¹ Ni yaraa boo kianee! Yatarii nnaakarai yau vaa roosi kiau kai, iya suai vau suai vaki iya varaa nuunaa yapaa kiai yau vaa roosiima mmuai karaama yataari vuaina nnaakarai yau vaa varaa nuunama yapaavo, hameeta yataari vuainai vootama aikioo iira vaidaa aapuukiai na varaano nii nnaba aavaa aikioo naravai. ² Kutaa vee kiaa vaidii iyaa mmatai vakii vidaa hameeta kiaavai; Hameeta vaidii vovoonoo mmuakiaa gioonna kiaapuuya aakiai yau vaki safuu tuaanavai varivai. MMuakiaa iyaa teeradaa ngiari kiau yau vaa tusiida ngiarii noo aataruura puriida ngiarii kataa vayai yau vaa koonnaama ii kiaa ree yau vaara yaata utiravai. ³ Iyaa yaakuu yau voo koonnama iirai vaara safuuma iivai: Haitatuura vai vooya sikaura yaparaa kiaani, kieeta vaidiiya sikaura iyaa yaparakiai yaa mmikiai teedaa iyaa kuai yau vaa raduuda teerai vaara nnaammari kuaa iyaata tiravai. Itaama vaikiai iyaa mmuakia yaa mmuaa kuavai yeena rau yapaa kieeravai. ⁴ Yoo kieeta vaidiya iyaatama variai yaata hanigiadaa yatarii kaayau oovii suvuai vaa roosii kiaani safuu gioonna kiaapuu aataruu voono ikiau maisai yau vaa yaatarai vai. Ii suai ivau haitatuura vaidii yaa iyaa kuai vaa kiaa kiadaa ataa kuaa kiaano suai voovai rummuaa raubirii ranaa suai voo nninaravai. Aanna iyaa suai voo nnikiai teedaa kumimakai daa vayaano. ⁵ Sa vainii vayaa vaidii yaraata iseenai yaraata kutaa vaivee kianee; Ngiaa tuqinnama ngingii gioonnai yau vaa kuai yau vaara yaata utiidaa rikiaa tee. Gioono ngii tasiipama varinnee. ⁶ Itaama vai fai nnaakara ngiaammau yaa hama ngiari kokiai yaraa yokeetai daa kieeta nnusuu kuaaravai. Kiaatanna nnaakarai voo fai arii kaana nnammutaa iino too vaidiivaa nnaatai voo fai vaidii vaa kaana nnammutuaa iinaravai. Ii nnau vaki vayaa ii seenai yaa inna ii nnammutuai yaa vayaano. ⁷ Itaama vainai na neneenoo, fai na nii Udaanga Anutuuqaa taanaravai. Aa ngiini Anutuuqoo gioono nii vitai vaara faannaino too nii Anutuuqoo nii rikiaa naravai. ⁸ Na haruu ruau vaara sa nii nnammuu tuai yaa nigaa siriiga kiatee, suai na haruu ruummuaa kiee fai na kavaa diitaa naravai. Heena aakiai vaki na vayau suai vau Udaanga Anutuuqoo ni mmeekiavai varinaravai vee, tiravai. ⁹ Udaanga Anutuuqaa avuu vau na mminna mminna maisai vaa ii kiau kioo inna ausai nnannaa teerai voo ai niiyaa nninaravai. Aikioo Udaanga Anutuuqoo fai ni varaa ravisii kioo dee yaano mmuaara nimiai yaa koona iyaa iinaravai. Ivoo fai nivitoo mmeekiai vau kuaanaravai, fai na innna aataruu yookeetai vaa aakiai vaki tee vainaravai. Udaanga Anutuuqoo fai mmuaarai vakidirii ni varaa ravisii naravai. ¹⁰ Aikioo ni nnammutuai yaa fai iyaa teekioo Udaanga Anutuuqoo ii mminnai yau voo noo iyaa ii noo mmammaa maisai voo dee vaidii gioono kuaa mmookaa tiivaa rummuaa aapinaravai. Udaanga Anutuuqoo, Ni nnoonnai voo dee vaki varivai nnee?" Akioo fai na nii nnammutuai yaa tee vainaravai; inna nnaa nnammuu tuai yaa fai inna raarapeeta kioo mmataa nnokooka aakiai vaki kuaanaravai. ¹¹ Hanikiaa rairaa suai voo fai nninaravai; ii suai ivau fai iyaa ataruu vaa hayii kioo ngieera kuanaravai. ¹² Ii suai ivau fai iyaa seenai yaa Asiriaa 13ngiaaravai; nnidaa Iyiipai yaa yoosiinna pinai yau vaki aata kuaaravai. Iyaa fai nnoori Yuferetiisa nnaaravai. Itaaanai hoonuruu mmaata taapii yau voo suvuaivai. ¹³ Itaama vaino ii yoosiinna ivoo hanigioo hama vaidiiaa tainoo fai maisainaravai, dataama vainnee, gioonna kiaapuuya aataruu maisai vaara mmuaarai voo iyaa vaataroo iyaa vayaa pinnai kuivai. ` ¹⁴ Puara sipisiipara haitatuura vaidii voo puarai yaara haitatuura yauu vaa tukioo vainno arii gioonna kiaapuu yaraa Haitatuu ravai. Iyaa inna ii puara sipisiipa tuanaa yavee. Iyaa yeerinnau pina yokeeta oovai aakiai variida garaasannai yau vaa ngiarii vaana nneedaa vayaano. Basaanaya Gareetayaa nnaaruu ii kiaa neema iyaa pikiikai garaasannai yau vaa nnaatee. ¹⁵ Fai na arii vookarai mminnai yau vaa ngii vitai naravai, mmuai karaama na ii vitaa kiau voo suai na Iyiipaiya mmaatai vakidirii vitee mmaanai ngiau vai. ¹⁶ Ii yoosiinna pinaa iyaa fai Anutuuqaa yaagueeqai vaa teeda ngiari yaagueeqai yau vaara mmamma maisa kiaaravai; Iya fai ngiari avai yaatai yau vaa ngiari yaakuu yau vaaddirii ramuunna kiaaravai; Suai Udaanga Anutuuqoo ii mminnai yau vaa iyaa taaravai. ¹⁷ Iyaa fai yapai vaa roosiima mmaata mmummuu vau kufukuufai yau vaa mmakirii nnaadirii nneeda mmata varaa aavau nuairana vasingiaamai yaa roosi kiaaravai. Iyaa fai ngiarii yoosinna hataumai makidirii aiyaraa aatuu tasipama ngiaaravai; Udaanga Anutuuqoo aa tii nnoonnai kuavee, iya fai aiyara nnasuu aatuu kiaaravai. ¹⁸ Dee Anutuuqoo gioono iroosi mmuaakarai vainnee, aikiooma mminna mminna maisai yau vaa varainno hama ivoo raoisiima arii seena pataa oyai yaa mminna mminna maisai yau vaa tai vai nnee? Iyaa mmuaara suai vaki yaagueeqama kiaada variravai. Itaama ivoo arii ausa nnanna teerai vaa utikioo hokooba suai vaivai, ivoo arii kuaa yeena rauu kioo kuaa mmaannai vaara mmuakia suai siriigai nnoo arii kuaa yeena rau kioo kuai vaa vateeravai. ¹⁹ Fai aa keena tii yaara boo tiee fai aa tii mminna mminna maisai yau vaa ai yukuu mmemmai vaki iyau vaara rau biriinravai. Fai atii mminna mminna maisa mmuakiaa yau vai nnorii haruunga aakiai vaki kagaarii kinoo kuanaravai. ²⁰ Fai aa ai kuaa kutai vaa tiivitai naravai, ta Yakoopoonna nneedii tunnai yaa aa nnaaruu tii nnaakunna Aaparaahaama ta kua kiaa yeena rau kiaanna kuaa mmaannai vaa tivitaa kiannaavai.