¹ Fa yogewam waitab yu yigenti rafisinti awogu uwakago. Kotini anta nampa beni ake waya savi buyino. ² Fa yogam waiti yi rafisinti Kotipim amakukum ewatem beni yogam waita yu savi buyu akago, nayeyara yigen yifa awa bemino. Yenti anon yogaru marago, nayeyara yigenti rafisinti erarure yogeve mono, yimakukupim bam waita aiyigara evem. Ake waya yimidem awogu anene yuka sitem. ³ Manawayi muna baya Kotina nampa bubugam baya sewatem. ⁴ Beyaumi mare urem mana anene ba intem buyigem. Savi bayayu bepim itukem. Mini savi bayayu'i aruvir antayu, enoni anene amonare au'ara arir anta nampa wata yira mante itavir anta bem. Enonanti sem savi inti su'yaka duka. ⁵ Aruvir anta nampa savi intir yepim batem, Fuga baya yerarem. Yemi intami mana magagakena anene nampa monigu nampa awogu antafim bam. ⁶ Koti awakureve bepim ma'de awogu anene bem. ⁷ Mana magaga fa'warofunami siyapim mana anene bufakanti yigamise fugite mana anene ba mare buvinonam. ⁸ Mi'nugami, yunan nampa unamba'do rukafuna yanti simoyofano. ⁹ Moni nampa mana magagakena anene aiye wam waita amuna umantim ofegatem. Amuna savi antafim ofegeve eno yina nampa eno yiwafu marewa. ¹⁰ Moni ayir antafim mana magagakena savi sava anta bem. Moni aye wanu savi ayika bemi yimakukun yerarem amuna umantim ofegewam. ¹¹ Kotini yogam waita mini yogaru yerare kotini ayo aga anoni anta marago, ma'de nuram amakukun fakama erarue enoon ayiranta nampa ara faru mareve itama erarogo. ¹² Erarure amakukuni aruvinti arubogo. Koti ararem bukipam aum amimi fakama erarono. Mini antaga mini amakukun sima faka danonam amuna watanasi wapim. ¹³ Kotin augaka mana baya ame, Koti simi ma'de anene fa'waruga, Jisasimi Pontinius pailoti namap fuga baya siruka. ¹⁴ Kotini lomi awakunte soke ure bagana jisasi yino. ¹⁵ Beni kanaga Koti rana Jisasi yitem, senuti Ano'na kimi (king), Koti awogu uwaktem, bemana senuti yi'nom waita yi item, senuti Ano'na. ¹⁶ Koti bufugevem, ma'de nuram anon oka bem, wata ba bu amonari buyuga, mage ba i'naem ba anon avi beninta mana. ¹⁷ Mana magagakena moni waita ma'nisire yiyimego,yimo buyega yigenti au ara mana magagakena aneneyuka burago. Koti wapa yigenti inturu dega bemana maside awogu anene yimi. ¹⁸ Eno awogu uyikebega awogu antafim bago. Awogu au ara nampa aenemi eno yimego. ¹⁹ Mini antaga amoneve awogu intiru marevem i'naem yinanim anene yu fakama ereritem. ²⁰ Timoti, awogu anene yu mantukanami mini ba rafima awogu ono. Eni amakukun bu oaf inanim baya'yu buyintano. ²¹ Intin rukafuna waita be sire sinayofo muna site. Mana'a sima faka'de yimakukun buyemono.. Ano'na enampa bano.