¹ Seyu sesivi yaniofanu yewayegeya wae? Seyu yigemi afaunti buyikeya mareya yige wapa buyira mana a watayu ewani ureya , segu waganti sewa-e? ² Ena emi seyunti afaunti wanani senu supem agantaka sirapim , made wata anqsi iyaontawa amonanayo. Mmini afaunto seyu sigatem Koti aga ano wapake yigane seya, seyu dafauna bewa. ³ Mi afaunti afaun yaki nako buagantuka, Gotini Ayo mano agantuka. Onamuga buagantuka; Masidem wata-anasi yupe agantuka. ⁴ Mini seyui era sima kukun dukafau Goti aganopim Goti augaka. ⁵ Gotini yogantim enomi burakara. Enomi siyi meya seyu mini yogam mare wafauno sesi eraka busira. Minuga mifo, mani sire siyime nu, Goti manami manta itayara mini yogari eyamofau. ⁶ Gotinimana mi senu manta beyi yoga waitayi usikemi mini yoganti afauntim buagantuka, ayoman manve, nayeyara, afauntano wata aruma fugeve ne, ugamifo ayomano wata aumi amewa. ⁷ Gotini yoganti age waya saminti, oka agan tam fuginti manta fawaruka. Gotini eranampa yiga israili wata-anasi mosesi auga pem amonama soke buyuga. Nayeyara, Gotini saga ranta mano mosesi orasipem era sagari uga. Mini saganti sada-soda urem kipewa. ⁸ Nade yaga mini sagan tana anona itene ayo mano mini yogam mara nami wae? ⁹ Mini yogantano mo watamo ko-amemo watamano mini saganti mara nami. Nade yogantano mini sagantimi itugatene. ¹⁰ Nayeyara, age waya nampa yiga saganti, amaka eram buruka saganti ayo manoni yoga nampai. ¹¹ Kipa enene manono mini saganto duka gana mi, nade fawa anene manoni saganti watene wae? ¹² Miyio sima kuku rukafa nami, itama akeofa nu. ¹³ Seyu mosesi kana buyu gafau, iye unam wado orasipa fikaru kana israili wata anasi yora sipem buamo nateye, mini sagantano sarage kipewa. ¹⁴ Israili wata-anasi yi intinti uya kage'enuka. ye'em mage managa yeravem, mini unam bado amaka ugem fabemi, wafa yogan tanomo iyantami. mini una bado mano buyirem buwuga nayeyare, Goti aga anopi mana mini una- bado mano yiratemi. ¹⁵ Ugamifo, mage mana gana gai, Mosesi wayamo iyantemi, mini unam wado mano yira'ano uya-ge-emi. ¹⁶ Mana waita manomo anona wapao yewami, mini unam bado mano yera-arevemi. ¹⁷ Anonami bemi ayomi. Ite naya paga ayomano benafi, mana anene mano senu bu'uya ganani. ¹⁸ Afo seyu masidem, anona manoni saganti amo nafanu, mini una-wado mano bu'uya ganani senu sorasi. anona mano ni sagan tano senu wayegem, mini sagantim afebe ena ufagake ena ufaga, anona mano re mana inani, iyewa mini Aiyomi.