¹ Udaanga Anutuuqa kuaa tii vaa aanna ngiaa 1tuinnama rikiaa tee, "Diitadaa ngi ngii mmuaarai yau vaa taapii pinai yau vaa avuu yau vunuu nnaata pata taapii yau vaa avuu yau vunuu nnaata kiaa koo kiee kiai fai iyaa dee kua kiai yau vaa rikiaa ravai. ² Ngia ii taapi iyau voo tama mmuakiaa mminna mmataa aavau dia yau voo tama tuqiinna rikiaatee, dataama vainnee, Udaanga Anutuuqaa kii kuaa voo vai vai voo mmuakiaa arii gioonna kiaapuu mmuakiaa yaa kuaa pinai vau voo vaatama iya yapaa naravai." ³ "Fai na aani vai nii gioonna kiaapuuya ngii ii narannee? Na aani aataruu vai ngii ii nai ingiaa yaata utuuaa rannee? ⁴ Iyiipai yaa mmatai vau ngiaa oovii nnau vaki varuduu na ngii vitee mmanai nniravai. Na Musiinna titoo duu Aroono Miriaamaya ngii sii viravai. ⁵ Nii gioonna kiaapuuya yaata utiida kiaanoo dee tinni maisavai Muaapa yaa Kingai voo Baraakoo ii vai. Bioona mmaapuu voo baraamo inna kuiavaa irisai tunoo, kutaa aanii vai ngiaa Situuma pikiada Sigaara vidaa vaa ngia aikiooma Udaanga Anutuuqa aataru safuu vaa teeda rikiaavai." ⁶ Fai taa aanii mminna vai varaada Udaanga Anutuuqa sii ngiaara nnee? Anutuuqoo ngiau aapuu varii vaara suai a tooruvuu yau haree ravai. Akiooma taa tii katii Anutuuqaraa hudeera suudaa yamai yau vaa tasipama innasii nnidaa mmuakia yau vai hudaa ravai nnee? Puaara burimakau mmuaa nuanuu vai kuai vaa tasiipama kiaada hudaaravai nnee? ⁷ Ta ataama yaata utuau nnanoo, Udaanga Anutuuqo fai mmuaa taapivai (1000) puraa sipisiipa oora daara siriigai naravai. Yaakuu vaitana taapii (10,000) puara sipisiipa nnammari suuya nnoori toorii yau vaatama taa inna mmiau nnavai nnee? Itaama vainai fai taa titii tomeedai yau vaara titii nnaakara taurai yau vaa mmiaaravai. Ii nnaakara ivoo tii nnabaa aakiai vakidirii varii vaa taa titii tomeeda mminna mminna maisa iikiau nnai yau vaa irisai mmiaravai nnee? ⁸ Vaidi soo Udaanga Anutuuqo tikiaa timmioo dee yokeeta aataruu vaara Anutuuqa yokeetai noo dee vai taa aikiooma ii kiaara nnee? Safuu aataruu vaa iidaa, mmuduuya riraa aataruu vaata ausaa mmiraa aataruu vaa taa titii varaa mmataaki kiadaa Anutuuqa vataaravai. ⁹ Udaanga Anutuuqa kuai voo pinaqa yoosinna 9Yeroosareemara viravai. Yokeeta vaidii tinnii ruaiyaa fai aiyara aatuuda ii nnutuu pinai vaa rapisiima taaravai: Yaata yapaa kiadaa tuqinnama rikiaatee, nnammuutua iyaata vaidii gioono ii nnammuutuaa iyaa ii yoosinna ivaki yapeeravai. ¹⁰ Mminna yokeeta voo yau vai veennakiaa vaidii yaa nnau yau vaki vainoo iyaa vaidiiya unnakuaa tidaa mminna varai yau voo hama safuu aataruu daa dirii varaavai. Ii aataruu iyau voo uudainno maisai aataruu yau vai. ¹¹ Hama niiki vaidii voovaara kuaa vaino, itaama vaidii voo hama tomedai vai, itaaama vaino innaki kaayau unnakuaa yaata tinnii yau voo vaino ivoo yaata utuoo vaidii yaa unnakuaa kiaakioo minnai yau vaa varaa naravai nnee? ¹² Vaidii vooyaa kaayau sikau yau voo iyaa suvuai yaa hama safuu aatruu daadirii varaavai. Gioona kiaapuuya kaayau unnakuaa unnakuai yau vaa kiaa voo iyaa avai yau vunuu unnakuaa unnakuai yau voo suvui raravai. ¹³ Ii oyai ivaara fai na tee pikino too pinaa mmuaarai voo ngii yaa ngioo ngii iinai ngiaa ngingii tomeedai yau vaara yaata utidaa boo kiaaravai. ¹⁴ Ngiaa yeennai yau vaa nnaaravai kioo fai hama yoopeema ngii ausai yau voo rasii tinravai; fai ngiaa mmanna mmanna yeenna raidaa vayaravai. Fai ngiaa kaayau yokeeta mminna mminnai yau vaa varaa nuuna yapakioo rikioo fai hama yokee taama ngiisii vai naravai. Dee mminna yau vai ngiqaa nuunama yapai yau vaa, fai ii mminna iyau vaa nnammutuaa iyaa mmiaaravai. ¹⁵ Ngia yeenna hauu vaa utuu kiadaa hama yoopeema kaanai vaa yopeema kaanai vaa fai ngiaa varaaravai. Fai ngiaa yatari oriivai vaa raarapita kiaaravai; kioo fai ngiaa hama aikioo inna suuyai vaadirii ngingii nnabai yau vunuu apuaaravai; fai ngiaa vuaina iirai yau vaa raa rapiitaaravai kioo fai ngiaa hama aikiooma inna suuyai vaa nnaaravai. ¹⁶ Ngiaa Omirinna kuaa mmaannai vaa vataada Ahaapa seenai yaa ii kiaa aataruu mmoori mmuakiaa yau vai ngiaa vataa vai. Iyaa yaata tinnii koonnai yau vaa ngii mmiai yau vaa ngiaa vataa vai. Itaama vainai fai na yoosiinna pinai vaa rummua raubirii naravai, fai ngiaa hanii giadaa vaidii yaa piriisai mminnai vaara roosima nii gionna kiaapuuya fai ngiaa vayaaravai.