¹ Rapiraa vaidii iya raunnai yaa, nnidaa nuunaidaa rapuaarai vaara teerairavai! Nnammutuai yaa yoosinna piai vaa utuutuuma kieeravai, iya yau voovaa dirii ara kiaada ivaa dirii Isaraira yaa kieeta vaidii voovai kueennai vaa rudauu ravai. ² Nniaa Bitiriiheemai yaata Efaaraatai yaata pikiaatee, ngiaa pataa yoosinnai yaa ngiaa Yutayaa yoosinna pinaa ivaa tammai vaki variaano. Vovoono fai ngii kidirii mmaanai ngioo ni mmatai nai fai na Isaraira yaa haitatuu ranaavai varinaravai. Aa vaidii aaya tatoo nnaakukiai yaa seenai yaa iyaa nnaaruu tuaana varidaa mmuaakia suai nnaaruu variravai. ³ Itaama vaino Udaanga Anutuuqo fai iya mmookaa hanigiaa mminaravai, ina aikioo ii suai ivau gioonnai voo mmamma nnitaree raivaa varoo nnakarai vaa mmatanai iyaa vayakiai yaa vooyaa fai kava varaa ranadaa Isaraira gioonna kiaapuu yasi ngiaaravai. ⁴ Ii suai ivau ivoo fai dioo vainno tauura kieema vioo arii puaraa sipisiipai yau vaara hai tatuuna vai, yaagueeqi vaa aakiai vaki dirii arii Udaanga Anutuuqa nnutuu vaudirii iinaravai. Iyaa fai yookee taama varikioo ivoo fai mmuakiaaya nnoonna vai mmuaakiaa aa mmata aavau vayai yaraa dinaravai. ⁵ Ii suai ivau ivoo fai yoteeta aataruu vaa ti iinai Asiiriai yaa iyaa tii mmaatai vaaki nnidaa iyaa tiita rapuaaravai. Fai ta yaakuu sai vai sainai dirii taarama (7) haitatuura vaidii mmaatai daa yaakuu saivai sainaidirii taara vooma (8) kieeta vaidii mmatai kiai iyaano iyaa tama rapuaa ravai. ⁶ Isaraira yaa rapira vaidiiya fai iyaa paipaa dirii Asiiriai yaata yoosinna pina Nimaroota vee kiai vaki rapuaa ravai. Ivoo fai Asiiriai yaa yaakuu yau vunuu dirii tivaraa ravisi naravai. Suai iyaa atauuva yaatarada timaatai vaki nniravai. ⁷ Fai Yakoopa seena pata voo kiangiaa kaayau gioonna kiaapuuya tasipama iyaa aakiaaki vayaravai, mmuai karaama toopanuu vatii voo heenaki Anutuuqaa sidirii tiivai. Topanuu voo garasannai vau hirii rai vaa roosiinaravai. Aanna sa ngiaa vaidii yaraa tama vaidii vooya nnakarai yau vaa raatama sa ngiaa faanna kiateera tiiravai. ⁸ Mmuakia maatai yau vaa tammai vaki vainnoo mmuakia gioona kiaapuu yara tama vainaravai. Isaraira pata gioonna kiaapuuya fao iya yagueeqama Rayoona roosiima mmuakarama varida ivoo vasigiaammai yau voo pina yeenna nnau yau vaki vayai yaatama variivaa roosiima variaavai. Itaama karaasa Rayoono puraa sipisiipai yau vaa tama variiva roosiinaravai, ssuai rayoono iyaa tammai yau vaki nuainaravai. Ivoo fai iyaa gutuu kioo iyaa ratooka pataapatai noo fai hama yopeema vaidii vovoono iyaa varaa ravisi naravai. ⁹ Ngiaa Isaraira gioonna kiaapuu yaso, fai ngiaa ngingii yagueeqai yau vaa varaaru utikioo ngiau aapuu vainai fai ngingii nnammutuai yau vaa ruputuu raubirii kiaaravai. ¹⁰ "Udaanga Anutuuqo ataa kuaa tunoo" Ii suai ivau fai na muakiaa ngii hoosai yau vaata kariisai yau vaatama ruputuu raubiriinaravai. ¹¹ Fai na ngii tauna pinai yau vaa rummua rau biriinna taunai yau vaara rammuaa hanikiaa yaagueeqaa mmuakiaa yau vai havaarata kiaanavai. ¹² Saakarua vaidii yaa ngii tasipama variai yaa fai na rupuutinaravai, fai hama mmanna mmana teerana vaidii ngii tasiipama varinaravai. ¹³ Fai na ngii unnakuaa anutuu yau vaa ruputuu raubirii naravai. Yatarii yau voota sikau tuunnai yau voota ngii taipama vai yau vaa dirii yaa ii kiaavai. Fai ngiaa hama vaiii yaa ngiarii yaakuu kidirii ikiaa mminna iyau vaara keena sudaaqa kiaaravai. ¹⁴ Fai Aseeranna taunai vaa yaaada kiee ngii unnakua anutuu gioonnai voo ngii tasiipa variivaa mmatainna ngii tauna mmuakiaa iyau vaa rummua raubirii naravai. ¹⁵ Ausa nnannaa teera varai vau fai na mmuaaraiva mmuakiaa yoosinna mmatai yau vaki vayaa gioona kiaapuuya hama nikuai vaa rikiai yaa mminaravai vee tiravai.