¹ Fuga ugane, semi yigemi siyimege, mana waita mano sipsipi ma onemimom waita watayi anene ririnarifare maratemi bemi umom waitamino. ² Afo iyewafi sipisipi ontafikta' ufikemi bu uremi yanafake rauntem upekatemi be upekemi uritemi bemi fuka sipisipi rafisim waita. ³ Ontaka rafikam waita manomi em ontami riakatemi. Afo sipisipi mano benami intemi, bemi mana,mana sipisipi yivika devemi bemi yivikem mapa kumemi. ⁴ Bemi masidem sipisipi yivima mapademi, bemi anariuremi yemi yivikemi bemi, afo sipisipiyu yemi ben amerakom intakemi bemi awkure beye. ⁵ afo yemi me,e enomi bu awakuri teye yemi bu amonagam waitami, ugamifo yemi bemi yakagateye nayeyara yemi me,e ena waita yuyi yimeragomi bu intageye. ⁶ Jisasi mini wayekam wayami yemi yiyimene, ugamifo yemi ama uremi buinteye mamini waya yui bemi sadagemi yemi yiyimemi. ⁷ Afo Jisasi yemi sadakemi mani siremi yiyimemi, " Semi fuga, fuga emi sasa meke, semi sipisipi manoni ontabe. ⁸ Afo iyewafi setinanta yinaniyimi bemi umom waita'mino, afo yemi ben amerakom buyin'teye. ⁹ Senaomi ontami beke. Iyewafi sepim yefegatemi, bemi ofa'oteke; Bemi untave kutave evemi awoku aum maratemi. ¹⁰ Umom waita'mano umom marevem yiruma anakarem yiruma fukitemi. Afo semi yunami yigemi awoguki uyikei yaum yimi rayeke. ¹¹ Senao semi sipi sipi yuki abogu rafisim waitabe. Abogu sipi sipi rafisim waita manomi beyi aumi omaremi beyi sip sipi yukai remi afo yemi yofa'emi. ¹² Afo meyam mare wananim rafisim waita mano bemi bu rafima sipi sipi yuka soke buyitemi. Bemi afa iyam amo'nanami yinami yeraremi uyabinami, afa iyamano yiruremi nevemi mana'a yiwa danami mana mana iteye. ¹³ Bemi yeraremi uyavitemi nayeyara bemi meyam marebemi sefo mini sipi sipi yuka bu rafima soke buyitemi. ¹⁴ Sena'omi semi sipi sipi yuki abogu rafisim waitabe, senaomi yemi inte amone ugeke. ¹⁵ Seti foemi semi simonagene, afo semi setifoemi amonaku, minugai sefo semi seti sipi sipi yukai saumi rukege. ¹⁶ Semi mee ena sipi sipi yui raunami ena kukufim wane. Semi yivikei mare manafim ranami, seti merakom intai seya samana yemi rafisirare. ¹⁷ minukami seti foemi semi siyemi; Sesui ranami makafim kuminai yeveyeke marateu. ¹⁸ Bumi mana waita manomi marekemi buratemi, minukai senaomi marekei makafim reu. Mareke makapa ranuna eram rukeke. Semi tenia lomi setifoe wapake mareke amaka setiyapikemi fasa buratene,ugamifo senao semi seti saumi rukege, semi ake rukaunami sefo senao seti saumi ratege, afo semi akei rukaunami sefo senao semi yewayege maratege saumi. ¹⁹ Jiwisiyu yewayekemi mini waya intaremi amuna waya seye. Yewe Judayu mini waya intareye, afo yemi kantipim yewa yege romugeye. ²⁰ Amunamano yemi ami manisiremi seye, bemi savi awamu rukemi oem wayayu sevemifo. Yikemi nairara ben ami intevege?" ²¹ Mana'ayu yemi mani seye, "Mini wayami oem savi awamu wayawaye. Savi awamu makananiyi bemi yukam afakayi manta awoku uyikatene?'' ²² Afo anon nuram'anoni mono waya fakanti yefawa rimi me e Jerusaemi, mini a-i fawarene. ²³ me e minimi iyonti rewa nurane, afo Jisasi bene me e mono naupai, me e Solomoni beni ontan anapa. ²⁴ Afo Jiwisiyui bemi yaku uremi mana'a waya bemi sakaruka, naukayawa senuti amako intiti iyaka faka yikebeve? Afo emi mono waita watemi, seno amaure amaka senu siyimeno.'' ²⁵ Jisasi bemi ami mani siremi yemi ami yiyimemi, ''Semi yigemi siyimege, yigemi semi bu simakuku iyewane.Setifoen avipim mini yogam maravege, mini benanti seveke. ²⁶ Minugayami semi bu sima kukum buyu sikewa emi enoni sipi sipimono. ²⁷ Seti sipisip yui seti merakomi intagamino; Semi yemi inite amone ugau, afo yemi semi siwa kuriteye. ²⁸ Semi yemi bu kipam yimetege; Yemi bu fukiteye, manawayi setiyapike yema bu yivikatemi. ²⁹ Seti foemi yemi manta semi simi dukene, bemi anonave enoyuwa yakagaga, afo bumi mana waita manomi setifoe ayapikemi yemi marege fasa buratemi. ³⁰ ''Senampa seti foere manayi ugekare'' . ³¹ Juda om mante ben arirante ewa. ³² Jisasimi mani sirem yiyimemi, semi nesu abogu yogam Koti wapake mareyigau.mini yogagara onamuyam sirirabtege. ³³ Afo Jiwisiyu bemi manisiremi bemi sameye, ''Eni yogarara emi seyu onako emi arirante'yaraye, emi Kotimi sima saviewa'nave, afo emi, wata, mano enao semi emi Koti bege sewanave.'' ³⁴ Afo Jisasimi yemi yiyimene, ''yikenti gaga yaufim bu agaka,'' Semi sege,'' yigemi muna koti yuono''? ³⁵ Bemi yenati semi yigemi muna kotimono, afo iyepina Koti ami yene( afo seta mano bu romunamu iyitemi). ³⁶ Emi benati semi seti foe semi awafa ugadu kemi semi mana magafim sisikemi,'' Emi Kotin avi sima savisava uakewa,''afo semi seu,''semi Kotin aga beu''? ³⁷ Imifo semi seti foeni yoganti bu maranami, amaka yigemi semi amakukumi buyu sikanakone. ³⁸ Afo semi mini yogam maranami, yigemi semi bu awoku intiri buyu siganakone, mamini yogatim yigemi yimakukum evega omare intago Kotimi sepim wai semi bepim beu.'' ³⁹ Yemi yewayege enawa sima savi waya sageye, bemi me,e yenyiyapike yerayirem uyavem. ⁴⁰ Jisasimi yewayegemi me e Jodeni mini fai bugane bemi Jonimi ananta nom mantukam awafa bemi. ⁴¹ Amuna waita anasi bewapa yerave ami benampa seye,'' Joni yogam marami mana'a anene fawaremi, afo Joni bemi mini waita yanti simi fugayiemi fawaremi.'' ⁴² Afo amuna waita anasi bena intaremi bemi yimakukum uakeye.