magumi kumayunagami Jisasi ye waka buyigage'em] . ¹⁸ Mini nuram manami ake uwa yimi, afo bunonamo mi itavuga. ¹⁹ Jisasini yogam waitayu rifite bemo 5 pia wafi 6sia kilo mitaga, yemi amonami Jisasi non amuga airem yem adeka yemo bam kanu waka, afo yemi fegemo ²⁰ Ugamifo, Jisasimi yemi yiyi mene, "Minimi semuno! Yigemi bu fegago." ²¹ Afo yemi beni yogam waitayu bemi aviege yenti kanufim dami, afo ameurem kanu mano birare sim magufa bemi. ²² Me'e ena nurami, wata anasi yui miniga intamakemi buno nomanomi me'an awafai wami. Afo amonewami mana kanu Jisasini yogam waitayu buga, Jisasi yenampa iwuga, afo beni yogam waitayu ana buga. ²³ [ Afo mana'a kanu yu Tiberiasike yemi mini magu Anonamano breti yanti susuve sirapaya narukapa.] ²⁴ Wata anasi yui intami Jisasimi beyi disaipoli yu nampa me'e minifai wami, afo yemi boti yupimi raunta vevemi Jisasimi afakarantemi Kapenaumi bugane. ²⁵ Naemi yemi maro bemi afakemo nomano mea awafa, afo yemi bemi sasamemi, '' Sisao, naye nurana managa yenave?'' ²⁶ Afo Jisasimi yen yami mini siremi yewayegem yiyimene, "Fuga ugane, yigemi semi sifakeo yewane, anene yuo uwarewuna nayuga amonarara yewanaye, minugamifo semi eana anta yuga amonaranta yevege, ugamifo yigemi breti narami yimudaga. ²⁷ Yigemi me'e savi inanin yunanui buyogago. Ugamifo yigemi aumi masidem nuram yimi nanim mini yunam. Miyim yunam Wata Aga'ano sigem yiminani, naye yara Anona Koti eranti bemi amiduka. ²⁸ Afo yemi Jisasimi mini siremi sasamemo, "Seyui iteni ureyana afo Kotini yoganti seyui yogate yane?" ²⁹ Jisasimi yen yami mini siremi yen yiyimene, "Kotini yoganti minugene, Kotimi iyena dana yigene me'e mini waita gaga amakukumi ono. ³⁰ Afo yemi bemi sasameye, "Naye anene yuo afo yogaru emi ina yana amaka seyui emi amakukumi oteyane? Amaka emi naiteve? ³¹ Senuti sinau sifoe unami yemi mana yui narukane me'e asam magufimi, minimi a'i Kotini yaufimi aka gane, yofoemi Inarufakem bretimi yimirami narukane."' ³² Afo Jisasimi yenti waya yui yemi yiyimene, "Fuga ugane, Mosesimi yigemi Inaru fakemi kukam breti buyimene, ugamifo senu sifoemi fuga breti me'e Inaru fakemi kukami yigemi yimene. ³³ Kotini breti manomi inaru demi afo kumemi, aumi yimirantemi me'e masirem mana magafim wata anasi yu." ³⁴ Afo yemi mini siremi bemi sasa meye, "Anom waitao, emi mare nurami seyuyami mini bretimi yimi ri ana ono." ³⁵ Afo Jisasi yemi yiyimemi, "Semi senaomi, semi aumaram bretive, iyewa sepa yinaniyi anti iratene, afo iye emi sepimi amakukumi item, bemi amaka nonanti ameragomi bu asakatene. ³⁶ Ugamifo semi yigenanti mi'ni sire yiyimege, yigemi semi simoneve, afo yigemi amakukumi bu ewane sepimi. ³⁷ Masiden wata anasi iyenuo seti foemi semi simirukanu, yemi sepai yiteye, afo item waita manowa emi sepai yiteve, amaka semi fuga sire bu sasa katege. ³⁸ Afo semi mente Inaru fakemi kukege, seti aiyika bu awakurirare, ugamifo semi setifoeni aiyika awakuro tege me'e iyemo semi sikao yigauna. ³⁹ Afo mana minimi setifoeni aiyintino, iyemo semi sisikama remo rafiseno, me'e masidem wata anasi yui bemo amonemo semi simi rukanui, semi amaka semi wata anasi fikemi mana wayimi buraratege, ugamifo me'e arafa nurami semi yemi inta yikatege. ⁴⁰ Minimi setifoeni aiyintino, minugami masidem wata anasi iye iyaontanom amone bepim yima kukum ewayi, yemi marateye awogu ure masidem nuram bam aumi,afo semi yemi yiwau rotege naemi inaru wa maga arafa. ⁴¹ Naemi yemi Juda yui yenti anom waita yuge Jisasini waya yanti asuveye, nayeyara bemi semi, semi me'e mini breti Inaru fakemi kukaunave. ⁴² Anom waita yui yemi seye. Minimi Jisasive, Josepimi agage, benanoe afo ai seyui amone inte uga funa, bemi afo naugana bemi sena, semi Inaru dei kumege?" ⁴³ Jisasimi yen yami mini siremi yemi yiyimene, "Yigemi yigen yiranti yiruvim bayami yigen yiwanapai bu sego. ⁴⁴ Mana waita mano emi amaka sepai buyinonane, ugamifo setifoemi iyemo semi sisikao yigau noyive, bemi avi manti sepa ratene, afo naemi arafa nurami semi masipikemi bemi ita'akatege. ⁴⁵ Profeti yui yemi wayami agantemi mi'ni sigane, Kotimi masidem wata anasi intim yimitene. Masidem wata anasi iyemo setifoeni waya itewayi sepa yiteye. ⁴⁶ Mana waita mano wa setifoemi bu amonaga nane, ive fuga. Ugamifo item waita Kotipa yigayi beyaomi amonaga setifoemi. ⁴⁷ Fuga ugane, wata mano emi iyewa sepimi amakukumi iteve, bemi maden nurami awogu uremi wananim aumi rukene. ⁴⁸ Semuno aumaram bretimi. ⁴⁹ Ugamifo yigem yinau yifoe unami manami naremi me'e asam magufimi yemi fukane. ⁵⁰ Mini bretimi me'e inaru fakemi kukene, minugami wata mano amakai mana'a naremi afo bemi bu fugitem. ⁵¹ Semi mini bretive me'e aumi yimi nanimi Inaru fakemi kukaunave. Amaka mana waita mano minifikem mana'a breti natemi bemi masidem nuram watene . Mini breti yime nunave mini seti sumino, mana maga fikena inim waita yui aumi mara goyare. ⁵² Juda yui yirakami yeyi ranti yisuwepaya, afo mani semo, ''iteni urena mana waita mano beyi aumi simi naya nateyare?'' . ⁵³ Afo Jisasimi mini siremi yemi yiyimemi, "Fuga ugane, afo yigemo wata aga anomi aumi bune afo beni nare bu natei, sigemi iyaka bam aumi bu maranagone. ⁵⁴ Iyewafi seti auwa seti nare nana niyi bemi iyaka bam aumi magatene, afo , semi bemi itaratege naemi inaru wa maga kipa nanika. ⁵⁵ Afo seti sumi yuna ugane, afo seti naremi nan non ugane. ⁵⁶ Afo seti sumi yunam ugami, afo seti naremi awogu nan nomi.Item waita mano seti su nemi afo seti nare nemi, bemi sepim bami semi bepim baunave. ⁵⁷ Setifoe aum makem bemi semi sisikai semi su mante bege setifoeni eraka,minugami wata mano seti su natemi, bewai aum matem watemi seti eraka. ⁵⁸ Mana breti inarufake kumem, mini bretiwa senuti sinau sigao nare fuka naye.Iitem waitamano mana breti nemi masidem nuram watene. ⁵⁹ Jisasimi mini anene yanti amonemi sirukane me'e mono naupai, bemi mini nurami wata anasi yui yiyimi rukane me'e Kapenaumi. ^{61 60} Afo nesui Jisasini yogam waita yu mini yanti intaremi semi,'' mana mini waya mano senui sigatemi, mini umanti remi, iyewa amaka itatene?'' Naye yara Jisasi amonem intemi beni yogam waitayu mana waya yanti yisuwomi ,''afo bemi yemi yiyimemi, amaka mana waya mano sigenti yirai anakae vene,a?" ⁶² Ugamifo naugene, yigemi amone wami wata aga anomi uremi mente wafai wage'enim maguga umba kanai? ⁶³ Aiyo aga manomi aumi yimevene. Ugamifo aumano aumi buamitene. Waya yuo semo yigemo yiyime waunave minimi Aiyo agai afo bemi yigemi aumi yimitene. ⁶⁴ Ugamifo yigepi kemi mana'a yui amakukumi buyeveye." Nayeyare , wafai Jisasimi yemi yimona gane mae wata yuo yemi iyenuga bepimi amakukumi bu eveye. Afo iyewa bemi avirena namugo yu yiya pimi yimi tene. ⁶⁵ Minugami bemi sene, "Mini yanti ugamifo semi yigemi yiyime vege, mana waita manomi ame'emi sepai buyinonave, amaka seti foe emi eyo sinami sepai yinonave." ⁶⁶ Afo mini anepai, nesu beni yoga waita yui yewa yegemi beye, afo yemi enawa benampa bu no'eye. ⁶⁷ Afo Jisasimi 12fia beyi yogam waita yui yintaene, "Yige wa bitege,a?" ⁶⁸ Saimon Pitami yewayegem mani sirem semi, Anonao , amaka seyui iyepaga boteyane? Emi rukanave aum mante masidem nuram bam baya. ⁶⁹ Afo seyuya sima kukum eya afo amone inte ugafo manurem emi atekam waita Kotini beyanti uga dukayi. ⁷⁰ Jisasimi yemi yogam baita yui mini sirem yiyimene, semi senao mi 12fia yu uga dukauna wami, afo sigepike mana wayi savi awamui.'' ⁷¹ Afo Jisasimi Judasi mi sasamene, Saimoni Iskarioti agai, bemi 12fia fikemi bemi manami, iyemo amaka Jisasimi manta me'e namugoyu yiyapimi yimina nimi.