^{4 1} Me,e mini manomi naemi mana anon nurami fawaremino me,e Jerusalemi afo Jisasimi bemi mente minifa uremino Jerusalemi. ² Afo me,e minifa me,e Jerusalemi mana warun nomi wane me,e Sipisipi yuyi anon onta anapai me,e Hibru yui wayafikemi yemi avidemi Betseda, afo me,e minigai faipia sito iyom mara ontayui wane. ³ Warantemi nesuyam waita nasi yui iyenuo yivintim wami, afo yugan afakami, afo yimi savi uganui afo nesuyam waita nasimi yemi amaka yirare biri iyugami me,e avin sagokai ruge beye. ⁵ Mana waita mano wafa ai'e wam bage'enim 48 tia orantega . ⁶ Afo me,e mini nurami Jisasi bemi amonemi afo bemi amone intami mini waita manomi iyakai bemi rukemi me,e minifa wage,e nine afo Jisasimi ma,ni sirem intaemi, emi asofarare? ⁷ Afo avim waita manomi mini siremi sene, anona waitao, me,e nom anomi kuma dauyemi ure wakai mana waita mano semi rauremi me,e mini warun nopimi busikene semi kumirante ewaunami semi yakagaremi bewane. ⁸ Afo Jisasi bemi sasamem eyi yayu mantare itawe bono. ⁹ Ameuremmini waitami asofemi,afo beyi yauyu mantarem buga.Mini nurami Sabati nurami. ¹⁰ Afo Juda yui a,nom waita benanti manisemino,Manami Sabati nuramino,minugami ageugano eyi yauyuo mantarem beveve. ¹¹ Afo bemi yiyimene semi asofarukam waita manomi sisimemi me,e eni yauyui marewa afo bono ¹³ Afo yemi bemi enayawa intauruka,Iyewafi mini waitami,sasamiya mini yauyu mantare bugeo? ¹² Ugamifo me,e mini waita ve iyemo manta inta akayive me,e Jisasimi amonemi intemi buyene bemi iyewafi nayeyare me,e minifimi nesu waita anasi yui intaruka ugemi wami sefo afo Jisasimi mini magumi demi bene. ¹⁴ Afo naemi Jisasimi amonene bemi me,e mono naupai afo bemi sasamene intano ai emi asofawonane emi enawa savi anta buyono ma,e savi anene manomi enagei fawa rintene. ¹⁵ Afo naemi mini waita manomi bemi bene maro manti mini siremi yiyimene me,e Juda yuyi a,nom waita yui Jisasi bemanami semi manta asofasikene ¹⁶ Mamini antayanti juda yuyi Anom waitayu jisasimi saviuakaka,nayeyarefi bemi mini antayui Sabatiga nurami uwantukam. ¹⁷ Afo Jisasimi yiyimene yemi semi setifoeve bemi yogevemi minuremi wai sefo afo sewai yogeve . ¹⁸ Me,e mini anee yanti yeve Juda yuyi nesu pikem anui afakaremi bemi arirante eye naye yare bemi Sabati nurami bu romukene bumino bemi Gotimi abidem benafoene semi afo bemi benana osami manta fawa rumanti Goti remi mana ewane. ¹⁹ Afo Jisasimi yenti wayami siremi yiyimene fuga ugane iya ontanomi mana anenemi ben ayikai benana osami bu uwarantene ugamifo bumino bemi amonami naye anene yui afoemi uwaranui iya ontanomi wai uwarevene. ²⁰ Nayeyare afoemi me,e iya ontanomi aiyiremi agantene maren anenemi benana osami uwarami afo inami amaka bemi agantatene bemi anona anene yui enawa me,e mini anene yu wai yaka karemi inai sefo sigemi amaka savi intaviri inagone ²¹ Me,e afoemi fugim waita yui omaremi intayikem afo aumi yemi yimevene mana ugami sefo iya ontanowai bewai aumi yimitene me,e wata yu,o yeve iyenuo omare benanti ayewayive yempai aumi yimitene. ²² Afo emi mana waita mi bu dayimante bumino mini dayimanti omaremi beni iya ontanomi marepa ben aiyapim rukane. ²³ Minugami sefo yeve madeyumi omaremi anona avi,i ben agaanomi aminteye me,e ben afoemi anona avi,i ame wani uremi. ²⁴ Fuga sire yiyimege, seta intarem semose sisikam waita ga amakukun item bantana aum maremi fugim magu yakagem. ²⁵ Fuga sire yiyimege kana'a a'i yiga, a'i magem fukam waita yu Koti aga ano ami intate, intanu ano fa batem. ²⁶ Setifoe bepim aum rukami benagapim ba amidukemi mini aumi. ²⁷ Setifoemi semi made anene simiduka nayeyara benaga'i bem. ²⁸ Emi savi antu burono miniyanti, bane mana kana yewami,item waita anasi fukemo wayimi ben amerago ami intatem. ²⁹ Afo yemi masipikem fasa yitem waita anasi awogu anta ewayi itavem aum mante banayo,minugam mifo waita yuo savi anta urukayimi itavitemofo kotini koka itavitemo. ³⁰ Semi mana anene bu yuwaratege, sesi ayikake,afo semi itarei,semi rayintei,seti antayui atekenafi.Nayeyarafi semi bumi seti ayintana afakarare,iya semi sisikarukene beni ayintana afakara. ³¹ Seka ose sire ami site mini muna bayami site. ³² Minugamifo mana waita bane,iye semi simonagem senanti sima fawarem.semi amonaunami mini waita senato sewami mini fugamisi. ³³ Yemi sasakaya bonami Joni wapa bemi enanti sima fawaruremi semi fugawe siga. ³⁴ Semi bumi mini wayayu mantukau waitayu wapake .Buve,semi mini sirei seu yigemi aumi maranago. ³⁵ Jonimi on kana bem kevem bami yigemi mini oka amoyeve bami sito kanaga. ³⁶ Minugamifo anene manomi Joni ba yakagauga, bemi senanti sima fawaruga, masidem yoganti setifoe simimi mantakipano yanti.Mamini yoganto semo marewaunami sima fawarem waita anasi yupimi semi,setifoemi sisikarai yigau. ³⁷ Setifoemi semi sisikayimi senanti simafawaremi. Minugamifo emi ben ameragom ami buyintemi bem orasi buamonanami mananuram ba. ³⁸ Benami enaupem buwa, bemi sasakam waitaga i amakukun buyonami. ³⁹ Aga yigemi inteintevega afakevige koti ayanti bantana aumi mante banonam . Minugamifo mini wayayui senanti sima fawaruga. ⁴⁰ Afo yigemi sepa'i yeravega afo aumi marago, maren nurami banagomi. ⁴² Semi wata yupekemi anon avi bumareve . ⁴¹ Semi yimonaunave yigemi Kotini ayinti yigem yupemi buwane. ⁴³ Semi seti fo'e avi pimi yunai afo semi busiviga.Afo mana waita mano benavikao yinami,amakaga bemi avigatege. ⁴⁴ Iteni urega yigemi yimakukumi inteke, minugami yigemi bu afakewane ano avi koti wapake yewami? ⁴⁵ Yigemi buyintago semi setifoe augaka koi bu yiyikateu. Ena waita wamisefo yemi koi sasakatemo,benavi'i mosesi.Emi intanami iye emi ofaitene. ⁴⁶ Yigemi mosesikao yimakukumo evate,afo setagawa yimakukumi'o.Nayeyarafi,senanti intaremi mini baiyami agatuka. ⁴⁷ Afo emi amakukumo bu inteve mini wayamo agatukam,iteniure setami amakuku iteve?