¹ Seyu yami amone inte ukafau mana maga buna mose senupim wa mose ana kainanim, seyu yami mana maiKotimi simi temino. Minimi mana waita mano aya mano bu uwantuka mai miniga wamo anantanani mai, mini Inaru aupe wami. ² Mini seri mapimi seyu yami bayamu, seyu yami si'i firi ewafau, eyo seyu yami siyewane eanam Kotimi Inaru fakena auwem bunam usika. ³ Seyu yami siyrwane fuga mini Inarufake kanagune yanti, naye yare seyu'i siwapa fami buwateya wado buwa nata. ⁴ Naye yare seyu yami fami mana seri ma'anopim beya mofau, seyu'i sibisi firi newafau, yami umanti mare wafau. Seyui mini awogu wadomi yera ma wurara. Minuga mifo, seyu yami, seyu yami Inarufake wado mano birasi yanta wano yare senu nampa, minugami naye naye wafi maga mano ninta mose savi inanim, ai mini savi itene. ⁵ Wata iyewa senui manta ateduka nani benao Kotimi, iyewafi simi dukami iye aenui mini mano uyagemi semi nayewa nae yitenafi. ⁶ Minuga nako, yigemi masidem kanami intama akeogo. Yigemi omarega intago mana buna napai mana magagai beyamo fauno, seyu yami nekai wafauna be anona mano kage. ⁷ Seyui amakuku pimi bewafau. Minu gami seyuya eram make yami inta gafau. ⁸ Minugami seyui nekaga wafa mana maga bunapim minu yerami anona mano nampa Inarufa wateya. ⁹ Minu gayami seyui ami uyarukafau anonam amoyu akatim, bube seyui Inarufaka wate yarafu a'a mana maga amu gaga wate yarafu. ¹⁰ Fa nayebe seyui masidem faka Kraisi ka siaka inta wate yamu, afo mana mana manomi beyi meyami mara nanine mana bunakao bemo uwan tukana nika, a'ao awogu anene wafim a'a savi uganafi. ¹¹ Minugami anona manoni fegatose magfaranti, seyui eram wayami wata anasifi sebe yamu, ite agaga seyui beyarafu miniKoti augagai amakai. Semo magauna sima kukumi yigenti intitawa yoroma ateka noyare. ¹² Seyui yigemi makasim buse wafau yigemi amonago seyui yera umanti ruke yarafu seyui fuga Kotini yoga waitami. Minu gamifo seyui yigemi mana anta yimiduka fau nabe yige mose amoyi nakom senu nampa, mini antami yigemi rukei mini anami mana buna mano mose amo ewami, nayeyara mini fa amoyi raye nayewafi arape wamino. ¹³ Monigao seyuo anene uwarafau nami intinti buma kam waita amakai, minimi yigemi yofa inanimi. ¹⁴ Kraisini ayintano inaro sinanti seyui mini yoganti mantuka fau, nayebe seyu waya sima kukumi mage yare, mana waita mano masidem wata anasika fugane minugami masidem wata anasi benampa fugane. ¹⁵ Bemi masidem wata anasi yam fuka minu gami mini wata anasi famo ayumose wami mana waita mose mae fubemo itabuga yigaino. ¹⁶ Mini anta yanti, ago yante magemo binanim seyui watayi intika bu sikerinofa, seyuo mana bunakao amonateya, mae wafa ose seyuo Kraisi moka o sasa kafauna. Mage seyui mini amaka ureya enomi koi bu siyikafa. ¹⁷ Minuga namo mana waita Kraisipi mose wanami, bemi auwem waita mi. Wafa antayu kipaka, minimi magemi auweni uga. ¹⁸ Masidem mini anene yewami Koti pakemi. Bemi senu uyadem Kraisinipi ruka, minuremi senui mini yoganti simemi ena waita yuba yibige anona mano nampa yego. ¹⁹ Minugami, Kraisipi, Koti yoge wane masidem waita mana maka amuga wayi yegoya bewapa, bemi yenti sabi anta bu yantewa. Eyo Koti senuwa mini yoganti simiduka wata mose yibige yintimi seyuwai minofanu. ²⁰ Minugami Koyi uyadu kane senui nayeyara wata mo mana magaga o Kraisimo uyagate. Mini mana uga Kotimo mini yoganto senupi mantukam. Seyui mani sireya yigewa yintaewa fau, Kraisi abipim, "Yigemi owa yegega yego Koyipa. ²¹ Bemi Kraisi uyadami senuti kumi mantuka. Kraisi bemi mini waita iyewafi mana kumi wa burukam. Bemi minurayami Kotipi a'de beyami aupem wafau Kraisipim.