¹ Mini bayami amaka'i watanasi yimakukum datemono. Mana waita mano mono'ma yi'nom waita yi irantem, mini awogu yoga mararantem. ² Mi'nugami mini yi'nom waitami mana savi anta bepim iwano. Sana inim mana magena a'awna waita bena mana intika bem, awogu anta eve ma'de watanasi yimonano. Ena inim waita intin yimino. ³ (Bia) nomi neva anta nampa aruvin anta bepim iwano. Eno ayiranta nampa ara amin anta bepim bano. Bepim moni ayiranta iyawano. ⁴ Beyamapikem anene yu rafimaawogu ena beyagafanta ami intare ya awakurogo. ⁵ Mana waita mano beni anene yuka awogu ure burafisitem, itenure Kpti ma' i rafisitene? ⁶ Auwem au'wayedukam waita bu amego, beyau mare urem kumipim yanditem wananom ka'na. ⁷ Awogu anta nampa bano, mono baya buyintewa watanasi nampa, nnayeyara wananoni makasintike bu rufaminonam. ⁸ Mono'ma yi'nom waita yu ba miyi om anta mana ogo. ⁹ Atede beve kambaya busego. Amuna nomi (bia) bunago. ¹⁰ Fuga baya yimakukum dega awogu anta nampa atekam intinti amonago. ¹¹ anasi yu ba ateka antafim bogo.Asuvir anta yupim iwano. Awanapim bena atekan anta nampaga bano. ¹² Mono ma yinom waita yu mana inim mana magago.Benagafanta awogu ure rafisevena mapiken anene yuba rafisino. ¹³ Lyemo awogu ants yeka uwantuka,itama erarurem eran amakukum nampa jisasi awakure vemono. ¹⁴ Eka mana bayami agantama re i,e wapa a denaka yenunave. ¹⁵ Semose buyege,a i mini mi waya agentama rauna bemifo koti namapim bano.Mini koyi nama ino intare made nuram bantana koti yige amakukupim erarure bam batanasi. ¹⁶ Fuga baya nampa kotini anta bu ayofanonam.Suya bam au nampa fawaruga,mini mi ayo iyaontano sima faka duka,ankero yu amone sima made magufim duka.Made batanasi intare yimakukum bepim dam,inarufa kanapim uka.