¹ Aiyo aga ano sima fakadem sem, naemi watanasimi yimakukum yerarem savi awamugi ami intatem. ² Muna baya aupepim, yenti intiru' aniana item. ³ Ano site mono wata mano anasi sarukam yunam, Koti uwantem yimakukum ewam watanasi fuga mana sevam yimitem. ⁴ Ma'de anene Koti uwantukami awogu ugem, savi aneneve sire ifa burafano, susuve sire marafano. ⁵ Nayeyara, Kotina nampa auga mukir antanako mantem awogu umaka. ⁶ Mini anene yu enafa awa yiymite Jisasini awogu yogam waita banonam. Amakukupim erarino awogu waya yu intare awakurite. ⁷ Miugami, mana magagakena muna baya yu buyintano. Kotini awogu anta nampa bano. ⁸ Sito kanaga mana magagakena au'bunam ofa ono. Kotini awogu antafim aupem bano, masidem ofainti bem. Minimi fuga baya nampa bantana aum fakarukem. ⁹ Mini bayami fuga baya bem eran rukem. Maside watanasi intare yimakukum ogo. ¹⁰ Mini antaga erarure yogafano, nayeyara su'yani eran simakukum fuga Kotipim ruka bemi watanasi yivigewam waita, bepim yimakukum rukam watanasi. ¹¹ Atede sima fakade yiyimego. ¹² Enomi rana yigemi sima savi buyino, yimakukum ewa waita yibu awa bago, eyafike, eni yogantike, eni antafike nampa amakukumpim itama erarure ateke bano. ¹³ Mono' baya seve Kotinami yiyi mi'ma awogu eve eraruyike wagana yenu. ¹⁴ Epim bam awogu yoganti burano, mini yoganti emi amidukemino. Kasanmpa yibuntim, yi'nom waita yiyami a'nopim ruka. ¹⁵ Mini anene yu rafima awogu ure mini aupem bagana eno eni yoganti amonama faka da. ¹⁶ Eyageka rafima awogu ure ake baya yu mara maside nura, nayeyara mini anta mano enavigemi maside ena watanasi ba yivigatem.