¹ Anom waita yuka eram baya isego. Yimonama enafo'e yi ure awogu anta evev yofa ono. Auwen baita (yangpla) yu yimonama enafa awa yi ure awogu anta uyikago. ² Anoka ininu awogu uyikega yimonama yige yino'e yi ogo. Auwen ininasika ( yangpla) yimonama yiyomagi ure awogu anta uyikago. ³ Yen yiwafu fu'buga ininu awogu anta uyikeg. ⁴ Awafu fu'bugam inim iyaoru nampa anawasim rukatem e'ana mini iyaoru yu awogu anta yenyimapim uraya yenyinofoyi awogu antaga anene yimege, nayeyara mini antaga Koti amoyitem. ⁵ Awafu fu'buga inim, beya'o bayim beyi amakukum Kotipim dukem maside nuram bewapa augamukurem afainti marevem. ⁶ Awafu fu'buga inim mana magagakena anta awkuritem fu'bugam inim bem. ⁷ Mana bayam benawafu fu'bugam inin nampa yen yigafanta sina mini anta yera burago. ⁸ Mana waita mano awogu anta beni batafinafi beni akupim bu uwaratem, mini fuga waya bu awakurevem beni amakukupim buatekem. ⁹ Mano'ma mapim yiwafu fu'bugam inim yivi marago. Yenti orante siksi'a ten yakaga bugam inim. Mini mana waita mana wafa mantukem benawafuka atedem bam inim. ¹⁰ Mini inimi atekam anta dukem benagafanta awogu rafisiri evem, eno awogu uyikem, yimakukupim bam inim waita yofaem, umantim bam wata nasi yofaevem erarurem bem awogu anta mana evem. ¹¹ Mono'ma auwem inin asika yivi imarno, yeniwafu fukam ininu'. Naemi mana magagakena au'yandure ena waita mantarem Koti anenu amitem. ¹² Yenti antaga yigaye marate, nayeyara ami romu'maka wafa mono'mapim kagadure se fa be kotini yogam maranu. ¹³ Abesara anta manta itare famana kumanture be famana wata yimapim ninonam. Eno a'nepa waya sire wata ara mante itaram baya nampa savi baya sinayo. ¹⁴ Minuga'i auwen ininu yenyiwafu fu'buganu yewayege batami ena mante iya om ma'dana yenti namugo wananom mante magafim buratem. ¹⁵ Mana baya agare'i nayeyara, auwen ininasika yenyiwafu fubuganuKotimi anenure wananoni savi ayika bewa. ¹⁶ Yigen yi'wanapim mana inin awafu fu'bugam batem, awogu anta uwakano. Mi'nurate amuna umaru mante mono'mapim burano, Minuagmi mono ma'ano ena kento yu yofaino. ¹⁷ Yimakukun ewa watanasi anon yivi yi'nnom waita yu yimego yigen rafisewam. Kotinam yiyime wam waita yu anon yivi yimego. ¹⁸ Nayeyara, Kotina mano sem, burumaka avunti bu uyagano asayafim aire bebagana. Yogam waita ba meyam marano yogari ika. ¹⁹ Ami buyintano, mana waita mana mono'ma yinom waitaga baya rukagana, karafi tari'a (3) waita inte bagana miini yi'nom waita ga ami rago. ²⁰ Mana waita mano kumi bevem kumi uwaratem, ma'de yu mini waita mante ategana eno ba amonare kumi iyogo. ²¹ Kotin augaka, Jisasi nampa beni ateka ankero, yige nanti eram baya sege, eno yi antaga busega mana bayi mana awogu anta beve bu uwarago. ²² Ame'ure wata yinoka yiyan de yigaum bumukega, enomi kumi ayipim beva bu awakurono. Koti augaka ate'de bano. ²³ 24 Mana'a waita yi kumi'i bem, yivigem kopim bevem. ²⁴ Mana kumi'i ayofagem bem naemi faka yitem. Miyi om antaga, mana'a awogu anta faka bem. ²⁵ Mana'a awogu anta aupa uwarana anta yu naem faka yitem.