¹ Mini nurami Jisasi amonemi inte imi yeve Farisi yui waya mani intari eye, bemi manta nesu kato agagu yi umagemi afo bemi nesu wata yui nomi feyikemi Jonini kato akagu yu wai yakageremi feyikene. ² (Ugamifo Jisasi bemi benao wata yui nomi bu feyikaga, beni kato akagu yu anomi wata yu nomi feyikaga), ³ Bemi Judia magu demi afo bemi yewayegemi me'e Galili buga. ⁴ Bemi Samaria mini awa nampa mini biri ene. ⁵ Bemi Samaria anom magufimi ofawarene yemi abi remi Sika. Me'e mini Jekopimi beni maga adeka me'e bena gao Josepimi amidukaka. ⁶ Me'e minga warantemi Jekopini masin nomi bene. Jisasimi ye'en yeravimi avesara imi, afo minimi Jisasimi bemi mini nomi masi awaga okumantene. Minimi afau a'wana wayawami. ⁷ Mana Samaria anasi manomi nomi yafi rantemi miniga yene, afo Jisasi mani siremi bemi sasamene, "Siminaga afo semi nomi nano." ⁸ Beni kato waita yu anomi yunami aya ira anom magufa bugami. ⁹ Afo Samaria inimanomi mini siremi Jisasimi sasamene, "Nauga yawa afo emi Juda waita manomi, semi Samaria inimano nonanti nanti sinta eve?" ¹⁰ Afo Jisasimi mini semi, "Minuga mifo aka emi amonageve Kotimi yimidukam anenemi, afo emi intanami iyewa magemi enampa asevene, ' simi naga nomi nano,' Emi amaka bemi intai inami afo bemi emi amitene me'e aumi marewa nomi ¹¹ Mini inim manomi Jisasimi sasamemi, "Anom waitao, emi fageti rukeve, afo masi nomi membe aupen ugami wane. Amaka emi mini aumi rukam nomi iten awa fakena mara teve? ¹² Emi intanami emi senutifo'emi Jekopimi bem baga yakagageve, bemi mini masi nomi simirukaya mi benaga fanta nampa beni foriyami mini nom masipike neveyane,'' ¹³ Jisasi bemi wayeremi sasamemi, ''Masidem iyenuo mini masinomi nanayoyive nonanti narinari iiteye, ¹⁴ Ukamifo semi iyemo amen nuna nomi nananiyive amaka nonanti enawa bu ayi tene.Minukamifo, amaka Semi bemi amenuna none, marenuram aupem mamantugemi ban aumana maratene. ¹⁵ Anasi manomi bemi sasamene, "Anonao emi simeno mini nomi, Amaka mini nomi simina nano simerakomi enawa nonanti busiyinanimi enawa yewayege nonanti buyeyafonuna." ¹⁶ Jisasimi anasi manomi sasmene ''afo bewa ena wafumi oma ara manta rekara afo managa yekaro." ¹⁷ Anasi manomi sasamemi, "Semi wata burukege." Jisasi mani siremi bemi sasamene, "Emi aterewa wayami seno emi wata bu rukeve,' ¹⁸ Emi faipia waita rukage egona mino, afo mage mantukana waitave minimi enawafumi buvene.Nayeyemo emi senave mini fugave." ¹⁹ Anasi manomi bemi sasamem, "Anonao, semi emi amonaunanave emi mana profetmi wanane. ²⁰ Senu tifoe unami yemi mana mini anukai mono wayami seveye, ugamifo yigemi sei, me'e Jerusalemi makugaga beka mono wayami seko. Iyewa anterena sitene?'' ²¹ "Jisasimi sasamemi bemi, "Anasio, emi amakukumi usikano semi, mini nurami fawaritene, afo yigemi amaka mono wayami omarei businagone Yifoe kai mana mini anugawa me'e Jerusalemi wai. ²² Yigemi buamonaka anenekai mono waya sewamino, Seyu yami amonaka fauna anenekai mono wayami minikai seve yane. Nayeyare, yivigan yoganti me'e Juda yu pakemi yigene. ²³ Mini minugami sefo, mini nurami yimi afo bemi magemi a'i yigane, amaka masirem wata anasi mono waya siranteye yemi fuka siremi Afoe kaba Aiyo aga eran nampa fuga mono waya sire intare amakuku inayo,Kotimi minuremose bekao fuga amakukunewam waita nasi yanti yifakewa beka minure amakukunogo yanti. ²⁴ Kotimi bemi benanao Aiyomi bemisefo wata anasi beka amakukunira beni aiyo agagi eran nampa fuga antanako beka mono waya siakanonam. ²⁵ Mini inimano manisirem samika,"Semi wa intagaunave, Mesaya yinanimi( "Kraisive sire avi rewayi"). Bemose yemi, masidem anene senuka sima fawarinani. ²⁶ Jisasi mini inim samemi ,''semi senanao mini waita sewanayimi mage enampa be aseve uno.'' ²⁷ Miniga benta aseventa wantagai, beni kato agagu anom magufake orade paya miniga yiga.Nesu intiri uga naugana mana inim nampa waya se'enafi,yeyafim mini sirempaya sima fawarure bemi bu intauga,''emi nayeyara ayeveve? a-ah nai ugaya benampa aseveve?'' ²⁸ Mini'mi mini inimano beni nom kura miniga ifarem yerademi anom magufa fa bemi ,maro manti wata anasi yiyimiduka. ²⁹ "Yerave amonago mana waita.Masidem anene sima fawaruga semose uwantukauna yantagu. Mini waitami bemi Kraisi watenafi?'' ³⁰ Afo anom magu ifadepaya be wapa yerade buga ³¹ Me'e mini ga beni kato agagu bemi samepaya ' "Sisao, emi yunami nano." ³² Ugamifo bemi mani siremi yen yiyimiduka, "Semi yunami rukege yige amone inte buyugam yunami." ³³ Afo beni kato agagu nesu waya yenanaofim sire mani siga, ''intami mana waitamano wa yunami yema amenafi?'' ³⁴ Afo Jisasi yemi yiyimemi, "Seti yunami, bemose sisikayini ayintana awakure be oma yoganti masidepa kipanu. ³⁵ Sigemi ami bu sego, 'foa biyomi wage en inana yunami afugatenafi?, Semi mini sirei yigemi yiyimege, yigemi yinomi daterarega afo amonago yunapimi, yunanui ai afu kagemi beye. ³⁶ Item waita mano wa yuna nui marevene, beyi meyam marevemi afo made nuram aum mantem bam yunam manta manafim ruantuemi, Minugamifo, afo item baita mano yomagana afo item baita manowa yunam marevene,yeganti omarentami yimo intentare. ³⁷ Minugami mini wayami fugasigene, mana wayami yomaganami afo manawayi yunami maratemi. ³⁸ Semi yigemi yiyikamanti me'e sigemi bu yodukam yunapikem yunaui omarago.Eno yumagami afo sigemi bega yenti konamuga yunami omarago.'' ³⁹ Nesu Samaria guanomi beka amakukunuga me'e mini inimanoni wayagai, 'Bemi seti masiden antayui urukauyui sima fawarene.'' ⁴⁰ Mi'nimi afo Samarigui mini nurami bekai yeravemi, bemi intaemi emi senunampa kanurani ure wa wano. ⁴¹ Nesu yam manomi benami intaremi amakukumi eye. ⁴² Yemi mini inimanomi mini siremi sasameye, seyuyami enagai intareyami amakukumi bu eyane, bube, ''seyuyami bena intareyami bemi amone inte yane, mini waita manomi bemi madem wata anasi yui mana magafikemi yivigam waitave.'' ⁴³ Kan nuram manoni i'naemi, bemi me'e minifa remi afo Galili bene. ⁴⁴ ( Afo Jisasimi benanao sima amauremi sene, Kasanampa waita manoni avi'i beni magufimi buvene. ) ⁴⁵ Mini nurami bemi Galili yeravimi, Galili yui yemi omaremi yimo yuga bemose yinanti. Nayeyare yewai me'e mini anom mono waya kai me'e Jerusalemi owemi afo yemi amoneye maden anene bemi imi me'e mini nurami. ⁴⁶ Jisasi owayegemi yene kana me'e Galili magufimi, me'e minifai bemi nomi waiye'ekemi manta wainifimi rukane. Kinimi beni mana rafisim waitave, benani manomi avinti mantemi me'e Kapeniumi anom magufim wami. ⁴⁷ Mini waita manove intewami Jisasi Judia ifademi afo Galili yene, bemi Jisasi waka oravemi afo intaemi Bemi kumewa benanim nanti magu itama akano adenakai bemi fuginanine. ⁴⁸ Afo Jisasi bemi sasamemi, "Emi amaka masidem beni eraka fawarim antayui bu amonateve, emi amaka amakukumi buyinonami,'' ⁴⁹ Kinini rafisim waita manomi bemi sasmene, "Anom waitao, kumewa setigai amonano, bemi fugipo." ⁵⁰ Jisasi bemi sasamemi, "Bono enagai fami watene," Jisasi siram wayakai bemi omaremi amakukumi uremi, afo bemi bene. ⁵¹ Bemi sadage kume wananti, beni yogam waita yui yemanti bemi amonaremi bemi minisiremi sasameye,"Enaga ano avoguka fa wane." ⁵² Minugami afo bemi yemi yintaemi, iten nuran ugana iyaon tanomi asofane,?Afo yemi bemi sasameye, "Nurami wan kiloki beni avinti kipagane." ⁵³ Afo'emi ai inta manti me'e mini nuraka magene Jisasi sirukam wayagai, "En aga ano fami watene." Minugami sefo bemi omaremi Jisasi pimi amakukumi imi afo beni akumi mademi amakukumi eye. ⁵⁴ Jisasimi kanta yai mini anene urukane me'e mini nurami bemi Judia demi afo me'e Galili yene.