¹ Mana waita ben avi'i Lasarusi, bemi aii mantuka; beni magumi Betani'i Maria nampa ben aunana Mata yemi mana magufike mono. . ² Meri mi Anona manom wasa vem ayirem aiga feaka rem anontau nako aruntu kayi,ayofi mano mino Lasarusi mi. ³ Kar itanano Jisasi wapa siyike mani siga.''Anonao; yebe amonano; emo ayigara ewana waita aipim wane.;; ⁴ Jisasi intarem,mani semi,'''Bufugi nanifo Gotin aga ano anonavi marami Gotin aga anomi anoavi fawa rino yanti.'' ⁵ Afo Jisasi mataya Lasarusi ya ayigara uyikemi. ⁶ Lasarusi ai ewane semi intarem,kanuram ba ifadem wage-emi minifa. ⁷ Naemi, kato waita yuganti semi, ''''Juda yewaye geya bofane siga..'' ⁸ Kato waitayu manisire sasa memo, ''Anonao,emi onako arira ewaya ,yewa yege minifa birare?'' ⁹ Jisasi siyimem, '''wanura kake enaka ai bugeve nafi?waya wamo nowatem,burufa mnonamii omi kewamise.. ¹⁰ Ugamifo,bemo ayufum nowatem bemi afanem dufamitem nayeyare bemi oka bubem.'' ¹¹ Mini wayayu siremi mini anaepa,mani semi, '''Lasarus senuti agantai fami rugem wane semi, faomata itara nuno.'' ¹² Afo kato waitayu mani semo, ''Anonao,dugem betina, itavem asofararim.''.' ¹³ Lasarusi fukananti Jisasi sewa mofo yemi itemi fami dugem wane intiri uga. ¹⁴ Jisasi sima fawarurem siyimem; ;Lasarusi wafa fukane siga. ¹⁵ Semi yige nanti intare simoyege'minugai sefo semi benampa mini nuram bu wage'ege; ugamifo mage yigemi yimakukum inagom.afo bewapa bofane..''' ¹⁶ Tomasi,mi Didimasi ne sewayi,beyi kato waitayu siyi memi,''Biyana jisasi napa ofugofa no.''' ¹⁷ Jisasi yeravem,amonam Lasarusi matipim foa ayufum babuga. ¹⁸ Betani'i Jerusalemi adeka wami trii kilomita. ¹⁹ Nesu Judayui Mataya meri ya yeyi monemo,yeyiyo fini yigu anene fim wara. ²⁰ Matami, Jisasi yewane semi intarem, iyaem oamo nemi, afo Meri mi naupa wage-em. ²¹ Matami Jisasi samem, ''Anonao,emo managa wana tina,setiyofi mi bufugi rarine. ²² Magewa semi intauna Gotimi intai nami,amina nino.''' ²³ Jisasi bemi samemi, ''Enayofi yewaye itavi tene semi. '' ²⁴ Mata bemi sasamemi semi intaunami,ara nuram anona mano fukam waita itarananim nuram bemi itavitem. '' ²⁵ Jisasi samemi, ''Semi fugin waita yu manta itare'i semi aumi yimeve'u, Iyewafi sepim amakuku inaniyi fuginanimifo, fa yeradem aumi mantem watem.'' ²⁶ Iye fa bem sepim amakuku inayim bu fugitem.Emi mini yanti amakuku eve wafo?'' ²⁷ Bemi sem, ''Eyo, Anona'o semi eka'i amakukun ewauno, Kotin aga iye mana magaga yinona.'' ²⁸ Mini siremi, Maria' ami sa'dagem maro sasamem, "Sisa yevem arewane.'' ²⁹ Mini intaremi,Mari'ami ame urem Jisasi wapa itavem bemi. ³⁰ Jisasi ameurem magufim buyiga, minifa Mata amonapa'i wage-emi. ³¹ Juda, inim waita Maria nampa naupa be, ara manta faruake. Amonewami mapa itavem uyaurem kumimi, matipaga ifi dagarantenafi sire awakure kumemo. ³² Mari'ami Jisasi yeamo narem,agon yauka kuntavem sasamemi, ''Anonao,managa wana tina ,setiyofi bufugi rarine. '' ^{34 33} Jisasi amonam ifi rage wami ,Juda'gu awakure yem inim waita nampa, bewa anom agun anene marem, v 34 mani semi, ''Bemi itepaga rukege"? Manisire sasamemo, "Anonao, emi yerave amonano.'' ³⁵ Jisasi ifira gemi. ³⁶ Juda yu mani seye, ''Amonago Lasarusi ano ayiri ewane!" ³⁷ Mana-a mano semi, ''Mini waita mano,yugam afakayi soke uyike wayi mino,naugana mana waita ifadam fugenafi?'' ³⁸ Jisasi agunanti urem matipa bem,. mini mati on afapim wami, ontaga onako uyamakapim. ³⁹ Jisasi semi , ''Om manta fasa dago." Mata,fukam Lasarusi ayofii,Jisasi nanti mani semi, "Anonao, a'i ben aumi apinagane." foa nuram bawu gamise. '' ⁴⁰ Jisasi minisirem sasamemi, ''Emi fugasire sasamege, amakukun ite Kotini eranti amona nonane? ⁴¹ Omi manta fasa dami.Jisasi yanafa amona egem demi semi, ''Setifoeo,semi susuve sege seta mo inta na yanti . ⁴² Made nuram inta sime wano,manamo wayi amo nago yanti sewauno,emi sisi kakana yigau nave sitemo.'' ⁴³ Inaem,anonaga ararem semi ''Lasarusi o,itavie yeno!'' ⁴⁴ Fuka pike itavem yemi,yawa rave orasipem ukugam nampa . ''.Jisasi siyimem,''Mini anene yui manta fasa dam bino. ⁴⁵ Amuna Juda yu Maria awakure yeyi Jisasi uwaram anene amonare beka amakuku emo. ⁴⁶ Minugamifo mana-a mano Farisi yupa bemo Jisasi uwara aneneyu siyimira. ⁴⁷ A'nom waita yu nampa Farisiyu nampa kansoro yu duwantu ure semi, '' seyu naofa nuyo?Mana waita mano nesu berara anene yu uware wane. ⁴⁸ Eafanam banami, nesu ano bepim yima kuku iteye; Romeni yu senuti magu yema rana yone.'' ⁴⁹ Minfim,mana waita yepim wage-emi, ben avi'i Kayapasi, bemi mini kanafikem het prisi wage'em, bemi mani'sem, " yige mana anene bu intagane. ⁵⁰ Yigemi omare intago avoguino mana waita mano wata anasi yi magu mantem fuginanim, mi'ninam kantri anam bugatem." ⁵¹ Beyi intikake mini waya busiruka, buve.Mini kanafike het prisimi bemi sefo kasanampa waya siga Jisasimo Juda wata anasiyanto fuginanim. ⁵² Juda yugantana waye, buve Jisasi masidem pakem wata anasi manta duwantu uma manafim danoya. ⁵³ Mini nurakake bimi, Jisasi arirante ami afakaruka ⁵⁴ Jisasi enawa Juda wata anasi wapim bunoemi, bemi ka'ma magufa Efremi taun i adeka owayegem, beyi kato waita yu nampa. ⁵⁵ Ka yunam newam kana adeka yinanim afo amuna wata anasi Juda ke maro Jerusalemi duwatuga yemi Pasova nurakakena yo'warirante. ⁵⁶ Wata anasi Jisasimi yema afakaga yemi mono mapim itavuge ami se buge yige uga," yige naye intiriga evege? anom mono kanamifo yitenafi buve?". ⁵⁷ Anom prisi yu nampa Farisiyu manisire eram waya wata anasi yiyimiduka mana wayi Jsasi wami amonagate siyiminaya oma ayafaure fakago.