¹ Minugami seyuya ma,mini yoganti Kotini yogago siremi yimiduka, mana uga seyu,o Kotini awa awa,o mantukafuna, seyu'i yoganti marateya sigaye buyofa. ² Minugafo seyuya buve siteya maden anene mano sigaye bu simidana seyui bu ayofara.Seyui muna antafim buwara, seyui savi buyewafu Kotinami wayegantimi.Seyuya sima fawarewafu amaka fugawaya wata nasi amonemi senu atekam anta ewafu Kotin augaka. ³ Afo minimi awogu waya mo sefanuna aupa ayofage arafarufim, bemi aupa ayofagem ma,mini akumi savi marari inayo Kotikake nepa bam wata nasi. ⁴ Yekake mana magagake muna Koti yenyi intiru antaewa, awogu waya yima kukum inayonanti Jisasi. Mini antayanti yemi bu amonayo, awogu waya manoni omi Jisasi bemi Kotini amam uga ⁵ Seyui imi seyaranti sima fawarewafo, seyuya Jisasi anta sewafo bemi anonami, syui beni yogam waita bafu Jisasin avipim. ⁶ Koti manami bemi asiruka, omano kemi mapai ayufumi kuminanim. Mini omanoni konami senu sirapem omi yimina Koti yimonatem, Jisasini awa awapim. ⁷ Afo seyui aku anene aupemi dukafau aupemi maka kurayata uka, afo bemi fakaki itemi anona eranampai Gotininta imi senutita. ⁸ Seyui umanti mare wafau enaena ayipake, minugamifo senui bumi magapa danani a,ao senuti intiti seyui bumi amonama sokebuyuka, minugami seyui umanampa buwafau. ⁹ Senui savi anta usikafo Gotimi senui bumi aneusikemi senui siromifo seyui savi marari buyiyamu. ¹⁰ Masire nurami, Jisasini fuginti senu suka marewa faunave mini nami Jisasini watano manta faka fawaritemi senuti sufimi. ¹¹ Seyuo iyewafi fawasuna masire nura Jisasini fugintana senu suka marafanu, mini nami Jisasini au,mano senu suka fawarintemi. ¹² Mini nami mini fugintano senu supe yogam maranani. ¹³ Minugamifo seyui mayayom spiriti amakukum, mane Goti amo made Profetiyuo agantukami semi simakuku eviseu, seyuwai simakuku ewafau minugaya sewafau. ¹⁴ Seyui amone inteya ukafau, iyewa senuti anonami intarukanani senu wai manta itaranani Jisasi napai seyui amonaga fau bemi senunapa sivigemi urinani beni awa awa. ¹⁵ Maside anene yige yivika ana, minugamifo, awa awa ano nesupake benave susuve mana siakana yanafa urino enawa ana Gotimi kanagune. ¹⁶ Minugami seyui buwa sikayeofa fugave, mapa sumanomi savi uga, afo senu sira anomi aweni ana ewa maside nurami. ¹⁷ Mage mana aki nurami madem kefo nafo umaruka yuyivisi ano senu yowaru ekemi anona okai bantana bantana wanani bumi beni owa wanani. ¹⁸ Nayeyarafi seyui bu amone wafaunave anene suga mano buamonakam, minugamifo mana,a anene augamano bu amonatemi, nayeyarafi mana,a anene augamano amonananimi kipa temi, minugamifo mana,a anene augamano amaka bu amonanimi bantana bantana batemi.